Mavingu 29
29
1Uye a kanyisago mwendro gumba dzumela gululekwa,
a na mbembiswa na si pimi gilo,
a na hamuga ni uye nya gu mu wuse.
2Va nya gululama va gu fumela litigo,
vathu va gu tsaka,
aholu, va gufuma va nya guvivbedwa khu myonyo,
vathu va gu lila.
3Muthu a golago guti a gu nengedzisa babe waye,
aholu uye a golago sibhayi, a gu mwaladzela thomba yaye.
4Mufumeli a gu landrisa milayo nya yadi, a na tiyisa litigo,
aholu a gu gola ngudzu dzitsapawu, a na li mbembisa.
5Uye a sengedzelago muakelane waye,
a gu mu dembela naphwi migondroni gwaye.
6Muthu nya guvivbedwe khu monyo,
a gu modwa khu naphwi a wu riyidego,
aholu wule a lulamidego, a gu embelela na tsakide.
7Muthu nya gululame a ngu yiti fanelo nya gisiwana,
aholu uye nya guvivbedwe khu monyo kha vbweti
ni gu siti.
8Vathu nya dzihanyi va gu wusa pfilupfilu ni mayunga
dhoropani,
vathu nya guti va gu rudzisa myonyo.
9Muthu nya mapimo a gu ketsarana ni gipumbu,
ambari a gu goroga mwendro guhegela, gima kha gu
manegi gurula.
10Avo va golago gu songa vathu,
va gu vengana ni muthu nya gululame,
aholu avo valulamidego, va gu va vhikela.
11Muthu nya gipumbu a gu yeyedza likhulo laye latshavbo,
aholu uye a gu ni guti, a gu dzi phara a li siha.
12Mufumeli a golago gu yingisa malipha,
dzindruna dzaye dzatshavbo,
dzi na khala vathu nya guvivbedwe khu monyo.
13Gisiwana ni mutshanisi, va ngu tshangana
gumogo;
aholu Pfhumu Nungungulu khuye a wenengedzago
maho yawe vatshavbo.
14Mufumeli a lamulago sisiwana khu nongameto,
wufumu waye wu na tiyiswa wu simama kala
gupindruga.
15Lipitso ni gululeka si ngu ninga mapimo,
aholu gyanana gi dandrago gi si laywi,
gya gu thela dzitshoni mayi waye.
16Gikhati va nya guvivbedwa khu myonyo va
engedzelanago tigoni,
sighoho sa gu engedzelana khu tshivba
ni tshivba;
aholu va nya gululama va na wona gumbembiswa
gwawe.
17Luleka gyanana gyago, gi na gu ninga gurula,
gi na nengedzisa monyo wago.
18Avbo gu gu mwalo gutuledwa ga Nungungulu,
gu mwalo Nayo,
aholu kategide uye a sayisago Nayo.
19Gulaya githumi khu magana basi, kha si phasi gilo,
kholu, ambari gya gu ma yingisa, kha gi ma vegi hungoni.
20U ngu mu wona muthu nya guvbiredzele gu ganela, gani?
I tshukwana muthu nya gipumbu, guvbindra uyoyo.
21Uye a henago githumi gyaye gukhugela wudzahani waye,
khu guhegisa gi na mu lomba gu khala gyanana gyaye.
22Muthu nya gihafane a gu wusa mayunga,
uye nya dzihanyi, a gu thela pfilupfilu.
23Muthu nya matshandza a na vbwasamiswa,
aholu uye nya gu dzi nogise a na khusedzwa.
24Wule a girago wupari ni mbafa a gu venga womi waye,
kholu a ngupwa sihoso, aholu kha si pwadzi.
25Guthava muthu gu dzi dembela naphwi,
aholu uye thavago Pfhumu Nungungulu,
a na mana guvbanya.
26Vathu nya vangi va gu vbweta gukhavo va godwe
khu vafumeli,
aholu Pfhumu Nungungulu khuye basi a lamulago
vathu vatshavbo.
27Muthu nya gululame a ngu vengana ni muthu nya
guvivbedwe khu monyo,
ni uye nuye nya guvivbedwe khu monyo, a ngu vengana ni
uye nya gululame.
Currently Selected:
Mavingu 29: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
Mavingu 29
29
1Uye a kanyisago mwendro gumba dzumela gululekwa,
a na mbembiswa na si pimi gilo,
a na hamuga ni uye nya gu mu wuse.
2Va nya gululama va gu fumela litigo,
vathu va gu tsaka,
aholu, va gufuma va nya guvivbedwa khu myonyo,
vathu va gu lila.
3Muthu a golago guti a gu nengedzisa babe waye,
aholu uye a golago sibhayi, a gu mwaladzela thomba yaye.
4Mufumeli a gu landrisa milayo nya yadi, a na tiyisa litigo,
aholu a gu gola ngudzu dzitsapawu, a na li mbembisa.
5Uye a sengedzelago muakelane waye,
a gu mu dembela naphwi migondroni gwaye.
6Muthu nya guvivbedwe khu monyo,
a gu modwa khu naphwi a wu riyidego,
aholu wule a lulamidego, a gu embelela na tsakide.
7Muthu nya gululame a ngu yiti fanelo nya gisiwana,
aholu uye nya guvivbedwe khu monyo kha vbweti
ni gu siti.
8Vathu nya dzihanyi va gu wusa pfilupfilu ni mayunga
dhoropani,
vathu nya guti va gu rudzisa myonyo.
9Muthu nya mapimo a gu ketsarana ni gipumbu,
ambari a gu goroga mwendro guhegela, gima kha gu
manegi gurula.
10Avo va golago gu songa vathu,
va gu vengana ni muthu nya gululame,
aholu avo valulamidego, va gu va vhikela.
11Muthu nya gipumbu a gu yeyedza likhulo laye latshavbo,
aholu uye a gu ni guti, a gu dzi phara a li siha.
12Mufumeli a golago gu yingisa malipha,
dzindruna dzaye dzatshavbo,
dzi na khala vathu nya guvivbedwe khu monyo.
13Gisiwana ni mutshanisi, va ngu tshangana
gumogo;
aholu Pfhumu Nungungulu khuye a wenengedzago
maho yawe vatshavbo.
14Mufumeli a lamulago sisiwana khu nongameto,
wufumu waye wu na tiyiswa wu simama kala
gupindruga.
15Lipitso ni gululeka si ngu ninga mapimo,
aholu gyanana gi dandrago gi si laywi,
gya gu thela dzitshoni mayi waye.
16Gikhati va nya guvivbedwa khu myonyo va
engedzelanago tigoni,
sighoho sa gu engedzelana khu tshivba
ni tshivba;
aholu va nya gululama va na wona gumbembiswa
gwawe.
17Luleka gyanana gyago, gi na gu ninga gurula,
gi na nengedzisa monyo wago.
18Avbo gu gu mwalo gutuledwa ga Nungungulu,
gu mwalo Nayo,
aholu kategide uye a sayisago Nayo.
19Gulaya githumi khu magana basi, kha si phasi gilo,
kholu, ambari gya gu ma yingisa, kha gi ma vegi hungoni.
20U ngu mu wona muthu nya guvbiredzele gu ganela, gani?
I tshukwana muthu nya gipumbu, guvbindra uyoyo.
21Uye a henago githumi gyaye gukhugela wudzahani waye,
khu guhegisa gi na mu lomba gu khala gyanana gyaye.
22Muthu nya gihafane a gu wusa mayunga,
uye nya dzihanyi, a gu thela pfilupfilu.
23Muthu nya matshandza a na vbwasamiswa,
aholu uye nya gu dzi nogise a na khusedzwa.
24Wule a girago wupari ni mbafa a gu venga womi waye,
kholu a ngupwa sihoso, aholu kha si pwadzi.
25Guthava muthu gu dzi dembela naphwi,
aholu uye thavago Pfhumu Nungungulu,
a na mana guvbanya.
26Vathu nya vangi va gu vbweta gukhavo va godwe
khu vafumeli,
aholu Pfhumu Nungungulu khuye basi a lamulago
vathu vatshavbo.
27Muthu nya gululame a ngu vengana ni muthu nya
guvivbedwe khu monyo,
ni uye nuye nya guvivbedwe khu monyo, a ngu vengana ni
uye nya gululame.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.