Ezekieli 2
2
Nungungulu a ruma Ezekieli.
1Yena i te ngalo ka mina: Nʼwana wa munhu, vuka u yima hi mikonzo ya wena, nzi ta wulawula na wena.
2A moya wu lo enghena ka mina laha a nga wulawula na mina, wu nzi yimisa hi mikonzo ya mina; zonake nzi lo muzwa loyi a wulawulako na mina.
3Aku ka mina: Nʼwana wa munhu, Nza ku ruma ka vana va ka Israeli, a ka mifumo leyi yi hluwukileko, leyi yi nzi vukelako. Vona hi vadadani vabye va nzi gohele kala ni lezi.
4Nza ku ruma ka vana va xikanya, va timbilu to nonoha, u tava byela uku: Hosi Jehova i ngalo.
5Hambu loku va ingisa, kutani va nga ingisi, (hakuva mba yindlu yi hluwukileko,) va ta zi tiva lezaku ku na ni muprofeti xikari kabye.
6Na wena, nʼwana wa munhu, u nga va chavi, hambu ku dzuxwa hi timhaka tabye, hambu loku u hi xikari ka zigetlwani ni mizwa, kutani ku tshama lomu xikari ka tihume. U nga chavi kuwulawula kabye, u nga rurumeli hi tinghohe tabye, hambu lezi va nga va yindlu yi hluwukileko. Mika 7:4; Lu. 12:4; 1 Ped. 8:14
7U ta va byela magezu ya mina, hambu loku va ingisa kutani va nga ingisi; hakuva va hunzeletile ku hluwuka.
8Kanilezi wena, nʼwana wa munhu, ingisa lezi nzi ku byelako! U nga hluwuki ku fanana ni lixaka leli li hluwukileko. Ahlama a nomu wa wena, uga lezi nzi ta nga ku nyika zona.
9Laha nzi nga cuwuka, nzi lo wona a woko na gi nawulutilwe ka mina, na gi khomile a bhuku gi songilweko.
10Yena i lo gi tshambuluta mahlweni ka mina; gi wa tsalilwe lomu nzeni ni lahandle. Ku wa tsalilwe ka gona a xirilo, ni mikosi, ni makhombo.
Currently Selected:
Ezekieli 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
