Dzindzimo 132
132
Gitumbiso gya gale
Ndzimo ya avo va gwelago nombelotunu
1Uwe Pfhumu Nungungulu, u nga divali Dhavhidhe,
mugulingwani gwaye gwatshavbo;
2kha nga edzi a nga sambanyago khidzo ga Pfhumu Nungungulu
ni gitumbiso a giridego ga Nyadzitshivbe wa Jakobe, a ganela, khuye:
3“Kha nyi na bela nyumbani gwangu nyi vbanyago umo,
ambari gu lita vbadawutunu nyi hefemulago avbo,
4kha nyi na sega maho yangu khu ligovbe,
ni gu wotela kha nyi na wotela
5nyamba hegula khu gu vbwetela wulanga Pfhumu Nungungulu,
nyumba nya guvbanyele umo Nyadzitshivbe wa Jakobe.”
6 # Wona gambe: 1 Sam 7:1-2; 1 Dzik 1:4. Hi pwide gupwani ngasa nya gidzumeledzwano yomo Efrata,
aholu hi diya yi manela thembweni ga Jahari.
7Hi na bele nyumbani gwaye nya guage;
hi na khidzime mbeli nya gigandredzelo nya migondro yaye.
8Delu, Pfhumu Nungungulu, ni Ngasa nya Gidzumeledzwano,
a gu giwonegiso nya tshivba yago,
u ta bela nyumbani gwago nya guhefemule umo.
9Gikhati gyatshavbo vaphasi vago nya mhamba va na gire esi si lulamidego,
avo va khodwago gwago va na kulungele khu gutsaka.
10 # Wona gambe: 2 Dzik 6:41-42. Khu kotani nya lihaladzo ga githumi gyago Dhavhidhe,
u nga pfhurareli mufumeli u mu hathidego.
11 # Wona gambe: 2 Sam 7:12-16; 1 Dzik 17:11-14; Dzind 89:3-4; Mith 2:30. Pfhumu Nungungulu, giride gitumbiso ga Dhavhidhe,
Kha na nga vbindrugedza, a bwelela hwane, a di khuwe:
“Moyo nya gyanana gyago nyi na mu gira mufumeli,
nyi na mu khadzisa vbagikhalotunu nya wufumu wago.
12Sanana sago sa gu vegisa pwanano wangu
ni sileletelo nyi va hevbudzidego,
sanana sawe niso si na khala vbagikhalotunu nya wufumu wago kala gupindruga.”
13Kholu Pfhumu Nungungulu hathide gigomo gya Siyoni,
a gi gode gu khala wulanga waye nya gu hefemulele avbo.
14A di khuye: “Owu wu na khala wulanga wangu kala gupindruga,
nyi na vbaha avba, kholu owu wulanga nyi wu tsakede.
15Ndranga yeyi nyi na yi kategisa yi fuma guhodza nya gungi;
nyi na hodzisa sisiwana saye si khura.
16Nyi na ninga vaphasi vago nya mhamba tshivba nya gu lamule vambe,
va na kulungela khu gutsaka vale va khodwago gwaye.
17 # Wona gambe: 1 Dzipf 11:36. Nyi na wusa vbale tshivba nya wufumu wa Dhavhidhe,
nyi nyi dongisela wenengedzo wa mufumeli nyi mu hathidego.
18Nyi na thela dzitshoni valala vaye;
aholu uye a na fuma khu wuzundzo ni wudhumo.”
Currently Selected:
Dzindzimo 132: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
