Isaya 61
61
1A Moya wa Hosi Jehova wu le hehla ka mina,
Hakuva Jehova i nzi totile akuva nzi kanela a mahungu yo saseka ka lava va vumalako;
I nzi rumile a ku chuma lava va nga ni timbilu ti tshovekileko,
Ni kuba hungu ga kutlhatlheka ka laʼva bohilweko,
Ni kutlhatlhiswa ka tiperesu; Mat. 11:5; Lu. 4:18
2Ni ku tlhatlhambutela a lembe ga tipswalo ta Jehova,
Ni siku ga ku ti photela ka Nungungulu wa hina:
A ku chavelela vontlhe lava va rilako; Mat. 5:4; Lu. 6:21
3Ni ku nyika ka vontlhe laʼva rilako le Zioni
Lezaku va ambexwa zidlodlo a wutshanwini ga khuma,
A mafura ya kutsaka wutshanwini ga kurila,
Ni nguwo ya kudumisa wutshanwini ga moya wa gome;
Kasi va ta vitanwa lezaku Tisinya ta kululama,
Leti ti byalilweko hi Jehova, kasi a fela ku dumiswa.
4Va ta aketa a marumbi ya kale,
Va ta vuxa a tigingisi ta kaleloko,
Ni ku aka luswa a miti yi hahlulweko,
Yi khungumulweko xikhatini xa kale.
5A vamatiko va tava kona va gisa mitlhambi ya nwina,
Ni valuveli va tava varimi va nwina ni vahlayisi va zivina za nwina.
6Kanilezi nwina mu ta chuliwa ku Vapristi va Jehova,
Va ta mu vitana lezaku mu Malanza ya Nungungulu wa hina.
Mu taga a titshomba ta vamatiko,
Ni wukosi gabye gi tava ga nwina.
7Wutshanwini ga tingana ta nwina mu ta aveliwa ha kambiri;
Lava va nga nyenyiwa va ta tsakela xiavelo xabye.
Hikwalaho lomu tikweni gabye va ta kuma leʼzi wuyetilweko ha kambiri,
Va tava ni litsako la pinzukelwa.
8Hakuva mina Jehova nzi ranza lezi zi lulamileko,
Nzi venga kuphanga ku mahiwako hi kanu;
Nzi ta va nyika hi kutsumbeka a nchachazelo wabye,
Nzi ta maha navo a xivumelwano xa pinzukelwa.
9A lixaka labye li ta tibyiwa xikari ka matiko,
Ni vana vabye va ta tibyiwa xikari ka tixaka tinwani;
Vontlhelele va ta nga va wona va ta va tiva
Lezaku lixaka leli Jehova a li katekisileko.
10Nzi ta tsaka nguvu ka Jehova,
A muhefemulo wa mina wu ta tsakela Nungungulu wa mina,
Hakuva i nzi ambexile a nguwo ya kuhanyisa,
A nzi fenengeta hi nguwo ya kululama
Khwatsi hi muyeni a ti bombisako hi xidlodlo,
Ni kukotisa a muswika a ti bombisako hi tinzalama. Hab. 3:18; Lu. 1:47; Kuv. 3:5
11Hakuva khwatsi hi misava yi humesako a zimilwa za yona,
Ni kukotisa a simu gi milisako a timbewu ti byelweko ka gona,
Hizalezo Hosi Jehova i ta milisa kululama ni kukhesa
Mahlweni ka wontihe matiko.
Currently Selected:
Isaya 61: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
