2 Pedro 1
1
1Simoni Pedro, a nanza tlhelo mupostoli wa Jesu Kristu, nza rungula vona lava va kumileko a kukholwa ku nga ni tsengo wa hombe wo fanana ni loku hi ku kumileko hina kululameni ka Nungungulu wa hina tlhelo Muhanyisi Jesu Kristu, nziku:
2A tipswalo ni kurula a zi anziswe ka nwina, hi ku tiva Nungungulu na Jesu a Hosi ya hina. Dan. 4:1; Juda 2
Tiyisani a kuvitanwa ni kuhlawulwa ka nwina.
3A ntamu wakwe wa wuNungungulu wu hi nyikile zontlhe zi nga za wutomi ni za xichawo xa wuNungungulu, hi ku mu tiva loyi a hi vitanileko hi kungangamela ni ntamu wakwe. Joh. 17:3; 2 Tim. 1:9; 1 Ped. 2:9
4Yena i lo hi nyika a zitsumbiso zakwe za malongo lezi zi nga za hombe nguvu, lezaku ha zona mu fela kuva zihlengeli za xiyimo xa wuNungungulu, na mu ponile kuboleni loku ku nga kona laha misaveni hi kota ya kumbilukela. 2 Kor. 3:18; 7:1; 1 Joh. 3:2
5Hi kota ya lezi ngha mu pinyamela a kuva ni wunene kukholweni ka nwina; ni wuneneni ga nwina muva ni kutiva;
6ni kutiveni ka nwina muva ni kutikhoma; ni kutikhomeni ka nwina muva ni kutimisela; ni kutimiseleni ka nwina muva ni xichawo xa wuNungungulu;
7ni kuchaveni ka nwina Nungungulu ngha mu ranza vamakabye, ni kuranzeni ka nwina vamakabye muva ni liranzo. Gal. 6:10
8Hakuva loku lezi zilo zi hi kona ka nwina zi tala, zi ta mu maha mu nga lolohi, hambu ku vumala mihanzu a kutiveni ka Hosi ya hina Jesu Kristu. Joh. 15:2; Tit. 3:14
9Hakuva loyi a vumalako lezi zilo xikhumu; i wona ntsena lezi zi nga kusuhani, a rivala lezaku i wa hlazilwe zionhweni zakwe za kale. Maheb. 9:14
10Hikwalaho, vamakabye, pinyameleni nguvu hi ku tiyisa a kuvitanwa ni kuhlawulwa ka nwina; hakuva loku mu maha lezo, cima mu nga ta khunguvanyeka; 1 Joh. 3:19
11hakuva hi ku maha lezo mu ta nyikiwa a ku enghena mufunweni wu nga mbheliko wa Hosi ya hina ni Muhanyisi Jesu Kristu.
12Hikwalaho nzi ta simamisa nzi mu alakanyisa hi timhaka leti, hambu lezi mu ti tivako, mu sinako mu yimisilwe zineneni lezi mu nga nazo. Fil. 3:1; 1 Ped. 5:12
13Mina nza alakanya lezaku zi lulamile, loku nza ha hi ka lowu xaxa, a kuva nzi mu vuxa hi ku mu alakanyisa. 2 Kor. 5:1, 4
14Hakuva nza zi tiya lezaku a xaxa wa mina wu ta susiwa hi xitshuketi, kota lezi a Hosi ya hina Jesu Kristu a nga nzi tivisa. Joh. 21:18, 19; 2 Tim. 4:6
15Ina, nzi ta pinyama ha zona kasi ni ka xihi xikhati anzhako ka kuva nzi file mu ta zi kota ku alakanya timhaka leti.
Lava va nga zi wona hi mahlo.
16Hakuva laha hi nga mu tivisa hi ntamu wa Hosi ya hina Jesu Kristu ni kuwuya kakwe, a hi lanzelangi a tikaringani ta wutlhari, kanilezi hi wonile a wukulu gakwe hi mahlo ya hina wutsumbu. Mar. 9:2; Joh. 1:14; 2 Kor. 4:2
17Hakuva yena i lo amukela wudumo ni wudzunzo hi le ka Nungungulu Dadani, a siku legi ku ngata kakwe a gezu gi nga huma kungangameleni, ka hombe, giku: Loyi hi Nʼwana wa mina a ranzekako, nzi xalele khwatsi ha yena. Mat. 3:17; Mar. 9:7
18A gezu lego hi lo gizwa hina na gita hi le tilweni, laha hi nga wa hi naye xitsungeni xo basa.
19Makunu ku tiyisilwe nguvu, ka hina a mhaka ya kuprofeta; mu maha khwatsi loku mu yi khatalela, khwatsi hi kandiya leyi yi woningako wutshanwini ga munyama gi kala gica, ni mahlahla a huma timbilwini ta nwina. Tis. 119:105; Joh. 5:35; Kuv. 22:18
20A kuranga tivani lezi, lezaku a ku na kuprofeta lomu mitsalweni loku munhu a nga ku tlhamuseleko hi ntamu wakwe. Rom. 12:6
21Hakuva cima a ku na kuprofeta loku ku tileko hi kuranza ka munhu; kanilezi vanhu na va susumetilwe hi Moya wa ku Basa va lo kanela lezi zi nyikilweko vona hi Nungungulu. Lu. 1:70; Miti. 1:18; 2 Tim. 3:18
Currently Selected:
2 Pedro 1: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
