Joeli 1
1
A humbi ni ndlala,
1A mhaka ya Jehova yi tileko ka Joeli a nʼwana Petueli.
2Zwanani lezi nwina zikhosana! Kangatelani ndleve nwina nwentlhe vaaki va tiko! Ku na nga dzuka ku humelela a zilo za lixaka lolu masikwini ya nwina, hambu kutani masikwini ya vadadani va nwina ke?
3Zi hlawuteleni ka vanana va nwina, a vanana va nwina va zi hlawutela ka vabyewo, a vanana vabyewo ka xinwani xizukulwana.
4Lezi zi siyilweko hi bhanzala zi gilwe hi humbi, lezi zi siyilweko hi humbi zi gilwe hi zidodwani, ni lezi zi siyilweko hi zidodwani zi gilwe hi ziwungwani.
5Vukani mu rila, nwina zidakwa! Banani huwa nwina nwentlhe vanwi va vinya, hi kota ya vinya go tsombela hakuva gi susilwe milonwini ya nwina.
6Hakuva a mufumo wu hlasele a tiko ga mina, a mufumo wa ntamu wa vanhu va tsanzavahlayi. A meno ya wona ma fanana ni ya nghala, a makhwaha ya wona ma fanana ni ya pswele ga nghala.
7Wu onhile a xivina xa mina, wu kwamula mahati ya mikuwu ya mina, wu tlhatlha matluka ya yona, wu yi hangalasa lahasi; a maravi ya yona ma tshama ma basile.
8Rila khwatsi u nhwana a ambeleko a nguwo ya sakwa a rilelako a nuna wa wuswa gakwe.
9Minyikelo ya tinzhoho ni ya kunwa a ya ha hi kona ndlwini ya Jehova; a vapristi lava va nga zitiri za Jehova va rila.
10A masimu ma gohilwe, a tiko gontlhe gi le nkosini, hakuva a mavele ma gohekile, a vinya giswa gi pswhile, ni mafura ma womile.
11A varimi va tsemeka hlana, ni vahlayisi va zivina vaba huwa, hi kota ya mavele ni sevada, hakuva a tshovelo wa masimu wu wonhekile.
12A mavina ma wunile ni mikuwu yi chomile, a sinya ya pomegranada, ni cinzu, ni sinya ya mamasa, ina ni tontlhe tisinya ta khwati ti womile: a kutsaka kontlhe ku mbhelile xikari ka vanhu.
13Nwina vapristi, ambalani a tinguwo ta tisakwa, mu rila; banani huwa nwina zitiri za alati; nwina malanza ya Nungungulu wa mina, etlelani gontlhe wusiku na mu ambele a tinguwo ta tisakwa, hakuva a minyikelo ya tinzhoho ni ya kunwa a za ha yiswi koha ndlwini ya Nungungulu wa nwina.
14Yimisani a siku ga kuyila, mu ramba a gotsovanyano wa ximuse. Tsombanyisani a zikhosana ni vontlhe a vaaki va tiko lomu ndlwini ya Jehova a Nungungulu wa nwina, mu rila ka Jehova.
15Yowe, a siku legi! hakuva a siku ga Jehova gi tshinele, gita kota lobyiselelo hi ka Nyamintamu.
16A zakuga a zi wutliwangi mahlweni ka hina ke? A kutsaka ni kunengela a ku fuviswangi ndlwini ya Nungungulu wa hina ke?
17A timbewu ta bola lahasi ka marukwani, a tshala a gi na nchumu, ni zigurumbu zi wile, hakuva a ku na mavele.
18A zifuyo za keta, a mitlhambi ya tihomu ti kanganyiseka, hakuva a ta ha hi na wuriselo, ni mitlhambi ya tiyivu yi le kubayisekeni.
19Jehova, nza rila ka wena, hakuva a wuriselo ga le xiwuleni gi swile, a nzilo wu hisile tontlhe tisinya ta khwati.
20Ina, a zihari za khwati za keta ka wena, hikuva a mati ya micongo ma pswhileko, ni wuriselo ga lomu xiwuleni gi swile hi nzilo.
Currently Selected:
Joeli 1: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
