Jakobe 5
5
A vafumileko na kawukiwa.
1Ma nga zwani, nwina mu fumileko; rilani muba huwa hi kota ya zixaniso lezi zi ta ngata hehla ka nwina. Lu. 6:24; 1 Tim. 6:9
2A titshomba ta nwina ti bolile, ni tinguwo ta nwina ti gilwe hi tisumba. Joba 13:28; Mat. 6:20
3A nzalama ya nwina ni siliva zi kurukile; a kukuruka ka zona ku tava wukustumunyu go mu vukela, ku taga a nyama ya nwina kota nzilo. Nwina mu ti hlengeletele a titshomba masikwini yo gumesa. Rom. 2:5
4Langutani, a hakhelo wa zitiri lezi zi nga tshovela masimu ya nwina, lowu mu nga va kalavela hi wuxengeteli, wa rila; ni kurila ka lava va nga tshovela ku zwele tindleveni ta Hosi ya tiyimpi. Levi 19:13; Deut. 24:15; Jer. 22:13
5Nwina mu hanyile hi malongo misaveni, mu ti tsakisa; mu nonisile a timbilu ta nwina a sikwini ga kutlhabyiwa. Am. 6:1, 4; 1 Tim. 5:6
6Mu konile loyi a lulamileko, mu mu daya; a nga mu ali.
Kutimisela ni kukombela.
7Hikwalaho, vamakabye, timiselani kala Hosi yi wuya. Langutani, a murimi wa langutela a mihanzu yo saseka ya misava, a timisela a kala a kuma a vula yo ranga ni yo gumesa. Deut. 11:14
8Ngha nwinawu mu timisela, mu tiyisa timbilu ta nwina; hakuva a kuwuya ka Hosi ku tshinele. Fil. 4:5; 1 Ped. 4:7
9Vamakabye, mu nga konyelaneni, lezaku mu nga lamulwi; langutani, a mulamuli i yimile laha nyangweni. Mat. 24:33; 1 Kor. 4:5
10Vamakabye, a kutimisela ni lihlaza-mbilu la vaprofeti lava va nga wulawula vitweni ga Hosi, a zive xiwonelo xa nwina. Mat. 5:12
11Hi ngalo: Va katekile lava va nga timisela. Mu zwile hi kutimisela ka Joba, mu wonile a kugumelwa ka Hosi; hakuva a Hosi yi tele hi ku zwela wusiwana ni wuxinji. Mitse. 14:8; Joba 1:21; Tis. 103:8
12Nguvunguvu, vamakabye va mina, mu nga hlambanyi hi nchumu, hambu hi tilo, hambu ni misava, ge ni kwihi kuhlambanya; kanilezi ngha a Ina wa nwina a hi Ina, ni Ahihi wa nwina a hi Ahihi; kasi mu nga weli kulamulweni. Mat. 5:34
13Loku a hi kona xikari ka nwina loyi a xanisekako, ngha a khongela; loku a hi kona leyi a xaleleko, ngha a yimbelela kubonga.
14Loku a hi kona xikari ka nwina loyi a babyako, ngha a vitana a masingalakati ya bandla, ma ta mu khongelela, ma mu tota hi mafura vitweni ga Hosi. Mar. 6:13; 16:18
15A kukhongela ka kukholwa ku ta hanyisa loyi a babyako, a Hosi yi ta mu vuxa; ni loku yena a ngha a onhile, i ta tsetselelwa. Isa. 33:24; Mat. 9:2
16Hikwalaho tivisanani a zionho za nwina, mu khongelelana, kasi ma hanyiswa. A mukombelo wa munhu a lulamileko wa vuna nguvu. Gen. 20:17; Mitse. 11:2; Jox. 10:12
17Elija i wa hi munhu a nga hi ni mahanyela yo kota hina, i lo kombela ni ku khongela lezaku yi ngani vula; a yi nangi misaveni a malembe manharu ni ntlhanu wa tihweti ni yinwe. 1 Tih. 17:1; Miti. 14:15
18Zonake i lo engeta a khongela, ni tilo gi lo nisa vula, a misava yi lo phandlula a mihanzu ya yona.
19Vamakabye va mina, loku munwe wa nwina a hambukile zineneni, ni munwani a mu wuyisa,
20ngha a zi tiva lezaku loyi a wuyisako a muonhi ndleleni yakwe ya kuhambuka, i ta hanyisa a muhefemulo kufeni, a khubhunyeta zionho zinyingi, Rom. 11:14; 1 Kor. 9:22; 1 Ped. 4:8
Currently Selected:
Jakobe 5: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
