Va le Efesusi 6
6
1Vanana, ingisani a vapswali va nwina Hosini, hakuva lezi zi sasekile. Mav. 23:22
2Chava a raru wa wena ni nyine wa wena (lowu hi nayo wo ranga wu nga ni xitsumbiso), Ekso. 20:12; Deut. 5:16; 27:16; Jer. 35:8; Mat. 15:4
3kasi u fela ku kateka, u hanya xikhati xa hombe laha misaveni.
4Na nwinawu vararu, mu nga zangarisi a vana va nwina; kanilezi va wundleni hi kululeka ni kulaya ka Hosi. Gen. 18:19; Deut. 6:7; Kol. 3:21
5Nwina malanza, ingisani a venyi va nwina va misava hi xichavo ni kururumela, hi kupangama ka timbilu ta nwina, aku khwatsi hi ka Kristu
6mu nga va tireli ntsena loku va mu wona, khwatsi hi lava va tsakisako vanhu; kanilezi tirani khwatsi hi malanza ya Kristu, mu maha kuranza ka Nungungulu hi mbilu.
7Va tireleni hi matsenya, khwatsi hi loku mu tirela Hosi na ku nga hi vanhu.
8Ma zi tiva lezaku kani hi xihi xilo xi nene lexi a munhu a xi mahako, xwalexo i ta xi amukela hi ka Hosi, kani i khumbi kutani hi loyi a tlhatlhekileko. Rom. 2:6; 2 Kor. 5:10
9Na nwina venyi, mahani zalezo ka malanza ya nwina, mu tsika a ku va dzukisa; na mu tiva lezaku loyi a nga Hosi ya vona ni ya nwina i le tilweni, ni lezaku ka yena a ku na kuhlawulwa munhu. Kol. 4:1; 1 Ped. 1:17
A matlhari wontihe ya Nungungulu.
10Hi kugumesa, tiyani Hosini, ni ntanwini wakwe wa hombe.
11Hlomani a matlhari wontihe ya Nungungulu, kasi mu fela ku zi kota ku hlula a mano ya Satani. Rom. 13:12; 2 Kor. 6:7; 1 Tes. 5:8
12Hakuva a kulwa ka hina a hilwi ni nyama ni nkhata, kanilezi hilwa ni tihosana ta mimoya, ni mintamu, ni tihosi ta munyama lowu, ni mimoya ya kubiha ya le hehla. Joh. 12:31; Rom. 8:38; Kol. 1:13; 2:15
13Hikwalaho hlomani a matlhari wontihe ya Nungungulu, lezaku mu tava ni ntamu wa ku yima hi siku ga khombo, mu simama mu yima loku mu hlulele magumo.
14Hikwalaho yimani, na mu bohile ziwunu za nwina hi bhandi ga zinene, na mu ambele a xikatawu xa xiketse xa kululama, Isa. 59:17
15na mu ambele mikonzweni ya nwina a zilato za ivangeli ya kurula. Isa. 52:7
16Nguvunguvu hlomani a xitlhangu xa kukholwa, lexi mu ta nga zi kota ku tima ha xona a zijulu zontlhe za nzilo za loyi wa kubiha. 1 Joh. 5:4
17Tekani a ndlhondlha ya kuhanyiswa, ni supado ya Moya, yi nga Mhaka ya Nungungulu. Maheb. 4:12; Kuv. 1:16
18Khongelani zikhati zontlhe hi mikhongelo ni kukombela hi Moya, mu rinzela hi lihlaza-mbilu ni ku kombelela a vobasa vontlhe. Lu. 18:1; Fil. 1:4
19Nzi khongeleleni na minawu, lezaku kasi nza nyikwa magezu loku nzi ahlama nomu wa mina, nzi kanela a fihlakalo wa ivangeli hi kutiya,
20leyi nzi nga tsumi wa yona a makhotsweni; kombelani lezaku nzi fela a ku wulawula ha yona hi kutiya, kota lezi nzi faneleko ku wulawula. 1 Tes. 2:2
21Tikikusi a makabye a ranzekako, a nga xitiri xi tsumbekileko Hosini, i ta mu tivisa hi kuhanya ka mina, a mu byela wontihe mahungu. Tit. 3:12; Miti. 20:4; 2 Tim. 4:12
22Nzi mu rumele lezo ka nwina, lezaku mu fela ku tiva a timhaka ta hina, ni kuva a fela ku tangalisa a timbilu ta nwina.
23A kurula a kuve ni vamakabye, ni liranzo zinwe ni kukholwa ka le ka Nungungulu a Dadani, ni Hosi Jesu Kristu.
24A tipswalo a tive na vona vontlhe va ranzako a Hosi ya hina Jesu Kristu hi liranzo li nga onhekiko.
Currently Selected:
Va le Efesusi 6: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
