2 Timote 2
2
Xaniseka na mina kota a sochwa ga Jesu Kristu.
1Wena-ke, nwananga, ngha uva ni ntamu tipswalweni leti ti nga ka Kristu Jesu. Efe. 1:19; 3:16; 6:10; Kol. 1:11; 1 Tim. 1:2
2Lezi u zi zwileko ka mina mahlweni ka vakustumunyu vanyingi, zi veke ka vavanuna va tsumbekileko, lezaku ya fela ku zi kota ku gonzisa vanwani. 1 Tim. 1:18
3Xaniseka zikaratweni zinwe na mina, kota a sochwa go saseka ga Kristu Jesu.
4Loku a munhu aya yimpini a nga ti binzisi hi mitiro ya loku kuhanya, hakuva i fela ku tsakisa loyi a mu hlomisileko. 1 Kor. 9:25
5Kambe loku a munhu a palisana kuhlakaneni, a nga nyikwi xidlodlo ahandle ka loku a dawule hi nayo.
6A murimi loyi a tirileko a ntiro wa kona, hi yena a faneleko ku amukela a xiavelo xo ranga xa mihanzu.
7Ehleketa lezi nzi zi wulako, a Hosi yi ta ku nyika kutlhariha timhakeni tontlhe.
8Alakanya Jesu Kristu loyi a vukileko hi ka vafileko, wa pswalo wa Davida, khwatsi hi kuwula ka ivangeli leyi nzi yi kanelako, Miti. 2:30; 13:23; Rom. 2:16; 1 Kor. 15:1
9Leyi nzi zwako zikarato ha yona kala nziva makhotsweni khwatsi hi xigohi; kanilezi a mhaka ya Nungungulu a yi na ku bohiwa.
10Hikwalaho nzi timisela zontlhe hi kota ya vahlawulilweko, kasi na vonawu va fela ku kuma a kuhanyiswa loku ku nga ka Kristu Jesu, zinwe ni kungangamela ka pinzukelwa. 2 Kor. 1:8
11Gi tsumbekile a gezu legi gi nge ngalo: Hakuva loku hi file zinwe naye, kambe hi ta hanya zinwe naye; Rom. 6:5, 8; 1 Tim. 1:15
12loku hi timisela, hi ta fuma zinwe naye; kanilezi loku hi mu kaneta, yenawu i ta hi kaneta. Mat. 10:33; Mar. 8:38; Rom. 8:17; 1 Ped. 4:13
13Loku hi nga tsumbeki, yena i ta simamisa a tsumbekile; hakuva a nga na ku ti kaneta. Mitse. 23:19; Rom. 3:3; 9:6
Tindlela ta kuhambuka
14Va alakanyise hi timhaka leti, u va laya mahlweni ka Hosi, lezaku va nga kanetisani hi timhaka, hakuva a zi vuni nchumu, zi hambukisa ntsena lava va zi zwako. 1 Tim. 1:4; 5:21; 6:13
15Chela kota ku ti kombisa mahlweni ka Nungungulu u hi loyi a hlolilweko u kheseka, a xitiri xi nga luko na tingana, loyi a avelako a mhaka ya zinene hi kululama.
16Kanilezi nyenya a mafenya lawa ya hava, hakuva lava va wulako wona va taya mahlweni hi kungakholwi. Tit. 1:14
17A mhaka yabye yi ta vunjhukela kota khoro. A va kunghaho hi Himeneusi na Filetusi; 1 Tim. 1:20
18lava va hambukileko zineneni, va nge ngalo: A kuvuka ka vafileko ku hunzile; va daya a kukholwa ka vanwani. 1 Kor. 15:12
19Kanilezi a xiseketelo xi tiyileko xa Nungungulu xi yimile, na xi hi ni xifungo lexi xaku: A Hosi ya va tiva lava va nga va yona; niku: Ngha munwe ni munwani a kumbukako a vito ga Hosi a suka kungalulameni. Nah. 1:7; Mat. 24:24; Rom. 8:35; 1 Joh. 2:19
20Lomu ndlwini ya hombe a ku na zibya za nzalama ni siliva zoce, kanilezi zi kona kambe zo vatliwa ni za wumba; zinwani zi na ni mitiro yi dzunziwako, ni zinwani zi na ni mitiro yi nga dzunziwiko.
21Hikwalaho loku munhu a tsawukana ni mitiro ya kunghaho, i tava xibya xi dzunziwako, lexi xi basisilweko, xi faneleko ku tiriswa hi nwinyi wa xona, na xi longiselelwe a mitiro yontlhe yo saseka.
22Potsoloka a kumbilukela ka lava vaswa, u lanza kululama, ni kukholwa, ni liranzo, ni kurula, zinwe ni lava va khongelako ka Hosi hi timbilu ti basileko.
23Kanilezi ala ku xuxa hi timhaka ta wupumbu leti ti nga vuniko nchumu; wa zi tiva lezaku ti vanga timholova.
24A zi faneli lezaku a nanza ga Hosi gi holova, kanilezi a gi rule ka vontlhe, na gi tiva ku gonzisa, gi timisela.
25I fanele ku luleka hi kurula lava va kanetako, na a tsumba lezaku Nungungulu i ta va nyika kuhunzuluka va kala va tiva zinene,
26lezaku va ti tlharihela va pona tlhanwini wa Satani, loyi va phasilweko hi yena, lezaku va maha kuranza kakwe.
Currently Selected:
2 Timote 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
