Zakariya 13
13
Nambo nya guhandze sighoho
1Khu litshigu lolo, gu na podwa nambo nyumbani ga Dhavhidhe ni ga vathu va vbanyago Jerusalema, gasi gu handza sighoho ni wuvivbi.
Guvbedzwa ga vanungungulu ni vaprofeti nya malipha
2Khu litshigu lolo, a ngu ganela Pfhumu Nungungulu nya Tshivba Yatshavbo, khuye nyi na fuvisa tigoni ga Israyeli malina ya vanungungulu nya malipha, gima va si alakanywi gambe, nyi na tutumisa gambe tigoni vaprofeti nya malipha ni liphuvbo nya gunyenyeze. 3Ni wevbini muthu a na yedzago gu gira wuprofeti, babe ni mayi waye va nga mu velegago, va na mu embela, khavo: “Khu na nga vbanya, kholu u ganede malipha khu lina la Pfhumu Nungungulu; avbo a na phelago gu profeta, babe ni mayi waye va nga mu velegago, va na mu paya afa nari vbakari nya guprofete. 4Khu litshigu lolo, vaprofeti va na thedwa dzitshoni, moyo ni moyo nya avo khu giwoniso nya wuprofeti waye. Avo gima kha va na dzi kapega gambe khu gifenengelo nya mawoya, va fela gu pfhadza vathu. 5Aholu va na ganela, khavo: Eni khandri nyi muprofeti! Nyi mulimi! Nya gu vbanya khu wulimi gukhugela wudzahani wangu. 6Gasi va gu mu wudzisa, khavo: “Ahati dzimbanga dzedzi u gu nadzo mandzani khya ginani?” Uye a na hakha, khuye: “Silondra nyi ngaya bayiswago ndrangani ga dzipari dzangu.”
7 # Wona gambe: Mat 26:31; Mark 14:27. Uwe litshari, khuga
u wugela Muhavisi wangu,
ni gu wugela mwama a gu mubangaladzi wangu,
a ngu ganela Pfhumu Nungungulu nya Tshivba Yatshavbo.
Bayisa Muhavisi dzi fela gu phalalega dzinvuta,
Eni nyi na thawuludza libogo nyi phasedzela avo nya vadugwane.
8Tigoni momu gwatshavbo,
a ngu ganela Pfhumu Nungungulu;
gu na girega gu, sipandre sivili nya vathu va tigoni
si nafa si mbemba, gu tshala basi gipandre nya wuraru gi na vbulugago!
9Gipandre gegi nya wuraru, nyi na gi vbindrisa khu niloni,
nyi na va agisa kha nga idzo yi agiswago khidzo parata,
nyi na mu linga kha nga idzo yi lingwago khidzo ndralama.
A na rana lina langu, Eni nyi na mu hakha;
kheni: Ava vathu vangu, avo va na hakha, khavo:
Pfhumu khuye Nungungulu wangu.
Currently Selected:
Zakariya 13: BGE2014
Highlight
Share
Compare
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.
