Isaya 41
41
A Hosi ya matiko.
1Miyelani nwina matiko ya le bimbini, mu nzi ingisela!
A matiko a mave ni ntamu muswa;
A ma tshinele ma wulawula,
A hi yeni zinwe hubyeni
2Himani a vuxileko munhu hi Mutsuwuka-gambo,
Loyi a hlulako ni kwihi a yako kona?
A wuya a mu nyika matiko ni ku khozisa tihosi?
Himani a hunzulako tisupado ta tona tiva ntshuri,
Ni mawura yabye ma maha mungu wu kukuletwako hi mheho?
3Wa va hlongolisa, a hunza na tsakile
A ndleleni leyi a nga kala a nga fambi ha yona.
4Himani a mahileko lezi zilo a zi mbhelelisa?
Hi yena loyi a vitanileko a zizukulwana za vanhu hi le kusanguleni;
Mina Jehova, a wo ranga ni wo gumesa, nzi mina yena. Kuv. 1:8, 17; 22:73
5A matiko ya le bimbini ma lo zi wona, ma chava;
Ni magemeta-musi ya misava ma lo rurumela.
Va lo tshinela, vata;
6Va vunetelana;
A munwe ni munwani a byela makabye, aku: Tiya hlana!
7A muvatli i tiyiseta mufuli wa nzalama;
Loyi a bethako hi kono a tiyiseta loye a bako a xigalanyunzo.
A dzunza a muri wo zariyeta ha wona, aku: Wu nene!
Zonake a tiyisa a xifananiso hi tikhokho kasi xi nga tsekatseka.
A Mutiruli wa Israeli.
8Kanilezi wena Israeli, nanza ga mina,
Wena Jakobe loyi nzi ku hlawuleko,
U nga pswalo wa Abrahama a xaka ga mina. Ekso. 19:5; Lu. 1:54; Jak. 2:23
9Wena loyi nzi ku tekileko magemeta-musi ya misava,
Nzi ku vitanileko magunweni ya kona,
Nzi ku byelile, nziku: Wena u nanza ga mina,
Nzi ku hlawule, a nzi ku tsikangi.
10U nga chavi, hakuva nzi na wena;
U nga mbheli ntamu, hakuva nzi
Nungungulu wa wena!
Nzi ta ku tiyisa, nzi ku vunetela;
Nzi ta ku seketela hi canja ga mina ga xinene ga kululama.
11Languta, vontlhe lava va ku zangareleko va tawa tingana, va hakaseka;
Lava va holovako na wena va nga ta kuva nchumu, va ta lobyiswa.
12Lava va nga ku vukela u ta va lava u nga va kumi;
Lava va lwako na wena va ta woneka kota va nga hiko va nchumu, ya lova.
13Hakuva hi mina Jehova Nungungulu wa wena loyi nzi khomako a canja ga wena ga xinene,
Nziku: U nga chavi, nzi ta ku vunetela. Deut. 31:6; Jox. 1:9
14U nga chavi wena xiwungwani, Jakobe,
Na nwina misalela ya Israeli;
Nzi ta ku vunetela, ku wula Jehova;
A Mutiruli wa wena hi Loyi wa ku Basa wa ka Israeli.
15Languta, nzi ta ku maha uva lisumba liswa lo kariha,
Lo hula ha lona li nga ni meno;
U ta faya zitsunga, u zi chinza,
A miganga u ta yi maha yiku khwatsi i mungu.
16U ta zi checheta, ni mheho yi ta zi kukuleta,
A xipupuri xi zi hangalasa;
Kanilezi wena u ta tsakela Jehova,
U ti kulisa hi Loyi wa ku Basa wa ka Israeli.
17Lava va tsimbeketilweko ni vavumali va lava mati va nga ma kumi,
A tirimi tabye ti womile hi tora;
Kanilezi mina Jehova nzi ta vazwa,
Mina Nungungulu wa ka Israeli nzi nga ta va tsika.
18Nzi ta velisa micongo lomu migangeni ya xikwakwa,
Ni zibuka lomu mikoveni.
A ziwula zi ta maha milambo
Ni ligwangwa li ta humesa xibuka za mati.
19Lomu xiwuleni nzi ta milisa tisedare, ni tisinya ta akakia, ni mirta, ni kuhlu,
Lomu ligwangweni ku tava ni kipres, ni pinyero, ni seringa;
20Kasi vanhu va zi wona, va tiva,
Va xiyisisa va pima lezaku i canja ga Nungungulu gi mahileko lezo,
Ni lezaku Loyi a Basileko wa ka Israeli i zi vangile.
21Tlhatihambutelani a timhaka ta nwina, ku wula Jehova;
Humesani wumboni ga nwina, ku wula Hosi ya Jakobe.
22A va gi humese, hi byeliwa leʼzi ta nga maheka.
Hi kombiseni lezi mu nga vumba kale, kasi ha fela ku zi tiva,
Hi wona loku zi mahekile.
Kambe mu ta hi byela lezi zi ta nga humelela,
23Mu hi tivisa lezi zi ta ngata anzhako ka lezi,
Kasi ha fela ku zi tiva lezaku mu vanungungulu.
Ina, hi nga mahani nchumu wo saseka kutani wo biha,
Kasi hontlhe ha fela ku hlamaliswa.
24Langutani, nwina a mu va nchumu,
Ni mitiro ya nwina a yi nyawuli;
Manyalataniso loyi a mu hlawulako.
25Nzi vuxile munwe hi le Nwalungu, i sina a tile,
Ku tile hi le Mutsuwuka-gambo munwe loyi a vitanako vito ga mina;
Loyi a ta nga kanzihela vafumeli kota nzhope,
Khwatsi hi muwumbi a kanzihelako a wumba.
26Himani a nga zi kanela hi kusanguleni kasi hi fela ku zi tiva;
Loye a nga zi wula kale, kasi hiku: U wulile zona!
A ku na munhu a zi vumbileko, ge ni ku hi tivisa;
I hava ni munwe a ngazwa a magezu ya nwina.
27Hi mina wo ranga nzi byelileko Zioni, nziku:
Hi valavo, hi valavo!
Nzi ta nyika Jerusalema munwe a kanetako mahungu yo saseka.
28Laha na nzi cuwuka a nzi woni munhu,
A gi kona sungukati xikari kabye,
Loyi a zi kotako ku hlamula loku nzi wutisa.
29Langutani, vontlhe a va vuni nchumu,
A mitiro yabye a yi nyawuli;
A zifananiso zabye zi wumbelweko i moya wa hava ntsena.
Currently Selected:
Isaya 41: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
