2 Samueli 3
3
1Makunu ku wa hi kona a yimpi a xikhati xo leha xikari ka yindlu ya Saule ni yindlu ya Davida, kanilezi Davida i lo simama a anza hi ntamu, kasike a yindlu ya Saule yi lo simama yi tlhelela nzhako.
2Davida i lo pswalelwa vafana le Hebroni: a matewula yakwe hi Amnoni wo pswalwa hi Ahinoame a muJezreeli.
3A wa wumbiri hi Kileabe wo pswalwa hi Abigaili a sati wa Nabali a muKarmeli; a wa wunharu hi Absalome a nisanyana wa Maaka nʼwana Talmai, a hosi ya le Gexura.
4A wa wumune hi Adonija nʼwana Haggite; a wa wuntlhanu hi Xefatia nʼwana wa Abitali;
5a wuntlhanu ni munwe hi Itreama nʼwana Egla a sati wa Davida. Lava hi vona va pswalelweko Davida le Hebroni.
6Loku a yimpi yilwa xikari ka yindlu ya Saule ni yindlu ya Davida, Abneri i wa yimela a yindlu ya Saule.
7Makunu ku wa hi kona a mundlukulu wa Saule, a vito gakwe hi Rizpa nʼwana Aia. Ixboxete aku ka Abneri: Hi kuyini u enghena ka mundlukulu wa dadani?
8Zonake Abneri i lo zangara nguvu hi kota ya timhaka leto ta Ixboxete, aku: Nzi hloko ya mbyana ya ka Juda ke? Inyamutlha mina nzi kombisile wunene ka yindlu ya raru wa wena Saule, ni vanakulobye, ni ka maxaka yakwe, kambe a nzi ku nyikelangi mandleni ya Davida; inyamutlha u nzi nyika nanzu hi kota ya loyi wasati!
9Nungungulu a tsayise Abneri loku nzi nga maheli Davida kota lezi Jehova a hlambanyileko kakwe.
10Nzi ta susa mufumo lowu lomu ndlwini ya Saule, nzi tiyisa a xitshamu xa wukosi xa Davida hehla ka Israeli ni hehla ka Juda, kusukela le Dani kala le Berexeba. Vala. 20:1; 1 Sam. 3:20
11Ixboxete a nga hlamulangi hambu ni mhaka yinwe ka Abneri, hakuva i wa mu chava.
12Zonake Abneri i lo rumela mitsumi ka Davida, aku: A tiko ga mani ke? A engeta aku: Maha xivumelwano na mina, kasi a canja ga mina gi fela kuva zinwe na wena a ku hunzulusa va ka Israeli va wuya ka wena.
13Davida i lo hlamula, aku: Hi zona, nzi ta maha xivumelwano na wena. Kanilezi nzi kombela a xilo xinwe basi ka wena; nzi ngalo: U nga ta wona a nghohe ya mina, loku u nga tangi hi ku neha Mikali wa Saule, a siku lego u tako ku ta nzi wona.
14Davida i lo rumela mitsumi ka Ixboxete nʼwana Saule, aku kakwe: Nzi nyike sati wa mina Mikali loyi nzi nga mu lowota hi 100 wa wukhuna ga vaFilistia.
15Zonake Ixboxete i lo ruma vanhu va ya mu teka ka nuna wakwe Paltieli nʼwana Laixa.
16A nuna wakwe i lo sukawo a mu lanzela na a rila, kala le Bahurima. Laho Abneri i te ngalo kakwe: Tlhela u famba! Zonake i lo tlhela a famba.
17Abneri i lo wulawula ni masingalakati ya ka Israeli, aku: A masiku ma hunzileko mu wa lava Davida lezaku a maha hosi ya nwina.
18Mu maheni makunu, hakuva Jehova i wulawulile ha Davida, aku: Hi canja ga nanza ga mina Davida nzi ta ponisa a vanhu va mina va ka Israeli mandleni ya vaFilistia ni mandleni ya vontlhe valala vakwe.
19Abneri i lo wulawula lomu tindleveni ta va ka Benjamini, zonake i lo ya wulawula tindleveni ta Davida le Hebroni tontlhe timhaka leti ta kusasa mahlweni ka Israeli ni mahlweni ka yontlhe yindlu ya ka Benjamini.
20Zinghaho Abneri i lota ka Davida le Hebroni na hi ni 20 wa vavanuna. Davida i lo maha mubuzo, a mahela Abneri ni vanhu lava a nga hi navo.
21Zonake Abneri i te ngalo ka Davida: Nzi ta famba nzi ya tsombanyisa vontlhe va ka Israeli ka hosi ya mina, kasi va fela ku maha xivumelwano na wena, kasi wena wa fela ku fumela kontlhe lomu u ku xuvako. Davida i lo salisana na Abneri, a mu fambisa hi kurula.
22Languta a malanza ya Davida na Joabe va wa wuya hi le yimpini, na va neha muphango wa hombe. Kanilezi i wa nga hi na Davida le Hebroni, hakuva i wa salisene naye, a mu fambisa hi kurula.
23Laha Joabe a nga chikela hi mabutho wontihe lawa a nga hi nawo, va lo byela Joabe vaku: Abneri nʼwana Neri i wa tile le hosini. I lo onekana naye khwatsi, a famba hi kurula.
24Zonake Joabe i lota le hosini, a taku: Zini u mahileko? Languta Abneri i wa tile ka wena, hi kuyini u nga mu tsika a famba hi kurula?
25Wena wa mu tiva Abneri nʼwana Neri; i tele ku ta ku khohlisa a fela ku tiva kuhuma ka wena ni kuenghena ka wena, ni ku tiva khwatsi zontlhe lezi u mahako.
26Zonake Joabe i lo huma ka Davida, a ya ruma vanhu ku lanza Abneri. Va lo ya mu kuma le hlobyeni ya le Sira; kanilezi Davida i wa nga zi tivi lezo.
27Laha Abneri a nga wa tlhelele le Hebroni, Joabe i lo mu vitana le tlhelweni a xikari ka nyangwa, a ya wulawula naye khwatsanyana; zalezo i lo mu tlhava rumbu afa, hakuva i khulo ga nkhata wa nakulobye Asaheli.
28Anzhako ka lezo Davida i lo zizwa, aku ngalo: Mina a nzi na nanzu hi nkhata wa Abneri nʼwana Neri; mina ni mufumo wa mina hi hava nanzu mahlweni ka Jehova kala kupinzuka.
29Ngha wuva le hlokweni ya Joabe ni le ndlwini yontlhe ya raru wakwe. Ngha a nga hi kona munhu a ponako lomu ndlwini ya Joabe a kuva ni ntungu, wa ku humesa nkhata, kutani hlokonho, kutani loyi a chetengelako hi nhonga, kutani wa ku wela matlharini, hambu wa kuvumala zibaba. Levi 15:2; 1 Tih. 2:5
30Zinghaho Joabe ni nakulobye Abixai va lo daya Abneri, hi kota ya lezi a nga daya nakulobye Asaheli le Gibeoni lomu yimpini.
31Davida i te ngalo ka Joabe ni ka vontlhe vanhu lava va nga wa hi zinwe naye: Hanzulani tinguwo ta nwina, mu ambala tinguwo ta xirilo mu hlaluka Abneri. Hosi Davida i lo lanzela lihlaka.
32Va lo lahla Abneri le Hebroni. A hosi yi lo tlakusa a gezu ga yona yi rila laha nkeleni wa Abneri; ni vontlhe vanhu va lo rila.
33A hosi yi lo maha a lisimu la xirilo hi kota ya Abneri, yiku:
Xana Abneri i fela muni,
Wa ku fisa ku khwatsi u phuphulu?
34A mawoko ya wena ma wa nga bohiwangi,
Ni milenge ya wena yi wa nga bohiwangi hi makhotso.
Wa so fisa ku khwatsi hi munhu a wako mahlweni ka vanana va vaonhi.
A vanhu vontlhe va lo mu hlaluka.
35A vanhu vontlhe va lo ta khongotela Davida lezaku aga zakuga na ka hi hlikanhi; kanilezi Davida i lo hlambanya, aku: Nungungulu a mahe hi ntatau, ni ku engeta ka mina, loku mina nziga zibaba, hambu ni xihi xilo, na gi nga se ku pela gambo!
36A vanhu vontlhe va lo xiyisisa a mhaka leyo, zonake xi lova xilo xo saseka mahlweni ka vona, ni ka zontlhe lezi zi nga wa mahiwa hi hosi, zi wa xalalisa mahlweni ka vanhu vontlhe.
37Zonake a vanhu vontlhe, ni vontlhe va ka Israeli, va lo zi tiva lezaku Abneri nʼwana Neri a nga dawangi hi kuruma ka hosi.
38A hosi yi te ngalo ka malanza ya yona: A mu zi tivi nwina lezaku a hosi leyi yi nga nhenha ya hombe, yi wile inyamutlha lomu ka Israeli.
39Mina nzi mbhelile ntamu nyamutlha, hambu loku nzi wumbelwe kuva hosi leyi yi nga nhenha ya hombe, yi va Zeruia, va nzi hunza a ntamu. Jehova ngha a chachazela mumahi wa kubiha kukotisa kubiha kakwe.
Currently Selected:
2 Samueli 3: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
2 Samueli 3
3
1Makunu ku wa hi kona a yimpi a xikhati xo leha xikari ka yindlu ya Saule ni yindlu ya Davida, kanilezi Davida i lo simama a anza hi ntamu, kasike a yindlu ya Saule yi lo simama yi tlhelela nzhako.
2Davida i lo pswalelwa vafana le Hebroni: a matewula yakwe hi Amnoni wo pswalwa hi Ahinoame a muJezreeli.
3A wa wumbiri hi Kileabe wo pswalwa hi Abigaili a sati wa Nabali a muKarmeli; a wa wunharu hi Absalome a nisanyana wa Maaka nʼwana Talmai, a hosi ya le Gexura.
4A wa wumune hi Adonija nʼwana Haggite; a wa wuntlhanu hi Xefatia nʼwana wa Abitali;
5a wuntlhanu ni munwe hi Itreama nʼwana Egla a sati wa Davida. Lava hi vona va pswalelweko Davida le Hebroni.
6Loku a yimpi yilwa xikari ka yindlu ya Saule ni yindlu ya Davida, Abneri i wa yimela a yindlu ya Saule.
7Makunu ku wa hi kona a mundlukulu wa Saule, a vito gakwe hi Rizpa nʼwana Aia. Ixboxete aku ka Abneri: Hi kuyini u enghena ka mundlukulu wa dadani?
8Zonake Abneri i lo zangara nguvu hi kota ya timhaka leto ta Ixboxete, aku: Nzi hloko ya mbyana ya ka Juda ke? Inyamutlha mina nzi kombisile wunene ka yindlu ya raru wa wena Saule, ni vanakulobye, ni ka maxaka yakwe, kambe a nzi ku nyikelangi mandleni ya Davida; inyamutlha u nzi nyika nanzu hi kota ya loyi wasati!
9Nungungulu a tsayise Abneri loku nzi nga maheli Davida kota lezi Jehova a hlambanyileko kakwe.
10Nzi ta susa mufumo lowu lomu ndlwini ya Saule, nzi tiyisa a xitshamu xa wukosi xa Davida hehla ka Israeli ni hehla ka Juda, kusukela le Dani kala le Berexeba. Vala. 20:1; 1 Sam. 3:20
11Ixboxete a nga hlamulangi hambu ni mhaka yinwe ka Abneri, hakuva i wa mu chava.
12Zonake Abneri i lo rumela mitsumi ka Davida, aku: A tiko ga mani ke? A engeta aku: Maha xivumelwano na mina, kasi a canja ga mina gi fela kuva zinwe na wena a ku hunzulusa va ka Israeli va wuya ka wena.
13Davida i lo hlamula, aku: Hi zona, nzi ta maha xivumelwano na wena. Kanilezi nzi kombela a xilo xinwe basi ka wena; nzi ngalo: U nga ta wona a nghohe ya mina, loku u nga tangi hi ku neha Mikali wa Saule, a siku lego u tako ku ta nzi wona.
14Davida i lo rumela mitsumi ka Ixboxete nʼwana Saule, aku kakwe: Nzi nyike sati wa mina Mikali loyi nzi nga mu lowota hi 100 wa wukhuna ga vaFilistia.
15Zonake Ixboxete i lo ruma vanhu va ya mu teka ka nuna wakwe Paltieli nʼwana Laixa.
16A nuna wakwe i lo sukawo a mu lanzela na a rila, kala le Bahurima. Laho Abneri i te ngalo kakwe: Tlhela u famba! Zonake i lo tlhela a famba.
17Abneri i lo wulawula ni masingalakati ya ka Israeli, aku: A masiku ma hunzileko mu wa lava Davida lezaku a maha hosi ya nwina.
18Mu maheni makunu, hakuva Jehova i wulawulile ha Davida, aku: Hi canja ga nanza ga mina Davida nzi ta ponisa a vanhu va mina va ka Israeli mandleni ya vaFilistia ni mandleni ya vontlhe valala vakwe.
19Abneri i lo wulawula lomu tindleveni ta va ka Benjamini, zonake i lo ya wulawula tindleveni ta Davida le Hebroni tontlhe timhaka leti ta kusasa mahlweni ka Israeli ni mahlweni ka yontlhe yindlu ya ka Benjamini.
20Zinghaho Abneri i lota ka Davida le Hebroni na hi ni 20 wa vavanuna. Davida i lo maha mubuzo, a mahela Abneri ni vanhu lava a nga hi navo.
21Zonake Abneri i te ngalo ka Davida: Nzi ta famba nzi ya tsombanyisa vontlhe va ka Israeli ka hosi ya mina, kasi va fela ku maha xivumelwano na wena, kasi wena wa fela ku fumela kontlhe lomu u ku xuvako. Davida i lo salisana na Abneri, a mu fambisa hi kurula.
22Languta a malanza ya Davida na Joabe va wa wuya hi le yimpini, na va neha muphango wa hombe. Kanilezi i wa nga hi na Davida le Hebroni, hakuva i wa salisene naye, a mu fambisa hi kurula.
23Laha Joabe a nga chikela hi mabutho wontihe lawa a nga hi nawo, va lo byela Joabe vaku: Abneri nʼwana Neri i wa tile le hosini. I lo onekana naye khwatsi, a famba hi kurula.
24Zonake Joabe i lota le hosini, a taku: Zini u mahileko? Languta Abneri i wa tile ka wena, hi kuyini u nga mu tsika a famba hi kurula?
25Wena wa mu tiva Abneri nʼwana Neri; i tele ku ta ku khohlisa a fela ku tiva kuhuma ka wena ni kuenghena ka wena, ni ku tiva khwatsi zontlhe lezi u mahako.
26Zonake Joabe i lo huma ka Davida, a ya ruma vanhu ku lanza Abneri. Va lo ya mu kuma le hlobyeni ya le Sira; kanilezi Davida i wa nga zi tivi lezo.
27Laha Abneri a nga wa tlhelele le Hebroni, Joabe i lo mu vitana le tlhelweni a xikari ka nyangwa, a ya wulawula naye khwatsanyana; zalezo i lo mu tlhava rumbu afa, hakuva i khulo ga nkhata wa nakulobye Asaheli.
28Anzhako ka lezo Davida i lo zizwa, aku ngalo: Mina a nzi na nanzu hi nkhata wa Abneri nʼwana Neri; mina ni mufumo wa mina hi hava nanzu mahlweni ka Jehova kala kupinzuka.
29Ngha wuva le hlokweni ya Joabe ni le ndlwini yontlhe ya raru wakwe. Ngha a nga hi kona munhu a ponako lomu ndlwini ya Joabe a kuva ni ntungu, wa ku humesa nkhata, kutani hlokonho, kutani loyi a chetengelako hi nhonga, kutani wa ku wela matlharini, hambu wa kuvumala zibaba. Levi 15:2; 1 Tih. 2:5
30Zinghaho Joabe ni nakulobye Abixai va lo daya Abneri, hi kota ya lezi a nga daya nakulobye Asaheli le Gibeoni lomu yimpini.
31Davida i te ngalo ka Joabe ni ka vontlhe vanhu lava va nga wa hi zinwe naye: Hanzulani tinguwo ta nwina, mu ambala tinguwo ta xirilo mu hlaluka Abneri. Hosi Davida i lo lanzela lihlaka.
32Va lo lahla Abneri le Hebroni. A hosi yi lo tlakusa a gezu ga yona yi rila laha nkeleni wa Abneri; ni vontlhe vanhu va lo rila.
33A hosi yi lo maha a lisimu la xirilo hi kota ya Abneri, yiku:
Xana Abneri i fela muni,
Wa ku fisa ku khwatsi u phuphulu?
34A mawoko ya wena ma wa nga bohiwangi,
Ni milenge ya wena yi wa nga bohiwangi hi makhotso.
Wa so fisa ku khwatsi hi munhu a wako mahlweni ka vanana va vaonhi.
A vanhu vontlhe va lo mu hlaluka.
35A vanhu vontlhe va lo ta khongotela Davida lezaku aga zakuga na ka hi hlikanhi; kanilezi Davida i lo hlambanya, aku: Nungungulu a mahe hi ntatau, ni ku engeta ka mina, loku mina nziga zibaba, hambu ni xihi xilo, na gi nga se ku pela gambo!
36A vanhu vontlhe va lo xiyisisa a mhaka leyo, zonake xi lova xilo xo saseka mahlweni ka vona, ni ka zontlhe lezi zi nga wa mahiwa hi hosi, zi wa xalalisa mahlweni ka vanhu vontlhe.
37Zonake a vanhu vontlhe, ni vontlhe va ka Israeli, va lo zi tiva lezaku Abneri nʼwana Neri a nga dawangi hi kuruma ka hosi.
38A hosi yi te ngalo ka malanza ya yona: A mu zi tivi nwina lezaku a hosi leyi yi nga nhenha ya hombe, yi wile inyamutlha lomu ka Israeli.
39Mina nzi mbhelile ntamu nyamutlha, hambu loku nzi wumbelwe kuva hosi leyi yi nga nhenha ya hombe, yi va Zeruia, va nzi hunza a ntamu. Jehova ngha a chachazela mumahi wa kubiha kukotisa kubiha kakwe.
Tshwa Bible © Bible Society in Mozambique, 1972, 2007.