Amosi 2
2
Xiprofeto za Moabi, Juda na Israeli.
1Jehova i ngalo: Hi kota ya zionho zinharu za Moabi, kutani mune wa zona, nzi nga ta susa a xitsayiso, hakuva i hisile a marambu ya hosi ya le Edome ma kala ma maha mhemba.
2Kanilezi nzi ta rumela a nzilo hehla ka Moabi, wu ta hisa a ziluvelo za le Keriote. Zonake Moabi i ta lova na ku hi ni pfilupfilu ni tihuwa ni kuvuma ka mpunzu.
3Zonake nzi ta lovisa a mulamuli xikari kabye, nzi daya tontlhe tihosana tabye, ku wula Jehova.
4Jehova i ngalo: Hi kota ya zionho zinharu za Juda, kutani mune wa zona, nzi nga ta susa a xitsayiso, hakuva va alile a nayo wa Jehova, a va hlayisangi a zilayelo zakwe; a vanungungulu vabye va mawunwa va va hambukisile, lava a vararu vabye va nga va lanzela. Vala. 2:11
5Kanilezi nzi ta rumela a nzilo hehla ka Juda, wu ta hisa a ziluvelo za Jerusalema.
6Jehova i ngalo: Hi kota ya zionho zinharu za Israeli, kutani mune wa zona, nzi nga ta susa a xitsayiso, hakuva va xavisile loyi a lulamileko hi ku fela siliva, ni muvumali hi ku fela a patswa wa zilato.
7Va navela ni tshuri wa misava wu nga tihlokweni ta lava va vumalako, va onha a mhaka ya lava va koramileko. A munhu ni raru wakwe va enghena ka nhwana munwe, va nyenyezisa a vito ga mina go basa.
8Va etlela lomu matlhelweni ya maalati wontlhe hehla ka tinguwo leti ti tekilweko hi kota ya milanzu; lomu ndlwini ya Nungungulu wabye va nwela kona a vinya ga lava va rihisilweko. Ekso. 22:26; Deut. 24:12
9Kasike hi mina nzi lovisileko a maAmori mahlweni kabye, lava kuleha ka vona ku nga ringana ni kuleha ka tisedare, na va hi ni ntamu wo fanana ni wa mitule; kasike nzi lovisile a mihanzu yabye le hehla ni mitsu yabye lahasi. Deut. 2:33; Jox. 24:8; Vala. 11:23
10Hi mina nzi mu humesileko tikweni ga Gipite, nzi mu rangela xiwuleni 40 wa malembe, kasi mu fela ku fumela a tiko ga maAmori.
11Nzi mu vuxela vaprofeti xikari ka vana va nwina, nzi mu vuxela manuzirita xikari ka majaha ya nwina. A zi tano ke, nwina vana va ka Israeli? ku wula Jehova.
12Kanilezi nwina mu lo nwisa a vinya a manazirita, mu beletela vaprofeti, muku: Mu nga ha profeti! Mitse. 6:2; Vala. 13:5; Isa. 30:10
13Langutani, nzi ta mu manya wutshanwini ga nwina, khwatsi i kareta gi manyako na gi tele hi milumbi.
14Loyi wa mazambu i ta tsanzeka ku tsutsuma, a wa ntamu a nga ta vuneka hi ntamu wakwe, ge hambu a nhenha a ku ponisa a wutomi gakwe.
15A mukhomi wa wura a nga ta yima, ni mukhileli wa haxi a nga ta ponisa wutomi gakwe.
16Hambu loyi a nga ngwhazi xikari ka tinhenha i ta tsutsuma hi siku lego na hi ximbyiri, ku wula Jehova.
Currently Selected:
Amosi 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
