Ezekieli 5
5
1Wena nʼwana wa munhu, teka a supado yo kariha ku fanana ni likari la muhaluli, u halula a hloko ya wena ni xilevu xa wena; zonake teka a xikalu xo pima ha xona, u avanyisa a misisi.
2U ta hisa a xipanze xa wunharu xikari ka muti loku a masiku ya kuvimbezelwa ma mbhelile. U ta teka xinwani xipanze xa wunharu u xi tsemelela hi supado u renzelekela muti; ni xinwani xipanze xa wunharu u ta xi hangalasa moyeni, nzi ta xi hlongolisa hi supado.
3U ta teka misisi yi tsongwani u yi bohela lomu ngubyeni ya wena.
4U ta tlhela u pambula xipanze xa yona misisi leyo, u xi hoxa nzilweni xiswa; hi lomu ku ta huma nzilo lowu wu ta nga hisa a yindlu yontlhe ya ka Israeli.
5Hosi Jehova i ngalo: Hi loyi Jerusalema! nzi mu vekile xikari ka mifumo, a matiko ma mu ranzele.
6I hambunyetile zileletelo za mina a maha kubiha ku hunza a matiko, ni milayo ya mina ku hunza a matiko lawa ma mu ranzeleko; hakuva va alile a zileletelo za mina, ni milayo ya mina a va na nga famba ha yona.
7Hikwalaho Hosi Jehova i ngalo: Lezi nwina mu hluwukileko ku hunza a matiko lawa ma mu ranzeleko, mu nga fambi hi milayo ya mina, hambu ku hlayisa a zileletelo za mina, kambe a mu gongangi a zileletelo za matiko lawa ma mu ranzeleko; Ezek. 16:47; Rom. 2:14
8hikwalaho Hosi Jehova i ngalo: Nza ku holovela; nzi ta ku tsayisa a kuwoneni ka matiko.
9Nzi ta maha ka wena lezi nzi kalako nzi nga se ku zi maha, ni lezi nzi to kala nzi nga ha zi mahi kambe, hi kota ya wontihe a manyalataniso ya wena.
10Hikwalaho a vapswali va taga a vana vabye xikari ka nwina, ni vana va taga vapswali vabye. Nzi ta ku lamula, nzi hangalasa matlhelo wontihe lava va seleko ka wena. Levi 26:29; Deut. 28:53
11Hikwalaho khwatsi hilezi nzi hanyako, ku wula Hosi Jehova, kota lezi u nyenyezileko a yindlu ya mina yo basa hi zilo za wena zo nyenyeza, ni manyala wontihe ya wena, nzi ta ku bakanya, a tihlo ga mina gi nga ta ku nyenyeletela, nzi nga ta ku hawukela.
12A xipanze xa wunharu xa vanhu va wena xi tafa hi mitungu ni ndlala xikari ka wena; a xipanze xa wunharu xi ta dawa hi tisupado lahandle ka tigingisi ta wena; ni xipanze xa wunharu nzi ta xi hangalasa matlhelo wontihe, nzi xi hlongolisa hi supado.
13A zanga ya mina yi ta tatisekisa lezo; nzi ta rutisa a khulo ga mina ha vona, nzi tangala. Va ta zi tiva lezaku mina Jehova nzi wulile hi kupangama, laha nzi nga tatisa a zanga ya mina hehla ka vona.
14Tlhatakumbiri nzi ta ku maha xiwula ni xiruko xikari ka matiko lawa ma ku ranzeleko a kuwoneni ka vontlhe vahunzi.
15U tava a xiruko ni kutseketsela, a xiwonelo ni xihlamaliso ka matiko lawa ma ku ranzeleko; laha nzi ta nga ku lamula hi zanga ni khulo, nzi ku kawuka hi xiviti. Nzi mina Jehova nzi wulako lezo.
16Laha nzi ta nga rumela a tigalala to biha ta ndlala leʼti lovisako, leti nzi ta nga ti rumela ku ya mu lovisa, nzi ta tshingisa a ndlala xikari ka nwina, nzi susa a kuga ka nwina.
17Nzi ta mu rumela a ndlala ni zivanza zo biha, lezi zi ta nga daya vana va nwina; a ntungu ni nkhata zi ta hunza xikari ka nwina, nzi rumela supado hehla ka wena. Hi mina Jehova nzi wulako lezo. Levi 26:22; Deut. 32:24
Currently Selected:
Ezekieli 5: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
