2 Samueli 2
2
Davida alwa ni tiyimpi ta Saule.
1Makunu anzhako ka lezo Davida i lo wutisa ka Jehova, aku: Nzi kanziha nziya ka munwe wa miti ya ka Juda ke? Jehova i te ngalo kakwe: Kanziha. A engeta aku ka Jehova: Nziya ka wihi muti? Jehova aku: Yana le Hebroni.
2Hilezo Davida i lo kanziha aya leyo ni vasati vakwe va vambiri, Ahinoame a muJezreeli, na Abigaili a sati wa Nabali a muKarmeli.
3Davida i lo kanziha ni vanhu lava a nga hi navo, loyi ni loyi i wa hi ni ngango wakwe; va lo ya aka le mitini ya le Hebroni.
4A vavanuna va ka Juda va lota laho va ta tota Davida a kuva hosi hehla ka yindlu ya ka Juda. Zonake va lo byela Davida, vaku: A vanhu va le Jebexe-Gileade hi vona va nga lahla Saule.
5Davida i lo rumela mitsumi ka vanhu va le Jebexe-Gileade, aku ka vona: Jehova a mu katekise, hakuva mu kombisile wuxinji ka hosi ya nwina Saule, hi lezi mu nga mu lahla.
6Hikwalaho Jehova ngha a kombisa wuxinji ni wunene ka nwina! Minawu nzi ta mu mahela wunene, hakuva mu mahile khwatsi.
7Makunu lezi, ngha canja ga nwina gi hi ni ntamu, muva tinhenha; hakuva Saule a hosi ya nwina i file, ni yindlu ya ka Juda yi nzi wumbele a kuva hosi hehla ka yona.
8Kanilezi Abneri nʼwana Neri, a nduna ya yimpi ya Saule, i wa tekile Ixboxete wa Saule, a mu yisa le Mahanaime,
9a ya mu wumbela a kuva hosi ya le Gileade, ni le Axuri, ni le Jezreeli, ni ka va ka Efraime, ni ka va ka Benjamini, ni hehla ka vontlhe va ka Israeli.
10Ixboxete nʼwana Saule i wa hi ni 40 wa malembe a xikhati a nga sangula ku fumela va ka Israeli. Kanilezi a yindlu ya ka Juda yoce yi lo lanzela Davida.
11A masiku lawo Davida a nga fumela a yindlu ya ka Juda le Hebroni ma wa hi 7 wa malembe ni 6 wa tihweti.
12Zonake Abneri nʼwana Neri, ni malanza ya Ixboxete, nʼwana Saule, va lo suka le Mahanaime vaya le Gibeoni.
13Joabe nʼwana Zeruia, ni malanza ya Davida, vonawu va lo huma va va khinga, va ya tlhangana navo le tiveni ga Gibeoni; lava ni lava va ti tshamela tlhelweni gabye ga tiva.
14Abneri aku ka Joabe: A ku suke majaha ma: hlakana mahlweni ka hina! Joabe aku: A ma suke!
15Zonake va lo suka va tshinelelana hi mitsengo yi ringanako; 12 va ka Benjamini, va nga vona va ka Ixboxete wa Saule, ni 12 wa malanza ya Davida.
16Zonake a munwe ni munwani i lo khoma a nala wakwe hi hloko, va tlhavana lomu mareveni hi tisupado tabye, vawa khatiginwe lahasi. Hikwalaho a wutshamu lego gi lo vitanwa ku Helkateh-Hazzurime, gi nga le Gibeoni.
17Ku wa hi kona kulwa ko tsanza nguvu lego siku, Abneri ni vanhu va vaIsraeli va hluliwa hi vanhu va Davida.
18Laho ku wa hi ni vana vanharu va Zeruia, Joabe, na Abixai, na Asaheli. Asaheli i wa hi ni mikonzo ya mapenga khwatsi i mhuti.
19Asaheli i lo hlongolisa Abneri, a si hi le nzhako gwe, a nga hambukeli xineneni hambu xibhabheni.
20Zonake Abneri i lo hunzuluka a cuwuka nzhako, aku: Kasi hi wena Asaheli? Asaheli aku: Hi mina.
21Abneri aku kakwe: Hambuka uya xineneni kutani xibhabheni, u khoma ginwe ga majaha, u teka matlhari ya gona. Kanilezi Asaheli a su gwe, a nga vumeli ku hambuka.
22Abneri i lo engeta aku ka Asaheli: Hambuka, u nga nzi lanzeli! U lava ku tlhabyelwa yini uwa lahasi? Nzi ta hafulisa kuyini mahlo ya mina nzi cuwuka nakuloni Joabe?
23Hambu lezo, i lo ala ku hambuka. Hikwalaho Abneri i lo mu gwaza laha ka rumbu hi tlhari, gi phondlisa gi ya huma le nzhako kakwe, awa a fela kwalaho. Zonake vontlhe lava va nga wa chikela laha Asaheli a wileko kona afa, va wo yima kwalaho.
24Kanilezi Joabe na Abixai va lo simamisa va hlongolisa Abneri. Laha a gambo gi ngaya kupeleni, va lo chikela xitsungeni xa Ama, xi cuwukeneko ni le Gia, hi ndlela ya xiwula xa le Gibeoni.
25A va ka Benjamini va lo tsombana va lanza Abneri, va maha ntlawa munwe, va ya yima le hehla ka xitsunga.
26Zonake Abneri i lo vitana Joabe, aku kakwe: Kaxa a supado yi ta simamisa yi lovisa vanhu ke? Kasi a ku zi tivi lezaku hi magumo ku tava kona kubayisa ke? Kala rini na wa ha miyele, u nga byeli vanhu va tsika ku hlongola vanakulobye?
27Joabe i te ngalo: Nzi hlambanya ha Jehova a hanyako; loku u wa nga wulangi lezo, ngha vanhu va nga tsikangi ku hlongola vanakulobye kala manziko ni mixo.
28Zinghaho Joabe i loba paratana, a vanhu vontlhe va lo yima va tsika ku hlongolisa va ka Israeli, va tsika kulwa.
29Abneri ni vanhu vakwe va lo famba wusiku gontlhe va tsemakanya libala, zonake va lo ya tlhatuka Jordani, va tsemakanya tiko gontlhe ga Bitironi, va ya chikela le Mahanaime.
30Joabe i lo tlhela hi le ko hlongolisa Abneri, a ya tsombanyisa vanhu vontlhe; laho ku lo vumaleka 19 wa vavanuna va malanza ya Davida, na Asaheli.
31Kanilezi a malanza ya Davida ma wa dele 360 wa vavanuna va ka Benjamini ni va ka Abneri.
32Zonake va lo teka Asaheli va ya mu lahla le xilahleni xa raru wakwe, le Betlehema. Joabe ni vanhu vakwe va lo famba wusiku gontlhe, giku gi sangula kuca na va chikela le Hebroni.
Currently Selected:
2 Samueli 2: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
2 Samueli 2
2
Davida alwa ni tiyimpi ta Saule.
1Makunu anzhako ka lezo Davida i lo wutisa ka Jehova, aku: Nzi kanziha nziya ka munwe wa miti ya ka Juda ke? Jehova i te ngalo kakwe: Kanziha. A engeta aku ka Jehova: Nziya ka wihi muti? Jehova aku: Yana le Hebroni.
2Hilezo Davida i lo kanziha aya leyo ni vasati vakwe va vambiri, Ahinoame a muJezreeli, na Abigaili a sati wa Nabali a muKarmeli.
3Davida i lo kanziha ni vanhu lava a nga hi navo, loyi ni loyi i wa hi ni ngango wakwe; va lo ya aka le mitini ya le Hebroni.
4A vavanuna va ka Juda va lota laho va ta tota Davida a kuva hosi hehla ka yindlu ya ka Juda. Zonake va lo byela Davida, vaku: A vanhu va le Jebexe-Gileade hi vona va nga lahla Saule.
5Davida i lo rumela mitsumi ka vanhu va le Jebexe-Gileade, aku ka vona: Jehova a mu katekise, hakuva mu kombisile wuxinji ka hosi ya nwina Saule, hi lezi mu nga mu lahla.
6Hikwalaho Jehova ngha a kombisa wuxinji ni wunene ka nwina! Minawu nzi ta mu mahela wunene, hakuva mu mahile khwatsi.
7Makunu lezi, ngha canja ga nwina gi hi ni ntamu, muva tinhenha; hakuva Saule a hosi ya nwina i file, ni yindlu ya ka Juda yi nzi wumbele a kuva hosi hehla ka yona.
8Kanilezi Abneri nʼwana Neri, a nduna ya yimpi ya Saule, i wa tekile Ixboxete wa Saule, a mu yisa le Mahanaime,
9a ya mu wumbela a kuva hosi ya le Gileade, ni le Axuri, ni le Jezreeli, ni ka va ka Efraime, ni ka va ka Benjamini, ni hehla ka vontlhe va ka Israeli.
10Ixboxete nʼwana Saule i wa hi ni 40 wa malembe a xikhati a nga sangula ku fumela va ka Israeli. Kanilezi a yindlu ya ka Juda yoce yi lo lanzela Davida.
11A masiku lawo Davida a nga fumela a yindlu ya ka Juda le Hebroni ma wa hi 7 wa malembe ni 6 wa tihweti.
12Zonake Abneri nʼwana Neri, ni malanza ya Ixboxete, nʼwana Saule, va lo suka le Mahanaime vaya le Gibeoni.
13Joabe nʼwana Zeruia, ni malanza ya Davida, vonawu va lo huma va va khinga, va ya tlhangana navo le tiveni ga Gibeoni; lava ni lava va ti tshamela tlhelweni gabye ga tiva.
14Abneri aku ka Joabe: A ku suke majaha ma: hlakana mahlweni ka hina! Joabe aku: A ma suke!
15Zonake va lo suka va tshinelelana hi mitsengo yi ringanako; 12 va ka Benjamini, va nga vona va ka Ixboxete wa Saule, ni 12 wa malanza ya Davida.
16Zonake a munwe ni munwani i lo khoma a nala wakwe hi hloko, va tlhavana lomu mareveni hi tisupado tabye, vawa khatiginwe lahasi. Hikwalaho a wutshamu lego gi lo vitanwa ku Helkateh-Hazzurime, gi nga le Gibeoni.
17Ku wa hi kona kulwa ko tsanza nguvu lego siku, Abneri ni vanhu va vaIsraeli va hluliwa hi vanhu va Davida.
18Laho ku wa hi ni vana vanharu va Zeruia, Joabe, na Abixai, na Asaheli. Asaheli i wa hi ni mikonzo ya mapenga khwatsi i mhuti.
19Asaheli i lo hlongolisa Abneri, a si hi le nzhako gwe, a nga hambukeli xineneni hambu xibhabheni.
20Zonake Abneri i lo hunzuluka a cuwuka nzhako, aku: Kasi hi wena Asaheli? Asaheli aku: Hi mina.
21Abneri aku kakwe: Hambuka uya xineneni kutani xibhabheni, u khoma ginwe ga majaha, u teka matlhari ya gona. Kanilezi Asaheli a su gwe, a nga vumeli ku hambuka.
22Abneri i lo engeta aku ka Asaheli: Hambuka, u nga nzi lanzeli! U lava ku tlhabyelwa yini uwa lahasi? Nzi ta hafulisa kuyini mahlo ya mina nzi cuwuka nakuloni Joabe?
23Hambu lezo, i lo ala ku hambuka. Hikwalaho Abneri i lo mu gwaza laha ka rumbu hi tlhari, gi phondlisa gi ya huma le nzhako kakwe, awa a fela kwalaho. Zonake vontlhe lava va nga wa chikela laha Asaheli a wileko kona afa, va wo yima kwalaho.
24Kanilezi Joabe na Abixai va lo simamisa va hlongolisa Abneri. Laha a gambo gi ngaya kupeleni, va lo chikela xitsungeni xa Ama, xi cuwukeneko ni le Gia, hi ndlela ya xiwula xa le Gibeoni.
25A va ka Benjamini va lo tsombana va lanza Abneri, va maha ntlawa munwe, va ya yima le hehla ka xitsunga.
26Zonake Abneri i lo vitana Joabe, aku kakwe: Kaxa a supado yi ta simamisa yi lovisa vanhu ke? Kasi a ku zi tivi lezaku hi magumo ku tava kona kubayisa ke? Kala rini na wa ha miyele, u nga byeli vanhu va tsika ku hlongola vanakulobye?
27Joabe i te ngalo: Nzi hlambanya ha Jehova a hanyako; loku u wa nga wulangi lezo, ngha vanhu va nga tsikangi ku hlongola vanakulobye kala manziko ni mixo.
28Zinghaho Joabe i loba paratana, a vanhu vontlhe va lo yima va tsika ku hlongolisa va ka Israeli, va tsika kulwa.
29Abneri ni vanhu vakwe va lo famba wusiku gontlhe va tsemakanya libala, zonake va lo ya tlhatuka Jordani, va tsemakanya tiko gontlhe ga Bitironi, va ya chikela le Mahanaime.
30Joabe i lo tlhela hi le ko hlongolisa Abneri, a ya tsombanyisa vanhu vontlhe; laho ku lo vumaleka 19 wa vavanuna va malanza ya Davida, na Asaheli.
31Kanilezi a malanza ya Davida ma wa dele 360 wa vavanuna va ka Benjamini ni va ka Abneri.
32Zonake va lo teka Asaheli va ya mu lahla le xilahleni xa raru wakwe, le Betlehema. Joabe ni vanhu vakwe va lo famba wusiku gontlhe, giku gi sangula kuca na va chikela le Hebroni.
Tshwa Bible © Bible Society in Mozambique, 1972, 2007.