1 Tihosi 4
4
Solomoni a fumela tiko gakwe.
1Hosi Solomoni i lo fumela vontlhe va ka Israeli.
2A tinduna takwe ti wa hi leti: Azaria nʼwana Zadoke, mupristi;
3Elihore na Ahija, a vana va Xixa, va wa hi vatsali; Jehoxafate nʼwana Ahiluda, mukhumbuxeti;
4na Benaia nʼwana Jehoiada, i wa hi nduna ya tiyimpi. Zadoke na Abiatari va wa hi vapristi;
5Azaria nʼwana Natani i wa hi wahombe wa tinduna; Zabuda nʼwana Natani i wa hi mupristi tlhelo munghana wa hosi;
6Ahixara i wa hi muhlayisi wa yindlu ya hosi, na Adoniramu nʼwana Abda i wa hi nduna ya xibhalu.
7Solomoni i wa hi ni 12 wa tinduna leti ti yimisilweko hehla ka vontlhe va ka Israeli; va wa hlengisa a kuga ka hosi ni kuga ka ngango wakwe; a munwe ni munwani i wa neha a zakuga za hweti yinwe, lembe ni lembe.
8A mavito yabye hi lawa: Bene-hura, le xitsungeni xa ka Efraime;
9Bene-dekera, le Makaza, ni le Xaalbima, ni le Bete-xemexe, ni Elonbete-hanani.
10Bene-heseda, le Arubbote, i wa hi ni Soko ni gontlhe tiko ga ka Hefera.
11Bene-abinadaba, le mitsurini yontlhe ya le Dora. A sati wakwe ku wa hi Tafata nʼwana Solomoni.
12Baana nʼwana Ahiluda i wa yimisilwe le Taanaka ni le Megiddo ni gontlhe tiko ga ka Bete-xani gi nga kusuhi ni le Zaretani, hi lahasi ka Jezreeli, kusukela le Bete-xani kala le Abele-mehola kala kuya le tlhatukweni wa Jokmeame.
13Bene-gebera, le Ramote-Gileade, yi nga miti ya Jaira nʼwana Manasa, leyi yi nga wa hi le Gileade, ni tiko ga le Argoba, gi nga wa hi le Baxani. Yi wa hi 60 wa miti ya hombe, yi nga wa hi ni makhokhola ni timhanze ni zikwinyaro za suku.
14Ahinadaba nʼwana Iddo i wa yimisilwe le Mahanaime.
15Ahimaza i wa hi le tikweni ga le Naftali, yenawu kambe i wa tekile Basemati nʼwana Solomoni.
16Baana nʼwana Huxai i wa hi le tikweni ga ka Axeri ni le Bealote.
17Jehoxafate nʼwana Parua i wa hi le tikweni ga ka Isakari.
18Ximei nʼwana Ela i wa hi le tikweni ga ka Benjamini.
19Gebera nʼwana Uri i wa hi le tikweni ga le Gileade, le tikweni ga Sihoni a hosi ya maAmori, ni tiko ga Ogi a hosi ya le Baxani. Ku wa hi ni nduna yinwe ntsena ka lego tiko.
20A vaJuda ni va ka Israeli va wa tele nguvu khwatsi i seke wa fungu wa bimbi. Va loga, vanwa, va tsaka. Gen. 13:16; 22:17
21Solomoni i lo fumela wontihe matiko kusukela Congweni wa Eufrate kala le tikweni ga vaFilistia ni le mbhinganweni wa le Gipite; va wa luva ka Solomoni ni ku mu tirela wontihe masiku ya kuhanya kakwe.
22A kuga ka Solomoni ka siku ginwe ni ginwani ku wa hi 30 wa tipimo ta mapa yo saseka, ni 60 wa tipimo ta tinzhoho,
23ni 10 wa tikavi to nona, ni 20 wa tihomu ti tako hi le ka varisi, hi 100 wa tiyivu, ahandle ka tihlangu, ni timhuti, ni timbavala, ni tihuku ti nonileko.
24Hakuva i wa fumele a tiko gontlhe ga leno Congweni, kusukela le Tifsa kala le Gaza, a tihosi leti ti wa hi leno tlhatuko wa congo, ti wa tshamile hi kurula wontihe matlhelo.
25Kusukela le Dani kala le Berexeba a vaJuda ni va ka Israeli va wa rulile, va nga chavi nchumu, munwe ni munwani a hi lahasi ka xivina xakwe ni lahasi ka kuwu wakwe wontihe masiku ya Solomoni. Levi 26:5; Vala. 20:1; Mika 4:4
26Solomoni i wa hi ni 40,000 wa mipatswa ya mahaxi ya tikareta takwe, 12,000 wa vakhileli va mahaxi.
27A tinduna leti ti wa hlenga a kuga ka hosi Solomoni, ni kuga ka vontlhe lava va hlengelako naye mezeni yakwe; munwe ni munwani i wa neha hi hweti yakwe na va mahela aku kasi kuga ku nga vumaleki.
28Va lo neha a sevada ni byanyi gi womileko ga mahaxi, munwe ni munwani a neha hi nayo wa kona, kasi gi ta kuva kuga ka mahaxi ya tikareta ni lawa ma khilelwako, lomu kontlhe ku nga wa hi ni hosi. A wutlhari ga Solomoni.
29Nungungulu i lo nyika Solomoni a Wutlhari ni kupima ka hombe nguvu, ni wutivi ginyingi go fanana ni seke ga bimbi.
30A wutlhari ga Solomoni gi lo hunza ga vontlhe va Mutsuwuka-gambo, ni Wutlhari gontlhe ga va le Gipite.
31I wa tlharihile ku hunza vontlhe vanhu; i wa hunza na Etana a muEzra, na Hemani, na Kalkola, na Darda, a vana va Mahola. Ni wudumo gakwe gi wa tibyiwa ka wontihe matiko.
32A mavingu yakwe ma wa hi 3,000, a tisimu takwe ti wa hi 1,005 wa tona.
33I lo wulawula hi tisinya kusukela ka sedare lowu wu nga hehla ka Lebanoni, kala ka hisope lowu wu hlukako lomu khurisini. I lo Wulawula kambe hi zifuyo, ni tinyanyani, ni zikokakoka, ni zidluwani.
34A vanhu va wata hi le matikweni wontihe a ku tazwa wutlhari ga Solomoni, na va rumiwa hi tihosi tontlhe ta misava, leti ti zwileko hi wutlhari gakwe.
Currently Selected:
1 Tihosi 4: TSC72
Highlight
Copy
Compare
Share
Want to have your highlights saved across all your devices? Sign up or sign in
Tshwa Bible © Bible Society in Mozambique, 1972, 2007.
