1 Va le Tesalonika 4
4
A mahanyela ma xalalisako Nungungulu.
1Tlhatakumbiri, vamakabye, ha mu khongotela ni ku mu luleka ka Hosi Jesu, lezaku kota lezi mu nga gonza ka hina a mahanyela lawa ma xalalisako Nungungulu, simamisani ni ku anza ka wona. Kol. 1:10
2Hakuva ma yi tiva a milayo leyi hi nga mu nyika yona ha Hosi Jesu,
3Hakuva a kuranza ka Nungungulu hi lezaku mu basiswa, ni lezaku mu tsika wubhayi. Efe. 5:17
4Lezaku munwe ni munwani a tiva ku hlayisa a sati wakwe hi kubasiswa ni wudzunzo, Rom. 6:19
5na ku nga hi wuxokori ga kunavela, khwatsi hi vamatiko lava va nga tiviko Nungungulu; Efe. 2:12
6lezaku ku nga hi kona munhu a onhako makabye hi lexi xilo; hakuva Nungungulu hi muphoteli wa zontlhe lezo, kota lezi hi nga mu byela kale hi tiyisa ka nwina. Levi 19:11
7Hakuva Nungungulu a nga hi vitanelangi zivini, kanilezi i hi vitanele kubasisweni. Levi 11:44
8Loyi a alako lezo, a nga ali munhu, kanilezi i ala Nungungulu loyi a mu nyikako Moya wakwe wa ku Basa. Lu. 10:16; 1 Joh. 3:24
9Xungetano ni ku ranza vamakabye a zi laveki lezaku nzi mu tsalela ha kona; hakuva nwina wutsumbu mu gonzisilwe hi Nungungulu a kuva mu ranzana, Jer. 31:34; Joh. 6:45; 13:34; 1 Joh. 2:20
10hakuva hi zona lezi mu zi mahako ka vamakabye vontlhe va nga le Makedonia. Kanilezi ha mu khongotela, vamakabye, lezaku mu anza liranzweni lelo,
11ni lezaku mu pinyamela ku hanya hi kurula, mu tira mitiro ya nwina, ni ku tira hi mandla ya nwina, kota lezi hi nga mu laya,
12lezaku muva ni mahanyela ma faneleko ka lava va nga lehandle, mu nga vumali nchumu.
A kuwuya ka Hosi.
13Vamakabye, a hi zi ranzi lezaku mu kohlwa xungetano ni lava va etlelako; mu nga xaniseki khwatsi hi vanwani lava va nga hiko na kutsumba.
14Hakuva loku hi kholwa lezaku Jesu i lofa a tlhela a vuka, hizalezo ni lava va etleleko, Nungungulu i ta va vuxa ha Jesu, a va wuyisa zinwe naye. 1 Kor. 15:13
15Hakuva ha mu tivisa lezi hi byelilweko hi Hosi, lezaku hina lava hi hanyako, lava ha ha seleko kuwuyeni ka Hosi, hi nga ta va rangela ha nchumu lava va etleleko. 1 Kor. 15:51
16Hakuva yona Hosi wutsumbu yi ta relela hi le tilweni hi huwa yi leletelako, ku zwala a gezu ga ngelosi ya hombe ni mpunzu wa Nungungulu; lava va fileko ka Kristu va ta vuka kuranga. Mat. 24:30; Miti. 1:11; 2 Tes. 1:7
17Zonake hina lava ha ha hanyako, lava hi seleko, hi ta amukelwa zinwe navo marefini, a ku ya khinga Hosi le ndengelengeni; lezo hi taku tsonzoma zinwe ni Hosi. Kuv. 11:12; Joh. 12:26; 14:3; 17:24; Miti. 1:9
18Hikwalaho tangalisanani hi leti timhaka.
Currently Selected:
1 Va le Tesalonika 4: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
