Malakiya 3
3
1 # Wona gambe: Mat 11:10; Mark 1:2; Luk 1:76; 7:27. Pfhumu Nungungulu nya Tshivba Yatshavbo a ngu ganela, khuye: “Wonani nyi ngu rumela ngilozi yangu gasi guta dongisela ndzila mbeli gwangu; Pfhumu mu mu dilelago a na bela khu guvbiredza nyumbani gwaye, ni ngilozi nya gidzumeledzwano hi yi virelago gu reswa, yi ngu vboha.”
2 # Wona gambe: Jol 2:11; Gutu 6:17. Khu mani a na li tiyelago litshigu nya gute gwaye? Khu mani a na gu ema mbeli gwaye a tiya, a gu dzi wonegisa? Kholu uye a nata nga nilo nya tengele wa mupfhuli, ni sabawu ya muhandzi.
3A na khala vbavbatshi a lodza ni gu huta parata; a na agisa sanana sa Levhi a va huta gu fanana ni ndralama ni parata. Khavbo avbo, va na resa ga Pfhumu Nungungulu miningelo nya gululame. 4Khavbo miningelo ya Judha ni ya Jerusalema yi na salalegisago Pfhumu Nungungulu, kha nga matshiguni ya gale, kha nga myaga nya guhegule. 5Nyi nata wonega vbakari gwanu gasi guta lamula, nyi na khala fakazi yile nya guwone gwadi ni gu wugela valoyi, sibhayi, ni vale va sambanyago malipha; nyi tsayisa ni vale va kanganyisago sithumi, va tshanisa dzinoni, sigulungu, ni valuveli, vale va si nyi ningigo githawo, a ngu ganela Pfhumu Nungungulu nya Tshivba Yatshavbo.
Wuyani gwangu
6Kholu eni Pfhumu Nungungulu, kha nyi vbindrugedzi mawonelo; khiso si nga gira gu enu sanana sa Jakobe mu si mbembiswi.
7Gukhugela matshiguni ya vakokwe vanu, mu hambanide ni sileletelo sangu mu si si landrisi; olu wuyani gwangu, eni nyi na wuya gwanu, a ngu ganela Pfhumu Nungungulu nya Tshivba Yatshavbo; aholu enu mu nga gukhenu: “Hi na wuya mawuyelo muni?”
8“Ina muthu a ngu dzi kodza gu bela Nungungulu, gani? Gasi enu mwa gu nyi bela mu bwelo khavbo mu wudzisa, khenu: Ginani hi nga gu belago? Mu ngu nyi bela umo nya gipandre nya likhumi ni avbo nya miningelo mu yelago gu nyi luva khiyo! 9Mu emedwe khu givalo, kholu mu nyi bede enu ni vathu vatshavbo va tigoni momu. 10#Wona gambe: Levh 27:30; Mit 18:21-24; Dhet 12:6; 14:22-29; Neh 13:12. Resani miningelo yatshavbo nya gipandre nya likhumi avba nya silo nya dzithomba dzanu, muta thela kwamani nya Nyumba ya Nungungulu gasi gu manega guhodza Nyumbani gwangu, khu hwane nya isoso nyi lingeni, mu na wonani mwendro kha nyi na mi tulelani sihogo sa ndzadzini, mwendro kha nyi na mi vbaladzelani talo nya makategwa;” a ngu ganela Pfhumu Nungungulu nya Tshivba Yatshavbo. 11“Khu gufela enu, nyi na fuvisa humbi nya dzimbera gasi yi si ghoheteli mihandro nya mafu; misimbo yanu nya miuvha kha yi na nga khala nyamba ninga mihandro marembweni gwanu,” a ngu ganela Pfhumu Nungungulu nya Tshivba Yatshavbo. 12“Mayigo yatshavbo ma na ganela khayo mu kategide, kholu enu mu na bani muri litigo li nengedzisago,” a ngu ganela Pfhumu Nungungulu nya Tshivba Yatshavbo.
13“Enu mu ganede magana nya guthise avbo gwangu,” a ngu ganela Pfhumu Nungungulu; aholu enu mu na ganela, khenu: Gasi ginani hi ganedego nya gu Gu wugele?
14“Enu mu na ganela, khenu: Gu na hi phasa ginani gu thumela Nungungulu? Giphaso muni hi gi manago khu gu landrisa milayo yaye, ni gu ambala silendra mbeli ga Pfhumu Nungungulu nya Tshivba Yatshavbo? 15Olu hi na khethu va kategide va nya matshandza, kholu ambari va gu gira guvivba, silo sawe sa gu va dugela gwadi; va gu linga Nungungulu, va gu khala nyamba hakha tsayiso.” 16Va di ganela khu gyawe kharati vale va thavago Pfhumu Nungungulu. Aholu Pfhumu Nungungulu a di riya ndzeve a yingisa. Mbeli gwaye gu lovidwe libhuku nya sialakanyiso, sa vale va thavago Pfhumu Nungungulu, va tumbago lina laye.
17 Pfhumu Nungungulu nya Tshivba Yatshavbo wari, khuye: “Avo va na lumba eni basi, litshigu nyi na wugago nyi thuma thumo wangu. Nyi na va pwela wusiwana kha nga babe a pwelago wusiwana gyanana gyaye gi mu thumelago.” 18Khavbo mu na wonago nyaluphye guhambana gu guromo ga vathu nya gululame ni vale nya guvivbedwe khu monyo, ga vathu va khozelago Nungungulu ni avo va gumba mu khozela.
Currently Selected:
Malakiya 3: BGE2014
Highlight
Share
Copy
Want to have your highlights saved across all your devices? Sign up or sign in
A Bíblia em Gitonga © Bible Society in Mozambique, 2014.