Jeremia 46
46
A xiprofeto ha Gipite.
1A mhaka ya Jehova leyi yi ngata ka muprofeti Jeremia xungetano ni matiko.
2Xungetano ni Gipite, hi yimpi ya Faro-Neko a hosi ya Gipite, leyi yi nga hi kusuhani ni congo wa Eufrate le Karkemixe, leyi Nebukadrezzare a hosi ya le Babuloni a nga yi hlula hi lembe ga wumune ga kufuma ka Jehoiakimu a nʼwana Josia, hosi ya ka Juda. 2 Tih. 24:7; Isa. 19:1; Ezek. 29:2
3Longisani a tingenge ni zitlhangu, Muya kulweni.
4Gabhatselani mahaxi, mu khilela nwina vakhileli;
Yimani na mu bohile tindlondla ta nwina;
Kutlani matlhari, mu ambala zikatawu za xiketse.
5Hikuyini nzi va wonako na va rurumela, va tlhelela nzhako?
A tinhenha tabye ti hluliwa,
Ti tsutsuma ti nga cuwuki nzhako;
Matlhelo wontihe ku kona kuchava, ku wula Jehova.
6A va mazambu va nga tsutsumi, ni tinhenha ti nga poni;
Va retemukile vawa le Nwalungu a congweni wa Eufrate. Am. 2:14
7Himani loyi a kukumako ku fanana ni Nilo,
Loyi a mati yakwe ma khulungako kukotisa micongo?
8Hi Gipite gi kukumukako ku fanana ni Nilo,
A mati yakwe ma khulunga khwatsi micongo.
Aku: Nzi ta kukumuka, nzi fenengeta misava;
Nzi lovisa a miti ni vaaki va yona.
9Dlaladlalekani nwina mahaxi,
Nwina tikareta tsutsumani mazambu!
A tinhenha a ti range mahlweni:
Kuxe na Pute lava va welelako zitlhangu,
Na Ludima lava va kondlako mawura.
10Hakuva i siku ga Hosi, Jehova wa tiyimpi,
A siku ga ku photela, a ti photela valala vakwe.
A supado yi taga yi xura, yi tlhela yi popiwa hi nkhata wabye.
Hakuva Hosi Jehova wa tiyimpi i na ni muphahlelo tikweni ga le Nwalungu
Le congweni wa Eufrate.
11Kanziha uya Gileade u ya teka muri,
Wena nhwana, nʼwana wa Gipite!
U tirisa a miri yo tala mahala,
A ku na kuchumiwa.
12A matiko ma zwile hi tingana ta wena,
A misava yi tele hi tihuwa ta wena,
A nhenha yinwe yi khunguvanyiswa hi yinwani,
Tiwa zinwe hi wumbiri ga tona.
13A mhaka leyi Jehova a nga yi wula ka muprofeti Jeremia, xungetano ni lezi Nebukadrezzare a hosi ya le Babuloni a ta nga tisa zona a ta hlasela a tiko ga Gipite.
14Tiyisani le Gipite, mu zi tlhatlhambutela le Migdole,
Mu tlhatlhambutela le Nofe ni le Tahpanhesi,
Muku: Yima u ti longisela,
Hakuva a supado yi gile lava va ku ranzelekeleko.
15Hikuyini a tinhenha ta wena ti wadamiswako ke?
A ti na nga yima, hakuva Jehova i ti papaxile.
16I khunguvanyisile vanyingi,
Vawa, munwe hehla ka munwani;
Vaku: A hi vukeni hi tlhelela tikweni ga hina,
A tikweni ga hina ga maheleko,
Hi tsutsuma a supado yi dayako.
17Laho vaba huwa, vaku:
Faro a hosi ya Gipite i file,
I hunzelwe hi xikhati xakwe.
18Nza hlambanya hi kuhanya ka mina, ku wula Hosi,
Leyi yi tibyako Jehova wa tiyimpi,
Hizinene wata, na a fanana ni Tabor xikari ka zitsunga,
Aku khwatsi hi Karmeli hi laha bimbini.
19Wena nhwana u tshamako Gipite,
Ti longisele a kuya wukhumbini,
Hakuva Nofe i ta hahlulwa,
I ta hiswa a vumala muaki.
20Gipite i thokazi go saseka nguvu,
Kanilezi a bhawani gata hi le Nwalungu.
21A masochwa yakwe lomu tikweni gakwe
Me khwatsi marole ma nonileko;
Hakuva vonawu va tlhela nzhako va tsutsuma zinwe,
A va yimangi;
Hakuva a siku gabye ga makhombo ga va tela,
A xikhati xa kutsayiswa kabye.
22A gezu ga Gipite gi khwatsi hi gezu ga nyoka;
Hakuva vata ni yimpi,
Va mu tela ni zihloka khwatsi vatsemi va tisinya.
23Va hlahla a khwati gakwe, ku wula Jehova,
Hakuva ga khwela;
Va tele ku hunza humbi, mba tsanza-vahlayi,
24A nhwana wa Gipite i ta wiswa tingana,
I ta nyikelwa mandleni ya vanhu va le Nwalungu.
25Jehova wa tiyimpi, a Nungungulu wa Israeli, i ngalo: Nzi taba Amoni na No, na Faro na Gipite ni vanungungulu vakwe, ni tihosi takwe, yena Faro ni lava va tsumbako yena. Ekso. 12:12; Nah. 3:8
26Nzi ta va nyikela mandleni ya lava va hlotako a wutomi gabye, ni mandleni ya Nebukadrezzare a hosi ya Babuloni, ni mandleni ya malanza yakwe. Kanilezi anzhako ka lezo Gipite gi ta akiwa ku fanana ni kaleloko, ku wula Jehova.
27Kanilezi u nga chavi, wena Jakobe, nanza ga mina,
U nga dzukiswi wena Israeli;
Hakuva nzi ta ku humesa tikweni ga le kule,
Ni vana va wena tikweni ga wukhumbi gabye.
Jakobe i ta wuya, a ta tshameka khwatsi,
Ku nga tava kona wo mu chavisa.
28U nga chavi wena Jakobe, nanza ga mina, ku wula Jehova;
Hakuva nzi zinwe na wena.
Hakuva nzi ta mbhetisa wontihe a matiko
Lawa nzi ku hangalasileko ka wona,
Kanilezi wena nzi nga ta ku mbhetisa;
Nzi ta ku laya hi nongameto,
A nzi zi koti ku ku tsika na u nga biwangi.
Currently Selected:
Jeremia 46: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
