Ezekieli 35
35
A xiprofeto hi xitsunga xa Seire.
1A gezu ga Jehova gi lota ka mina, giku:
2Nʼwana wa munhu, hunzuluka u cuwuka xitsungeni xa Seire, u xi profetela, Jer. 49:7; Am. 1:11; Obad. v. 1
3uku ka xona: Hosi Jehova i ngalo: Nzi yimekeiene na wena xitsunga xa Seire, nzi ta nawuluta a canja ga mina nzi ku vukela, nzi ku maha marumbi ni xirewukiso.
4Nzi ta hahlula a miti ya wena, na wena u tava xiwula; zonake u ta zi tiva lezaku hi mina Jehova.
5Hakuva u na ni livengo la simasima, ni kuva u nyikele a vanana va ka Israeli ntanwini wa supado xikhatini xa hlokiselelo yabye, xikhatini xa tsayiselelo wa magumo.
6Hikwalaho nza hlambanya hi kuhanya ka mina, ku wula Hosi Jehova, nzi ta ku longisela a nkhata, ni nkhata wu ta ku lanzela. Kota lezi u nga vengangiko a nkhata, hikwalaho a nkhata wu ta ku hlongolela.
7Zinghaho nzi ta hahlula a xitsunga xa Seire nzi xi maha xiwula; nzi daya lava va fambako kona ni ku wuya.
8Nzi ta tata a zitsunga zakwe hi zirumbi; lomu migangeni ya wena, ni lomu minzhelelweni ya wena, ni lomu micongweni ya wena, ku tawa lava va delweko hi supado.
9Nzi ta ku maha xiwula xa pinzukelwa, a miti ya wena yi nga ta ha aketwa; mu ta zi tiva lezaku hi mina Jehova.
10Hakuva wena u teku: A mifumo leyi yimbiri ni matiko lawa ya mambiri ma tava ya mina, hi ta ma fumela; kasilezo Jehova i wa hi konawu kwalaho;
11hikwalaho nza hlambanya hi kuhanya ka mina, ku wula Hosi Jehova, nzi ta maha maringano ni zanga ya wena ni wukhuxu ga wena, lezi u zi kombisileko livengweni la wena ka vona; nzi ta ti tivekisa xikari kabye, laha nzi ta nga ku lamula.
12U ta zi tiva lezaku mina Jehova nzi zwile tontlhe a tinzhukano ta wena leti u nga ti wulawula ka zitsunga za ka Israeli, uku: Zi hahlulwe, zi nyikilwe ka hina a kuva hi zi khadamula.
13Mu ti kulisile ka mina hi milomu ya nwina, mu nzi tatela timhaka ta ku nzi vukela; nzi zi zwile.
14Hosi Jehova i ngalo: Laha misava yontlhe yi ta ngava kutsakeni, nzi ta ku hahlula.
15Khwatsi hilezi wena u nga tsaka hi kuhahluka ka tshomba ya yindlu ya ka Israeli, mina nzi ta maha lezo na wenawu. U ta hahluka, wena xitsunga xa Seire u maha xiwula, ni tiko gontlhe ga Edome; zonake va ta zi tiva lezaku hi mina Jehova.
Currently Selected:
Ezekieli 35: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
