Deuteronome 25
25
1Loku vavanuna va holovisana, zonake vaya mahlweni ka Valamuli kasi va fela ku ya lamulwa, a Valamuli va ta tlhatlha loyi a lulamileko ni ku kona loyi a nga ni nanzu.
2Ni loyi a konekileko loku a fanele ku biwa, a mulamuli i ta mu etlelisa lahasi, a biwa kuwoneni kakwe a tsengo lowu wu ringanako ni nanzu wakwe.
3A nga mubi ku hunza 40 wa timbirimbi, hakuva a makabye wa wena i tava ni tingana mahlweni ka wena, loku a biwa ku hunza fanelo. 2 Kor. 11:24
4V nga bohi a nomu wa homu laha yi hulako timbewu.
5Loku a vamakabye va akile wutshamu ginwe, zonake munwani afa na a nga siyangi nʼwana, loye wasati a felweko a nga tekiwi hi munwani wanuna wa limbe lixaka, a tekwe hi makabye wa nuna wakwe, kasi a fela ku ya tira a ntiro wa nakulobye. Rute 4:5; Lu. 20:28
6Zonake a matewula lawa a ta nga beleka, i ta vuxa a vito ga nakulobye loyi a fileko; kasi a vito gakwe gi nga hlangulwi lomu ka Israeli.
7Kanilezi loku wanuna loye a ala ku hlambela nhombe yakwe, a wasati i taya hubyeni ka masingalakati a yaku: A nhombe ya mina ya ala ku vuxa a vito ga nakulobye lomu ka Israeli; a nga vumeli ku nzi hlambela kota fanelo ya nhombe.
8Zonake a masingalakati ya muti wabye ma ta vitana loye wanuna va wulawula naye, ni loku a simama aku: A nzi lavi ku mu hlambela,
9zonake loyi wasati i ta tshinela kusuhani ka nhombe yakwe kuwoneni ka masingalakati, a ta mu susa xilato lomu ka nkonzo, a mu phelela mari lomu nghoheni, a wulawula, aku: Ku ta mahiwa lezo ka munhu loye a alako ku vuxa a yindlu ya nakulobye.
10Zonake a vito lomu ka Israeli gi ta vitanwa ku ngalo, yindlu ya loyi a susilweko xilato.
11Loku a vavanuna vambiri valwa, zonake a wasati wa munwani wanuna a tshinela ku ta yimela nuha wakwe kasi ku mu ponisa canjeni ga loyi a mu bako, loku wasati a nawuluta a canja gakwe a khoma loye wanuna hi wununa gakwe;
12zonake wena u ta mu tsema canja gakwe, u nga mu nyenyeleteli.
13O ngavi ni tipimo timbiri ti hambeneko lomu kwameni wa wena, a la ntsongwani ni la hombe. Mav. 20:23; Ezek. 45:10
14Wena u ngavi ni tiefa timbiri lomu ndlwini ya wena, a ya hombe ni ya yitsongwani.
15U tava ni lipimo li nene, ni lipimo li nene la efa, kasi masiku ya wena ma fela ku anza tikweni legi Jehova Nungungulu wa wena a ku nyikileko gona.
16Hakuva loye a mahako lezi zilo, ni loyi a kanganyisako, xinyenyeko ka Jehova Nungungulu wa wena.
17Alakanya lezi a vaAmaleki va ku maheleko laha ndleleni na ma hata hi le Gipite, Ekso. 17:8
18lezi va mu tsangileko laha ndleleni va mu vukela, va hlasela lava va nga wa sele le nzhako, laha mu nga wa karele mu mbhela ntamu, na yena a nga khatalangi hi Nungungulu.
19Hikwalaho laha Jehova Nungungulu wa wena a ta nga ku nyika kuhumula ka vontlhe valala va wena lava va ku ranzeleko, lomu ka tiko legi Jehova Nungungulu wa wena a ku nyikileko kasi gi maha tshomba ya wena u gi fumela, zonake wena u ta hlanguta muAmaleki, a nga ha alakanyiwi kambe lahasi ka tilo; u nga rivali lezo. 1 Sam. 15:2; 1 Kro. 4:43
Currently Selected:
Deuteronome 25: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
