Levi 21
21
1Jehova i te ngalo ka Mosi: Byela vapristi, a vana va Aroni, uku ka vona: A mupristi ngiia a nga ti nyenyezisi hi kota ya munhu a fileko ka vanhu va ka kabye,
2saseka loku gi hi xaka gakwe ga nkhata munwe na yena, kutani i mamani wakwe, kutani i dadani wakwe, kutani mufana wakwe, hambu nhanyana wakwe, hambu nakulobye,
3kutani makabye wakwe loyi a nga mubulwa, loyi a nga laha kusuhani kakwe, loyi a nga hiko na nuna; loyeke wa zi kota ku ti nyenyezisa hi kota ya yena.
4Lezi a nga wahombe lomu tikweni gakwe, a nga ti nyenyezisi.
5A vapristi va nga haiuli misisi, hambu ku cinga va kenyetela malevu, hambu ni ku tlhavela mimiri yabye. Ezek. 44:20
6Va tava va basileko va Nungungulu wabye, va nga hanahanisi a vito ga Nungungulu wabye, hakuva mbanyikeli va miphahlo ya ku hiselwa Jehova, leyi ku nga kuga ka Nungungulu wabye; hikwalaho va tava va basileko.
7Va nga teki wasati loyi a nga xibhayi, kutani wasati loyi a nga ni xixovo, hambu wasati loyi a tsikilweko hi nuna wakwe, hakuva a mupristi i basile ka Nungungulu wakwe.
8U ta mu hlaya loyi a basileko, hakuva hi yena a nyikelako a zakuga ka Nungungulu wa wena; i tava a basile ka wena, hakuva nzi basile, mina Jehova loyi a mu basisako.
9Loku a nhanyana wa mupristi a ti chela tingana hi ku ti nyikela wubhayini, i chelile tingana raru wakwe; hikwalaho i ta hiswa hi nzilo.
10Loyi a nga mupristi wa hombe xikari ka vamakabye vakwe, loyi a chelilweko mafura hlokweni yakwe, loyi a wumbelweko ku ambala tinguwo to basa, ngha hloko yakwe yi nga tshami ni tshitshi, hambu ni ku hanzula tinguwo takwe.
11Ngha a nga tshineli ni ka xihi xirumbi, a nga ti nyenyezisi hi kota ya dadani wakwe hambu mamani wakwe.
12Hambu ni ku huma lomu ka wutshamu ga kubasa ga Nungungulu wa yena, hakuva a mafura ya kutota ya Nungungulu wakwe ma le hehla ka yena. Hi mina Jehova.
13Loku a teka sati, a teke nhwana.
14A nga teki a noni, hambu loyi a hlongolweko, hambu loyi a gohekileko, kutani xibhayi; kanilezi i ta teka a nhwana lomu xikari ka va ka kabye, ava sati wakwe,
15kasi a nga cheli tingana a pswalo wakwe lomu ka vanhu va ka kabye. Hakuva hi mina Jehova loyi a mu basisako.
16Jehova i lo wulawula kambe ka Mosi, aku:
17Byela Aroni, uku ka yena: Kani hi wihi munhu wa lixaka la wena zizukulwaneni zontlhe, loyi a lameleko, ngha a nga tshineli ku nyikela a zakuga ka Nungungulu wakwe;
18hakuva ngha ku nga tshineli munhu loyi a lameleko mirini wakwe: kani hi wihi munhu loyi a nga xikhumu, kutani loyi a khwitako, hambu loyi a nga ni mabawa nghoheni yakwe, hambu xiro xi hunzako xinwani;
19kutani hi munhu a tshovekileko nenge, kutani woko,
20kutani loyi a nga ni lunza, kutani ximburututwana, kutani loyi a nga ni tihlo ga nzololo, hambu loyi a nga ni sakaveti laha hlokweni, kutani loyi a nga ni sakaveti ginwani, kutani loyi a thenilweko.
21Kani hi wihi wa lixaka la mupristi Aroni, loyi a lameleko, ngha a nga tshineli a nyikela miphahlo ya kuhiswa ka Jehova; loye a lameleko ngha a nga tshineli a nyikela zakuga za Nungungulu wakwe.
22Hakunene yena i taga a zibaba za Nungungulu wakwe, a zilo zi basileko nguvu, ni lezi zo basa;
23kanilezi ngha a ngayi kusuhani ni nguwo ya xisirelo, hambu ni ku tshinela laha alatini, hakuva yena xilema; u nga nyenyezisa a wutshamu ga mina go basa, hakuva hi mina Jehova loyi a gi basisako.
24Zontlhe lezi Mosi i lo byela Aroni ni vana vakwe, ni vontlhe vanana va ka Israeli.
Currently Selected:
Levi 21: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
