Isaya 64
64
1O, loku ku wo khwatsi wa hanzula matilo u chika,
Kasi a zitsunga zi wa ta tseka-tseka mahlweni ka wena, Vala. 5:4
2A kukotisa a nzilo wu dzivelako tihunyi ti womileko,
A nzilo wu vilisa mati;
Lezaku a valala va wena va fela ku tiva a vito ga wena,
Ni matiko ma rurumela mahlweni ka wena.
3Laha na u mahile a zilo zo tshisa,
Lezi hi nga kala hi nga rinzelangi,
U lo chika kasi a zitsunga zi wa tsekatseka mahlweni ka wena.
4Hakuva kusukela kaleloko a ku na nga zwiwa,
A ku na nga ingisiwa hi ndleve,
Ge hambu ku woniwa hi mahlo a Nungungulu munwani Loyi a mahako mitiro ya kunghahi ka lava va mu langutelako.
5Wa tlhangaveta lava va tsakako ku maha kululama,
Lava va ku alakanyako tindleleni ta wena:
Languta, u wa zangara hakuva hi ku onhele;
Zi wa hi tano ni kale, hi ta hanyiswa ke?
6Hina hontlhe hi fanana ni loye a nga hlazekangiko,
Ni kontlhe kululama ka hina ku fanana ni nguwo yi nga ni chaka;
Hina hontlhe hi wuna kukotisa matluka,
Ni zigoho za hina za hi kukuleta ku fanana ni mheho.
7A ku na munhu a khongelako vitweni ga wena,
Loyi a vukako kasi ku namarela ka wena;
Hakuva u hi fihlele a nghohe ya wena,
U hi tsika hifa zigohweni za hina.
8Kanilezi makunu, wena Jehova u dadani wa hina;
Hina hi wumba, wena u muwumbi wa hina,
Hina hontlhe hi ntiro wa mandla ya wena, Jer. 3:19; Rom. 9:20
9U nga zangari ku hunzisa, O Jehova,
U nga hi alakanyeli kugoha kala kupinzuka!
Kanilezi alakanya lezaku hina hontlhe hi vanhu va wena.
10A miti ya wena yi basileko yi mahile xiwula,
Zioni gi mahile xiwula, Jerusalema i rumbi.
11A yindlu ya hina yi basileko leʼyo saseka,
Leyi a vadadani va hina va nga ku dumisa ka yona,
Yi swile hi nzilo,
Ni zontlhe lezi zi nga hi tsakisa zi wonhilwe. 2 Tih. 25:9; 2 Kro. 36:19
12A ka zontlhe lezo u ta ti khoma ke, O Jehova?
U ta miyela, u hi hlokisa ku hunza mpimo ke?
Currently Selected:
Isaya 64: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
