2 Samueli 9
9
Davida ni nʼwana Jonatani.
1Davida i te ngalo: Xana i kona munhu a seleko lomu ndlwini ka Saule, kasi mina nza kombisa a wuxinji ka yena hi kota ya Jonatani ke?
2Makunu lomu ndlwini ka Saule ku wa hi kona a nanza gi nga vitwa ku hi Ziba; va lo ya mu vitana ata ka Davida. A hosi yiku kakwe: Hi wena Ziba ke? Yena aku: Nzi mina nanza ga wena.
3A hosi yiku: Xana a ku salangi munhu munwe wa yindlu ya Saule, kasi mina nzi fela ku kombisa a wuxinji ga Nungungulu ka yena ke? Ziba i te ngalo ka hosi: Ku sele a nʼwana munwe wa Jonatani wa mufana, a lanzeleko mikonzo.
4A hosi yi te ngalo kakwe; I kwihi? Ziba aku ka hosi: I le ndlwini ya Makira nʼwana Ammieli le Lodebara.
5Zonake Davida i lo rumela a vanhu va ya mu teka le ndlwini ya Makira nʼwana Ammieli le Lodebara.
6Mefiboxete nʼwana Jonatani wa Saule i lota ka Davida a tawa mahlweni kakwe a maha xichavo. Davida aku: Mefiboxete! Yena aku: A nanza ga wena hi legi!
7Davida aku kakwe: U nga chavi, hakuva nzi lava ku ku mahela tipswalo hi kota ya raru wa wena Jonatani. Nzi ku tlhelisela a sava gontlhe ga Saule a raru wa wena; kasike masiku wontihe wena u taga laha mezeni na mina.
8Zonake i lo maha xichavo, aku: A nanza ga wena ga kuva yiniwo ko kala u cuwuka a mbyana ya kufa yo fana na mina?
9Zonake a hosi yi lo vitana Ziba a nanza ga Saule, aku kakwe: Zontlhe a zilo lezi zi nga wa hi za Saule, ni zontlhe za yindlu yakwe, nzi zi nyikile a nʼwana wa hosi ya wena.
10U ta mu rimela masimu, wena ni vana va wena, ni malanza ya wena, zonake u ta neha a pfuno wa kona kasi a nʼwana wa hosi ya wena a fela ku kuma zakuga aga; kanilezi Mefiboxete a nʼwana wa hosi ya wena i taga wontihe masiku laha mezeni ya mina. Makunu Ziba i wa hi ni 15 wa vafana ni 20 wa malanza.
11Zonake Ziba i te ngalo ka hosi: Zontlhe lezi a nwinyi wa mina a zi leleteleko ka nanza ga yena, a nanza ga wena gi ta zi maha. Zonake Mefiboxete i loga laha mezeni ya Davida kota munwe wa vana va hosi.
12Mefiboxete i wa hi ni mufanyana wa tsongwani a vito gakwe a nga hi Mika; vontlhe lava va nga hi laha mutini wa Ziba va wa hi malanza ya Mefiboxete.
13Mefiboxete i lo tshama le Jerusalema, hakuva wontihe masiku i waga laha mezeni ya hosi; kanilezi i wa lamele mikonzo yontlhe.
Currently Selected:
2 Samueli 9: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
