Jeremia 43
43
Jeremia a yiswa le Gipite.
1Laha Jeremia a nga wa mhhetile ku byela tiko gontlhe a timhaka tontlhe ta Jehova a Nungungulu wabye, leti Jehova a Nungungulu wabye a ti rumeleko kabye ha yena,
2Azaria a nʼwana Hoxaia na Johannani a nʼwana Karea, ni vanhu vontlhe va matshanza va lo byela Jeremia, vaku: Wa hemba wunwa! Jehova Nungungulu wa hina a nga ku rumangi ku ta hi byela, uku: Mu ngayi Gipite mu ya luvela kona.
3Kanilezi hi Baruke a nʼwana Neria a ku kucetelako akuva u hi vukela, kasi ku hi nyikela mandleni ya maKaldea, va fela ku hi daya hambu ku hi yisa wukhumbini le Babuloni.
4Zinghaho Johannani nʼwana Karea ni tinduna tontlhe ta mabutho ni vanhu vontlhe a va ingisangi a gezu ga Jehova, gaku a va tshame tikweni ga ka Juda.
5Johannani nʼwana Karea ni tinduna tontlhe ta mabutho va lo teka a misalela yontlhe ya ka Juda, lava va nga wa wuyile hi lomu matikweni wontihe lawa va nga yile ka wona, kasi ku ta aka tikweni ga ka Juda;
6a vavanuna, ni vavasati, ni vanana, ni vanhanyana va hosi, ni vontlhe vanhu lava Nebuzaradani a nduna ya vanyakasani a nga va siyile na Gedalia nʼwana Ahikamu wa Xafani, zinwe na Jeremia na Baruke nʼwana Neria,
7ya loya tikweni ga Gipite hakuva a va ingisangi a gezu ga Jehova. Va lo ya chikela le Tahpanhesi.
8Zonake le Tahpanhesi a gezu ga Jehova gi lota ka Jeremia, giku:
9Teka a maribye ya hombe u ma mehela hi murongwa lomu lilonzeni laha nyangweni ya yindlu ya Faro le Tahpanhesi, u zi maha mahlweni ka vanhu va ka Juda,
10uku kabye: Jehova wa tiyimpi a Nungungulu wa Israeli, i ngalo: Nzi ta vitanisa Nebukadrezzare a hosi ya le Babuloni, a nanza ga mina, nzi ta yimisa a xitshamu xakwe xa wuhosi hehla ka maribye lawa nzi ma fihlileko; i ta gwimba a tenda gakwe ga wuhosi hehla ka wona.
11I ta ta hlasela a tiko ga Gipite; lava va yimiselweko kufa va ta dawa, ni lava va yimiselweko wukhumbi va taya wukhumbini; lava va yimiselweko ku dawa hi supado va ta dawa hi supado.
12Nzi ta dzivela nzilo lomu tindlwini ta vanungungulu va Gipite; Nebukadrezzare i ta ti hisa a yisa zifananiso wukhumbini. I ta ti fenengeta hi tiko ga Gipite kukotisa a murisi a bohako nguwo yakwe; zonake i ta huma lomo hi kurula.
13I ta khungumula a timhinga ta maribye le Bete-xemexe lomu tikweni ga Gipite, a hisa hi nzilo a tiyindlu ta vanungungulu va Gipite.
Currently Selected:
Jeremia 43: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
