Maheberu 2
2
1Hikwalaho hina hi yimelwe hi ku chela kota nguvu hi timhaka leti hi ti zwileko, hi nga dzuka hi penga ka tona.
2Hakuva loku a mhaka leyi yi nga wulawuliwa hi tingelosi yi tiyile, ni loku zihambuko zontlhe ni kungaingisi zi amukele a kutlheliselwa ku ringeneko, Miti. 7:53; Gal. 3:19
3zonake hi ta ponisa kuyini loku hi ala a kuhanyiswa ka hombe ka kunghahi ke? loku ku nga wulawulwa kuranga hi Hosi, zonake ku tiyiswa ka hina hi vona lava Va nga yizwa. Isa. 45:17; Mat. 4:17; Mar. 1:14
4Nungungulu kambe i lo maha wukustumunyu zinwe navo hi ziwoniso ni zirewukiso ni mitiro yinyingi ya ntamu, a avela a zinyikiwo za Moya wa ku Basa kota kuranza kakwe yena nwinyi. Mar. 16:20; Miti. 2:22; Rom. 15:18-19
A muvangi wa Kuhanyiswa.
5Hakuva a tiko legi gi tako, legi hi wulawulako ha gona, a nga gi vekangi lahasi ka tingelosi.
6Kanilezi munwani i kustumunyile wutshanwini go kari, aku:
Xini munhu loyi wena u mu khatalelako,
Kutani a nʼwana wa munhu lezi wena u mu enzelako ke? Tis. 8:4
7Hakuva wena u mu mahile ava lahasi ka tingelosi ka xikhatanyana,
Zonake u mu bombisile hi kungangamela ni wudzunzo,
U mu veka hehla ka mitiro ya mandla ya wena;
Wena u vekile zilo zontlhe lahasi ka mikonzo yakwe.
8Hakuva laha Nungungulu a nga veka zilo zontlhe lahasi kakwe, a nga siyangi nchumu lexi xi nga hiko hasi kakwe; kanilezi makunu a hi se nga zi wona lezaku zilo zontlhe zi vekilwe lahasi kakwe. Mat. 28:18; 1 Kor. 15:25, 27
9Kanilezi Jesu loyi a mahilweko ava lahasi ka tingelosi ka xikhatanyana, ha mu wona na a tlhatekilwe a xidlodlo xa kungangamela ni wudzunzo, hi kota ya kuxaniseka hi kufa, lezaku hi tipswalo ta Nungungulu a fela kuzwa kufa hi kota ya vanhu vontlhe. Joh. 3:16; Miti. 2:33; Rom. 5:18
10Hakuva zi wa mu fanele Nungungulu, loyi zontlhe zi mahelweko yena, na zi mahilwe hi yena, lezaku loku a neha vana vanyingi kungangameleni, a fela ku mbhelelisa hi kuxaniseka a muvangi wa kuhanyiswa kabye. Lu. 24:46; Miti. 3:15; Rom. 11:36
11Hakuva yena loyi a basisako, ni lava va basiswako, vontlhe va na ni Dadani munwe; hi kota ya lezo a nga na tingana a ku va vitana aku vamakabye, Mat. 28:10; Joh. 20:17; Rom. 8:9
12Hakuva i ngalo:
Nzi ta tlhatlhambutela a vito ga wena ka vamakweru,
Nzi ta yimbelela a kudumisa ka wena xikari ka gotsovanyano. Tis. 22:22
13Ni kambe: Nzi ta mu tsumba yena. Ni kambe: Hi mina loyi, ni vana lava Nungungulu a nzi nyikileko vona. Tis. 18:2; Isa. 8:18; Joh. 10:29
14Kota lezi a vana va hlengeleko a nyama ni nkhata, yenawu kambe i lo hlengela ka zona; kasi hi kufa kakwe a fela ku lovisa loyi a nga ni ntamu wa kufa, a nga yena Satani; Joh. 1:14; Rom. 8:3; Fil. 2:7; Kol. 2:15
15ni ku tlhatlhisa vontlhe lava va nga hi tikhumbi kuhanyeni kabye kontlhe hi kota ya ku chava kufa. Lu. 1:74; Rom. 8:15; 2 Tim. 1:7
16Hakuva hizinene a nga hlanguti tingelosi, kanilezi i hlanguta a vana va Abrahama.
17Hikwalaho zi lo mu fanela a kuva a fanana ni vamakabye vakwe hi matlhelo wontihe, lezaku a fela kuva mupristi wa hombe, a nga ni wuxinji ni kutsumbeka ntirweni wa Nungungulu, kasi a maha nzhiho hi kota ya zionho za vanhu. Fil. 2:7; Xip. 4:15; 5:1, 2
18Hakuva lezi yena wutsumbu a nga xaniseka a ringwa, wa zi kota ku vunetela lava va ringiwako.
Currently Selected:
Maheberu 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
