Hosea 12
12
1Efraime wa risa mheho, a lanzela mheho ya Mutsuwuka-gambo. Wa ha simamisa ku anzisa mawunwa ni lobyiselelo; va maha xivumelwano na Assiria, va rwala a mafura maya Gipite.
2Jehova wa holova na Juda, i ta tsayisa Jakobe maringano ni tindlela takwe, a mu chachazela maringano zimaho zakwe.
3I khomile nakulobye hi xirenze na hi rumbyini ga nyine; ni laha a nga wahombe i lo pfinyana na Nungungulu. Gen. 25:26; 32:24
4I lwile ni ngelosi a yi hlula, na a kari a rila a yi khongela. I lo mu kuma le Beteli, i lo wulawula na hina laho.
5Jehova i Nungungulu wa tiyimpi, Jehova hi gona a vito gakwe.
6Hikwalaho tlhelela ka Nungungulu wa wena, uva ni wuxinji ni kululama, u langutela Nungungulu wontihe masiku.
7Kanani i na ni xikalu xa kukhohlisa mandleni yakwe, wa ranza ku kalavela.
8Efraime i te ngalo: Kunene, nzi fumile, nzi ti kumele kufuma. A mitirweni ya mina va nga ta kuma nanzu ka mina hambu ni xionho. Kuv. 3:17
9Kanilezi mina nzi Jehova a Nungungulu wa wena kusukela kuhumeni ka wena a tikweni ga Gipite; nzi ta ku maha u tshama kambe lomu matendeni a ku khwatsi hi masikwini ya ximuse.
10Nzi wulawulile ni vaprofeti, nzi anzisa a miwoniso; hi ntiro wa vaprofeti nzi wulawulile hi mifananiso.
11Le Gileade va gohile, va mahile zahava; le Gilgale va phahlela hi tinkuzi. A maalati yabye ma ta maha tinhulu ta maribye lomu masinwini.
12Jakobe i chavele tikweni ga Arama; Israeli i tirele a sati, a risa mitlhambi kasi ku kuma sati. Gen. 27:43; 28:5
13Hi muprofeti Jehova i humesile Israeli le Gipite, a vanhu va wa tsayisiwa hi muprofeti. Ekso. 12:37
14Efraime i zangarisile nguvu Jehova; hikwalaho a milanzu yakwe ya nkhata yi tava hehla kakwe, a Hosi yakwe yi ta mu tlhelisela a tinzhukano takwe.
Currently Selected:
Hosea 12: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
