Genesisi 29

Jakobe a teka Lea na Rakeli.

1Jakobe i lo suka laho a komama a tikweni ga va le Mutsuwuka-gambo.

2I lo wona a hlowo ya lomo tikweni, ku wa mbambamele kona a mitlhambi minharu ya tiyivu; hakuva hi ka hlowo leyo va nga wa nwisa kona mitlhambi; a ribye legi gi nga wa fenengeta a nomu wa hlowo gi wa hi ga hombe.

3Hi kota ya lezo yi wo tsombana laho yontlhe mitlhambi, zonake va wumbuluta a ribye va gi susa nonwini wa hlowo, zonake va nwisa tiyivu, va wuya va gi tlhelisa wutshanwini ga gona laha nonwini wa hlowo.

4Jakobe i te ngalo kabye: Vamakabye, muta hi kwihi? Vona vaku kakwe: Hi va ka Harani.

5Aku ka vona: Ma mu tiva Labani, a nʼwana Nahori ke? Vaku ka yena: Ha mu tiva.

6Yena aku ngalo kabye: Wa hanya khwatsi ke? Vona vaku kakwe: Wa hanya khwatsi; hi gaya Rakeli a nhanyana wakwe a tako ni tiyivu.

7Yena aku ngalo kabye; Langutani ka ha hi hlikanhi, a hi xona xikhati xa kuva mitlhambi yi tsombana; nwisani tiyivu mu famba mu ya ti risa.

8Vona vaku ka yena: A hi na ku maha lezo na yi nga se ku tsombana yontlhe mitlhambi, va kala va wumbuluta a ribye va gi susa nonwini wa hlowo; zonake hi kona hi to nwisa tiyivu.

9Na ha wulawula navo, ku lo chikela Rakeli ni tiyivu ta raru wakwe, hakuva hi yena a nga wa ti risa:

10Zonake Jakobe na wonile Rakeli, a nhanyana wa Labani, a makabye wa nyine wakwe, zinwe ni tiyivu ta Labani, makabye wa nyine wakwe, Jakobe i lo tshinela, a wumbuluta a ribye a gi susa nonwini wa hlowo, i lo nwisa tiyivu ta Labani, makabye wa nyine wakwe.

11Jakobe i lo pswopswa Rakeli, i lo tlakusa a gezu gakwe a rila.

12Jakobe i lo byela Rakeli lezaku makabye wa raru wakwe wo belekwa hi Rebeka; yena i lo tsutsuma a ya byela raru wakwe.

13Zonake Labani laha na a zwile timhaka ta Jakobe a nʼwana wa makabye wakwe, i lo tsutsuma a mu khinga, i lo mu wukarela, a mu pswopswa, a mu enghenisa lomu ndlwini yakwe, zonake Jakobe i lo hlawutela Labani zontlhe zi nga mu humelele.

14Labani aku ngalo ka yena: Hakunene u rambu ga mina, ni nyama ya mina. I lo tshama naye a hweti yinwe.

15Labani i te ngalo ka Jakobe: Kota lezi u nga nakulori u ta nzi tirela mahala ke? Nzi byele, u lava ku hakha yini ke?

16Labani i wa hi ni vanhanyana vambiri; a vito ga nhonzwa i wa hi Lea, a vito ga nzisana i wa hi Rakeli.

17A mahlo ya Lea ma wa nga hanyi khwatsi; kanilezi Rakeli i wa sasekile, na a cuwukeka khwatsi.

18Jakobe i lo ranza Rakeli; aku ngalo: Nzi ta mu tirela ka wena a nhanyana wa wena loyi wa nzisana, Rakeli, ntlhanu wa malembe ni mambiri.

19Labani aku ngalo ka yena: Zi sasekile ku mu nyikela ka wena ku hunza ku mu nyikela ka munwani; tshama na mina.

20Jakobe i lo tirela Rakeli ntlhanu wa malembe ni mambiri; ma wo khwatsi masiku ma tsongwani ka yena hi kota ya ku mu ranza kakwe.

21Jakobe i te ngalo ka Labani: Ma mbhelile masiku ya mina: nzi nyike sati wa mina, kasi nzi fela ku ya enghena ka yena.

22Labani i lo ramba vanhu vontlhe va lego wutshamu, i lo maha mubuzo.

23Zonake laha gambyeni i lo teka Lea a nhanyana wakwe, i lo mu yisa ka yena; yena i lo enghena ka yena.

24Labani i lo nyikela Zilpa a nanza ga yena ga xisati ka Lea, kasi a maha a nanza ga xisati ga Lea, a nhanyana wakwe.

25Zonake laha mixweni Jakobe i lo wona lezaku hi Lea. Yena aku ngalo ka Labani: Zini lezi u nzi maheleko? Kasi a nzi tirelangi Rakeli ka wena ke? U nzi khohlisela yini ke?

26Labani aku ngalo: A zi mahiswi lezo lomu ka hina a ku nyikela a nzisana, na hi nga se nga nyikela a nhonzwa.

27Mbhetisa a viki gakwe zonake hi ta ku nyika loyi kambe, u ta engeta u nzi tirela kambe manwani malembe ya ntlhanu ni mambiri.

28Jakobe i lo maha lezo, i lo mbhetisa a viki gakwe; zonake i lo mu nyika Rakeli a nhanyana wakwe, a kuva sati wakwe kambe.

29Labani i lo nyikela Bilha ka Rakeli a nhanyana wakwe, loyi a nga wa hi nanza gakwe ga xisati, giva nanza gakwe.

30I lo enghena kambe ka Rakeli, i lo mu ranza nguvu Rakeli ku hunza Lea, i lo engeta a tira kakwe manwani malembe ya ntlhanu ni mambiri.

31Jehova i lo wona lezaku Lea wa vengiwa, i lo vulula marumbu yakwe, kanilezi Rakeli i wa hi ngonwa.

32Lea i lo xura nyimba, i lo beleka nisanyana, i lo chula vito gakwe ku hi Rubeni; hakuva i te ngalo: Jehova i wonile kuxaniseka ka mina, lezi a nuna wa mina i ta nzi ranza.

33I lo engeta a xura nyimba, i lo beleka nisanyana; i te ngalo: Jehova i zwile lezaku nza vengiwa, hikwalaho i nzi nyikile ni loyi. I lo chula vito gakwe ku hi Simeoni.

34I lo engeta a xura nyimba, i lo beleka nisanyana; i te ngalo: Makunu lexi xikhati a nuna wa mina i ta namarela ka mina, hakuva nzi mu helekete varisanyana vanharu; hikwalaho a vito gakwe va te ngalo hi Levi.

35I lo engeta kambe a xura nyimba, i lo beleka nisanyana. Yena i te ngalo: Lexi xikhati nzi ta bonga Jehova; hilezo i lo chula a vito gakwe ku hi Juda. Yena i lo kaketa ku beleka.

Currently Selected:

Genesisi 29: TSC72

Highlight

Compare

Copy