Hosea 2
2
A sati a nga tsumbekangiko.
1Vitanani a vanakuloni, Ammi, ni vamakwenu, Ruhama.
2Khongotelani a nyine wa nwina, hakuva yena a hi sati wa mina, minawu a nzi nuna wakwe. A suse wubhayi gakwe nghoheni yakwe, ni wuoswi gakwe maveleni yakwe.
3Loku a nga mahi lezo nzi ta mu tlomulela tinguwo, a sala ximbyiri khwatsi hi siku lego a nga belekwa, nzi mu maha a fanana ni xiwula, a tiko gi omileko, nzi mu daya hi tora.
4Nzi nga ta hawukela a vana vakwe, hakuva i vana va wubhayi.
5Hakuva a nyine wabye i mahile wuoswi, loyi a va belekileko i mahile zilo za tingana. I te ngalo: Nzi ta lanzela a zigangu za mina, lava va nzi phamelako va nziha mati, va nzi nyika a woya ga tiyivu, ni wukene, a mafura ya mina ni zakunwa.
6Hikwalaho nzi ta vala a ndlela yakwe hi mizwa, nzi mu vekela libhingo kasi a nga ha woni tisoko takwe.
7I ta lanzela a zigangu zakwe, kanilezi a nga va kumi. I ta va hlota, kanilezi a nga ta va kuma. Zonake i taku: Nzi ta tlhelela ka nuna wa mina wo ranga, hakuva zi wa hi chukwana ka mina ku hunza lezi.
8Hakuva a nga zi tivangi lezaku nzi mu hile zakuga, ni vinya, ni mafura, nzi mu anzisela a siliva ni nzalama leyi va nga maha ha yona zifananiso za Baali.
9Hikwalaho nzi ta mu tekela a mavele ya mina xikhatini xa yona, ni vinya ga mina nguveni ya gona, nzi mu wutlela a woya ga mina ni wukene ga mina, lezi zi nga te ngha zi fenengetile a wumbyiri gakwe.
10Makunu nzi ta funungula a tingana takwe mahlweni ka zigangu zakwe, a nga kona a ta nga mu ponisa canjeni ga mina.
11Nzi ta mbhetisa a litsako lakwe lontlhe, ni mibuzo yakwe, ni mihlakano ya kuwoneka ka hweti, ni masabado yakwe, ni tihlengeletano takwe tontlhe ta ximuse.
12Nzi ta hahlula a zivina zakwe, ni mikuwu yakwe leyi a nga wula ha yona, aku: Leyi i hakhelo nzi nyikilweko hi zigangu za mina. Nzi ta zi hunzula zi maha khwati, zi giwa hi zivanza za khwati. Deut. 23:17; Isa. 5:5
13Nzi ta mu tsayisa hi kota ya masiku ya maBaali, lawa a va hiseleko ho wona a libani, laha a nga ti bombisa hi zingwavila zakwe ni tinzalama takwe, a lanzela zigangu zakwe, mina a nzi rivala, ku wula Jehova.
14Hikwalaho nzi ta mu kupeta nzi mu yisa xiwuleni, nzi wulawula ni mbilu yakwe.
15Nzi ta mu tlhelisela a zivina zakwe, nzi maha a nkova wa Akora wuva a nyangwa ya kutsumba. Kwalaho i ta yimbelela khwatsi hi masikwini ya wuswa gakwe, ni kukotisa a sikwini legi a nga huma tikweni ga Gipite. Ekso. 15:1; Isa. 65:10
16Jehova i ngalo: Hi siku lego u ta nzi vitana ku: Nuna wa mina, u nga ha nzi vitani ku: Nwinyi.
17Hakuva nzi ta susa a mavito ya maBaali nonwini wakwe, cima va nga ha ta vitanwa hi mavito kambe. Ekso. 23:13; Zak. 13:2
18Hi siku lego nzi ta va mahela a xivumelwano ni zihari za khwati, ni tinyanyani ta tilo, ni zikokakoka za misava. Nzi ta tshova a mawura ni tisupado, nzi fuvisa yimpi laha tikweni, nzi va maha va tshama hi kurula.
19Zonake nzi ta ku teka uva wa mina kala kupinzuka; nzi ta ku teka hi kululama, ni nongameto, ni tipswalo, ni wuxinji.
20Nzi ta ku teka hi kutsumbeka, na wena u ta tiva Jehova.
21A sikwini lego nzi ta hlamula, ku wula Jehova; nzi ta hlamula matilo, wona ma ta hlamula misava.
22Zonake a misava yi ta hlamula a mavele, ni vinya, ni mafura, na zonawu zi ta hlamula Jezreeli.
23Nzi ta ti byalela yena lomu tikweni, Lo-ruhama nzi ta mu zwela wuxinji, nziku ka Lo-ammi: Nwina mu vanhu va mina. Vona va taku ka mina: Wena u Nungungulu wa hina. Zak. 13:9; Rom. 9:25; 1 Ped. 2:10
Currently Selected:
Hosea 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
