Joxua 21
21
1Zonake a manghanakana ya tiyindlu ta va ka Levi ma lo tshinela kusuhani ka mupristi Eliazari, na Joxua nʼwana Nuni, ni manghanakana ya tixaka ta vanana va ka Israeli,
2va lo wulawula kabye le Xilo, le tikweni ga le Kanani, vaku: Jehova i leletele hi Mosi lezaku hi nyikiwa a miti ya ku aka ka yona ni matshamu ya kona, kasi ma maha ya zifuyo za hina. Mitse. 35:1
3Zonake a vanana va ka Israeli va lo nyika ka vaLevi a miti leyo ni matshamu ya kona, khwatsi hi kuleletela ka Jehova. Va lo ma humesa lomu titshombeni tabye.
4Ku lo huma a mingango ya ka Kohati hi ku hlahluva; zonake a vana va mupristi Aroni, a vaLevi, va lo kuma hi ku hlahlubya a 13 wa miti lomu ka lixaka la ka Juda, ni lomu ka lixaka la ka Simeoni, ni lomu ka lixaka la ka Benjamini.
5Ni vanwani vanana va ka Kohati va lo kuma hi ku hlahlubya 10 wa miti yi nga lomu ka tiyindlu ta tixaka ta ka Efraime, ni ta ka Dani, ni lomu ka khihlanya ka lixaka la ka Manasa.
6A vanana va ka Gerxoni va lo kuma hi ku hlahlubya a 13 wa miti lomu ka tiyindlu ya tixaka ta ka Isakari, ni ka lixaka la ka Axeri, ni ka lixaka la ka Naftali, ni ka khihlanya ga lixaka la ka Manasa le Baxani.
7A vanana va ka Merari hi mingango yabye va lo kuma 12 wa miti lomu ka lixaka la ka Rubeni, ni lomu ka lixaka la ka Gadi, ni lomu ka lixaka la ka Zebuloni.
8Hi zalezo a vanana va ka Israeli va lo avela a vaLevi hi ku hlahluva a miti ni wuriselo ga kona, khwatsi hi lezi Jehova a leleteleko ka Mosi.
9Hi yona ndlela leyo va lo va nyika a miti leyi yi nga lomu ka lixaka la ka Juda, ni lomu ka lixaka la vanana va ka Simeoni, a miti leyo yi wulilweko hi mavito ya yona.
10A ka vanana va ka Aroni, va mingango ya ka Kohati, lava va nga vanana va Levi, hakuva a ku avelwa loko ku sangule ha vona. 1 Kro. 6:54
11Va lo va nyika a muti wa Arba, a raru wa va ka Anake le Hebroni le xitsungeni xa ka Juda, ni wuriselo ga kona ka matlhelo wontihe;
12kasike a masimu ya muti ni zimitana za wona, va zi nyikile ka Kalebi a nʼwana Jefuna ma maha yakwe.
13Va lo nyika ka vanana va mupristi Aroni a muti wa wuponelo ga mudayi, Hebroni, ni wuriselo ga kona, ni Libna zinwe ni wuriselo ga kona,
14ni Jatiri ni wuriselo ga kona, ni Extemoa ni wuriselo ga kona,
15ni Holoni ni wuriselo ga kona, ni Debiri zinwe ni wuriselo ga kona,
16ni Aini zinwe ni wuriselo ga kona, ni Juta zinwe ni wuriselo ga kona, ni Bextixemexe zinwe ni wuriselo ga kona; 9 wa miti lomu ka tixaka timbiri;
17ni lomu ka nyangwa ya ka Benjamini, Gibeoni zinwe ni wuriselo ga kono, ni Geba zinwe ni wuriselo ga kona,
18ni Anatoti zinwe ni wuriselo ga kona, ni Almoni zinwe ni wuriselo ga kona: mune wa miti.
19Yontlhe miti ya vanana va Aroni yi wa hi 13 zinwe ni wuriselo ga kona,
20A miti ya ziavelo za tiyindlu ta vanana va ka Kohati, va nga vaLevi lava va seleko va vanana va Kohati, yi wa hi lomu ka lixaka la ka Efraime.
21Na vona va lo va nyika Xekemi ni wuriselo ga kona, a kuva muti wa wuponelo wa mudayi, le xitsungeni xa ka Efraime, ni Gezera zinwe ni wuriselo ga kona,
22ni Kebzaime zinwe ni wuriselo ga kona, ni Bet-Horoni ni wuriselo ga kona: mune wa miti;
23ni lomu ka nyangwa ya ka Dani, Elteke zinwe ni wuriselo ga kona, Gibetoni zinwe ni wuriselo ga kona,
24Aijaloni zinwe ni wuriselo ga kona, ni Gati-Rimoni zinwe ni wuriselo ga kona; mune wa miti;
25ni lomu ka khihlanya ga lixaka la ka Manasa, Taanaki zinwe ni wuriselo ga kona, ni Gati-Rimoni zinwe ni wuriselo ga kona; miti mimbiri.
26Yontlhe miti ya vanana va ka Kohati lava va seleko, yi wa hi 10 zinwe ni wuriselo ga kona.
27Na vona va lo nyika ka vanana va ka Gerxoni, va nga mingango ya va ka Levi, lomu ka khihlanya ga lixaka la ka Manasa, a Golani wa Baxani, a kuva muti wa wuponelo ga mudayi, zinwe ni wuriselo ga kona, ni Bexetera zinwe ni wuriselo ga kona, miti mimbiri.
28Ni lomu ka lixaka la ka Isakari, Kixioni zinwe ni wuriselo ga kona, ni Deberate zinwe ni wuriselo ga kona,
29ni Jarmuta zinwe ni wuriselo ga kona, ni Enganima zinwe ni wuriselo ga kona: mune wa miti;
30ni lomu ka lixaka la Axeri, Mixali zinwe ni wuriselo ga kona, ni Abdoni zinwe ni wuriselo ga kona,
31ni Helkata zinwe ni wuriselo ga kona, ni Rehoba zinwe ni wuriselo ga kona: mune wa miti;
32ni lomu ka lixaka la ka Naftali, Kedexe wa Galile zinwe ni wuriselo ga kona, a kuva muti wa wuponelo ga mudayi, ni Hamati-Dora zinwe ni wuriselo ga kona, ni Kartani zinwe ni wuriselo ga kona: miti minharu.
33Yontlhe miti ya ka Gerxoni, hi mingango yabye, yi wa hi 13 ni wuriselo ga kona.
34Va lo nyika ka mingango ya vanana va ka Merari, va nga vaLevi lava va seleko, Jokneamu zinwe ni wuriselo ga kona, ni Karta zinwe ni wuriselo ga kona,
35ni Dimna zinwe ni wuriselo ga kona, ni Nahalali zinwe ni wuriselo ga kona; mune wa miti; lomu ka lixaka la ka Zebuloni;
36ni lomu ka lixaka la ka Rubeni, Bezera, zinwe ni wuriselo ga kona, ni Jahaza zinwe ni wuriselo ga kona,
37ni Kedemoti zinwe ni wuriselo ga kona, ni Mefate zinwe ni wuriselo ga kona; mune wa miti;
38ni lomu ka lixaka la ka Gadi, Ramoti wa Gileade zinwe ni wuriselo ga kona, a kuva muti wa wuponelo ga mudayi, Mahanaime zinwe ni wuriselo ga kona,
39ni Hexboni zinwe ni wuriselo ga kona, ni Jazera zinwe ni wuriselo ga kona: yontlhe miti mune.
40Leyi hi yona yontlhe miti ya vanana va ka Merari hi mingango yabye, va nga lava va seleko va mingango ya ka Levi; a xiavelo xabye i 12 wa miti.
41Yontlhe miti ya vaLevi yi nga lomu xikari ka tshomba ya vanana va ka Israeli i 48 wa miti zinwe ni wuriselo ga kona.
42Hi yona miti ya kona leyi; muti munwe ni munwani wu wa hi ni wuriselo ga wona gi wu renzetekelako; zi wa nghaho ka yontlhe miti.
43Zinghaho Jehova i lo nyika ka Israeli gontlhe a tiko legi a nga wa hlambanyile ka vararu vabye a ku va nyika gona, zonake va lo gi amukela, va tshama ka gona.
44Na Jehova i lo va nyika kuhumula ka wontihe matlhelo, khwatsi hi lezi a nga wa hlambanyile ka vararu vabye; cima ku wa nga hi kona ni munwe wa valala vabye a nga zi kota ku tiya mahlweni kabye, Jehova i lo va nyikela vontlhe canjeni gabye.
45Ku wa nga hi kona a gezu ni ginwe gi wileko hasi ka wontihe magezu yo saseka laya Jehova a nga wa wulawula ka Yindlu ya Israeli: zontlhe zi lo maheka. Jox. 23:14; 1 Tih. 8:56
Currently Selected:
Joxua 21: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
