2 Johani 1
1
A ku famba hi liranzo.
1A singalakati ga rungula a muzinza loyi a hlawulilweko hi vana vakwe, lava nzi va ranzako zineneni; na ku nga hi mina nzoce, kanilezi ni vontlhe lava va tivako zinene. Joh. 8:32; 1 Joh. 3:18
2Ha va ranza hi kota ya zinene lezi zi tshamileko ka hina, lezi zi ta nga tshama ka hina kala kupinzuka.
3A tipswalo ni wuxinji ni kurula, lezi zi tako hi le ka Nungungulu Dadani, ni ka Jesu Kristu a Nʼwana wa Dadani, zi ta tshama na hina zineneni ni liranzweni.
4Mina nza nengela nguvu hilezi nzi kumileko a vanwani va vana va wena na va kari va famba hi zinene, kota lezi hi nga layiwa hi Dadani. 3 Joh. 3
5Makunu nza ku khongotela, wena muzinza, na ku nga hi ku khwatsi nzi ku tsalela a nayo muswa, kanilezi hi walowu hi nga hi nawo hi le kusanguleni, waku ngha hi ranzana. Joh. 15:12; 1 Joh. 2:7
6A liranzo hi leli, lezaku hi famba hi milayo yakwe. A nayo hi lowu, lezaku mu famba liranzweni, kota lezi mu nga zizwa hi kusanguleni. 1 Joh. 2:5, 24
7Hakuva vakhohlisi vanyingi va humele vaya tikweni, lava va nga vumeliko lezaku Jesu Kristu i tile nyameni. Hi yena mukanganyisi tlhelo Mukaneti wa Kristu; 1 Joh. 4:1-3
8Ti woneleni, lezaku mu nga lahlekelwi hi lezi mu zi tirileko, kanilezi mu amukela a nchachazelo wu teleko. Gal. 3:4
9Kani hi wihi loyi a hambukako, a nga namareli gonzweni ya Kristu, a nga na Nungungulu; kani loyi a namarelako gonzweni i na ni Dadani ni Nʼwana kambe. 1 Joh. 2:23
10Loku ata munwani ka nwina, na a nga nehi a gonzo leyi, mu nga mu amukeli tindlwini ta nwina, hambu ku mu losa; Rom. 16:17
11hakuva loyi a mu losako wa hlengela naye mitirweni yakwe ya kubiha.
12Nza ha hi ni timhaka to tala, kanilezi a nzi ranzi a ku mu tsalela ha tona hi papilo ni tinta; hilezi nza tsumba lezaku nzi tata, ka nwina, hi ta wulawula hi milomu, kasi a kutsaka ka nwina ka mbhelela.
13A vana va makwenu a hlawulilweko va ku rungula.
Currently Selected:
2 Johani 1: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
