Va le Kolosi 4
4
1Nwina lava mu nga venyi, nyikani a malanza ya nwina lezi zi faneleko ni zi ringeneko, na mu tiva lezaku na nwinawu mu na ni Hosi le tilweni. Levi 19:13; Mal. 3:5; Efe. 6:9
2Pangamelani kukhongeleni, mu simamisa ka kona hi kubonga. Lu. 18:1; Rom. 12:12; Efe. 6:18
3Khongeleleni na hinawu, lezaku Nungungulu a fela ku hi vululela a nyangwa ya mhaka, kasi ha kanela a fihlakalo wa Kristu, lowu nzi nga makhotsweni hi kota ya wona; Mat. 13:11; 1 Kor. 4:1; 16:9; 2 Tes. 3:1
4kombelani lezaku nzi fela ku wu wonekelisa, kota lezi nzi yimelweko hi ku wulawula.
5Fambani hi kutlhariha xikari ka lava va nga lehandle, na mu tirisa xikhati xa nwina. Efe. 5:15; 1 Tes. 4:12
6Ngha kuwulawula ka nwina ku hi ni tipswalo xontlhe xikhati, na ku lungilwe hi munyu, lezaku mu fela ku tiva lezi mu ta nga hlamulisa zona ka munwe ni munwani. Mutsa. 10:12; Mar. 9:50; 1 Ped. 3:15
Zitiri-kulobye za Paule.
7A mahungu ya mina wontihe mu ta hlawutelwa hi Tikikusi, a makabye a ranzekako ni nanza gi tsumbekileko, ni xitiri-kulori le Hosini.
8Nza mu rumela ka nwina kasi ma fela ku tiva lezaku hi tshamisa kuyini, ni ku ta tangalisa a timbilu ta nwina.
9Nza rumela na Onesimusi, a makabye a tsumbekileko ni ku ranzeka, loyi a nga munwe wa va ka nwina. Va ta mu tivisa hi zontlhe zi mahilweko leno. File. 10
10Aristarkusi, a peresu-kulori, wa mu rungula, na Marku, a zukulu wa Barnabasi, loyi mu leletelweko ha yena (loku ata ka nwina, mu amukeleni), Miti. 19:29; 20:4; 27:2; 2 Tim. 4:11
11na Jesu loyi a vitanwako Justusi. Xikari ka lava va zitshiva hi vona voce va tirelako a mufumo wa Nungungulu zinwe na mina; madota ma nzi tangalisileko.
12Epafrasi, loyi a nga munwe wa va ka nwina, a nanza ga Kristu Jesu, wa mu rungula; a kukhongeleni kakwe wa mu lwela xontlhe xikhati lezaku mu fela ku yima, muva lava va mbheleleko, na mu tiva hi kutiyileko a kuranza kontlhe ka Nungungulu. Mat. 5:48; Xip. 1:7
13Hakuva nza mu mahela wukustumunyu, lezaku yena i pangamile nguvu ha nwina, ni va le Laodikea, ni va le Hierapolisi.
14Luka, a nʼanga yi ranzekako, na Demasi, va mu rungula. Lu. 1:3; Miti. 1:1; File. 24
15Rungulani a vamakabye lava va nga le Laodikea, na Nimfasi, ni bandla legi gi tlhanganako lomu ndlwini yakwe.
16Legi papilo loku gi gonzilwe xikari ka nwina, a giye gi ya gonziwa ni lomu bandleni ga va le Laodikea; na nwinawu mu gonza a papilo gi ta ngata ka nwina hi le Laodikea. 1 Tes. 5:27
17Wulani ka Arkipusi, muku: Chela kota hi xikhundla lexi u xi amukeleko Hosini, lezaku u tira lezi zi lavekako ka xona. 1 Tim. 4:6; File. 2
18Lawa hi marungula ya mina Paule hi canja ga mina wutsumbu. Alakanyani makhotso ya mina.
A tipswalo a tive na nwina! Maheb. 13:3
Currently Selected:
Va le Kolosi 4: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
