Levhi 23
23
MIBUZO NYA YIKHONGOLO NYA WUKHODWA
Sabhadho
(Ekisodha 20:8-11; 31:12-17; Mitengo 15:32-36; Dhewuteronome 5:12-15)
1 Pfhumu Nungungulu a di ganela ga Mosi a mu embela, khuye: 2“Ganela ga sanana sa Israyeli u si embela, khuwe: Mibuzo ya Pfhumu Nungungulu eyi mu yelago gu ramba tshangano nya guage, kheyi: 3#Wona gambe: Ezek 20:8-10; 23:12; 31:15; 34:21; 35:2; Dhet 5:12-14. Mu na thuma livbandre na limwedo matshigu, aholu eli nya livbandre na mavili, litshigu nya Sabhadho#23:3 Sabhadho: Lina nya gupwani Sabhadho la gu tshamusela gupwani “guhefemula.” A diri litshigu nya buzo nya semana ni semana. Litshigu leli li vegidwe gasi gu mana gu hefemudza vathu mithumoni, ni gu va ninga gikhati nya gu va bela mitshanganoni nya milombelo, va ya rungudza ni gu bonga Pfhumu Nungungulu, Muvangi wawe. Muthu kha giredwa guthuma basi, aholu, kha nga mufananiso wa Nungungulu, a na ni fanelo nya guhefemule ni gurungudza Pfhumu, Muvangi nya litigo. nya guhefemule, nya tshangano nya guage. Mu nga thumi thumo khu litshigu lolo. Litshigu nya Sabhadho nya gurungudze Pfhumu Nungungulu, malangani gwatshavbo mu vbanyago umo.
Phasika
(Ekisodha 23:14-15; 34:18; Mitengo 28:16-25; Dhewuteronome 12:1-28)
4Eyi khu mibuzo ya Pfhumu Nungungulu, mitshangano nya guage mu na gu yi rambago khu gikhati gyakone. 5Khu litshigu nya likhumi na mana nya ngima nya guhegule, kala gupfolani nya lidambo, Phasika#23:5 Phasika: Guhegulani a diri buzo wa vahavisi ni valimi. Vahavisi va di yi rana khavo Phasika nya nvutana, gasi valimi va di khavo Phasika nya sibaba nyambana mela. ya Pfhumu Nungungulu. 6Khu litshigu nya likhumi na livbandre nya ngima wa wumowo, mu na phela Buzo nya Sibaba nyambana Mela mu rungudza Pfhumu Nungungulu; gipimo nya livbandre na mavili matshigu na mu gu hodza sibaba nyamba thedwa mela. 7Khu litshigu nya guhegule, mu na gira tshangano nya guage, mu nga thumi thumo nya gulemele. 8#Wona gambe: Eks 12:14-20; Mit 28:16-25. Aholu, umo nya livbandre na mavili matshigu yoyo, mu na ningela phaso nya guvbiswe ga Pfhumu Nungungulu. Khu litshigu nya livbandre na mavili mu na gira tshangano nya guage, mu nga thumi thumo nya gulemele.
Buzo nya gulume mihandro nya guhegule
(Ekisodha 23:16; 34:22-26; Dhewuteronome 26:1-11)
9 Pfhumu Nungungulu a di embela kharati Mosi, khuye: 10“Ganela ga sanana sa Israyeli u si embela, khuwe: Avbo mu na belago tigoni nyi mi ningago, gikhati mu vbwerago dzimbewu dzanu, edzi nya guphele,#23:10 Buzo nya gulume dzimbewu, i buzo nya valimi, va di ningela ga Pfhumu Nungungulu mihandro nya guphele ya marembweni gwawe. mu na dzega gitundru mu yisa ga muphasi nya mhamba; 11uye a na gira nayo nya bikelo a yi ndziwitela mbeli ga Pfhumu Nungungulu, gasi mu hakhwe gwadi; bikelo yoyu wu na girwa khu litshigu li landrelago eli nya Sabhadho. 12Litshigo la limwedo Muphasi nya mhamba a na ndziwitelago gitundru, mu na bikela ginvutana nyamba hasa, nya mwaga moyo, mu gira phaso nya guvbiswe ga Pfhumu Nungungulu; 13gumogo ni ningelo nya sipandre sivili nya likhumi nya efa nya wuguvbi nya gudadatwe wu sugidwego khu mafura, gasi gu khala ningelo nya guvbiswe nya gunungele gwadi wu salalegisago Pfhumu Nungungulu; ningelo nya wadwa nya gupime gipandre nya hini#23:13 Hini: Pimo va nga bani va gu pima khuwo silo nya mati. nya vbinyu. 14Mu nga hodzi sibaba mwendro sivbila nya guvawudwe, mwendro esi si si gu vidzwigo, kala gu vboha litshigu lolo mu na gu vbelegedzago khilo miningelo ga Nungungulu wanu; oyu nayo nya gupindruge ga situgulwana sanu ni wevbini wulanga mu na vbanyago umo.”
Buzo nya Pentekosta
(Ekisodha 34:26; Mitengo 28:26-31; Dhewuteronome 16:9-12)
15“Hwane nya ugo, mu na saya livbandre na dzimbili dzisemana nya gutale, gukhugela litshigu li handzamedzago Sabhadho yile mu resago khiyo gitundru nya mihandro nya gundziwitedwe; mu vbedza livbandre dzimbili dzisemana mu gu gira isoso. 16Mu na saya livbandre magumi matshigu#23:16 Pentekosta i Buzo nya wukhongolo wu ranwago gambe pwani i Buzo nya Dzisemana. W di gu girwa livbandre magumi matshigu hwane nya gu bani wu giridwe Buzo nya gulume dzimbewu. Khu Buzo nya pentekosta Vajudha va di alakanya gambe litshigu va nga ningwago nayo wa Nungungulu khu Mosi, livbandre na dzimbili dzisemana hwane nya gu bani va dugide khu tigoni ga Egipito (wona Eks 23:14-17). kala gu vboha litshigu li handzamedzago Sabhadho nya livbandre na dzimbili, mu ningela gambe ga Pfhumu Nungungulu yimbe miningelo nya dzimbewu nya dziphya. 17Mu na resani khumo mu vbanyago umo, sibaba sivili nya gugirwe khu sipimo sivili nya gipandre nya efa nya wuguvbi nya gudadatwe, nya guphudwe ni mela, muta gira nayo nya bikelo khu ningelo nya gundziwitedwe; khiyo eyi mihandro nya guphele yi lumbago Pfhumu Nungungulu. 18Mu na ningela sibaba, mu pata gumogo ni livbandre na sivili sinvutana nya mwaga moyo, nyamba solega mwendro guhasa, ni gimombyana ni dzihamba dzimbili nya phaso nya guvbiswe, gumogo ni miningelo nya guhodza ni mawadwa yakone; mu gira phaso nya guvbiswe nya gunungele gwadi wu salalegisago Pfhumu Nungungulu. 19Mu na ningela mabhongwe nya phaso nya guhandze sighoho, ni sinvutana sivili nya mwaga moyo, mu gira ningelo nya pwanano. 20Muphasi nya mhamba a na si ndziwitela gumogo ni sibaba nya dzimbewu nya guphele mbeli ga Pfhumu Nungungulu, khu ningelo nya gu ndziwitele, a gira gambe kharato khu sinvutana sa sivili si phasedwa Pfhumu Nungungulu, si lumba muphasi nya mhamba. 21Litshigu lolo furi, mu na ramba tshangano nya guage, kha mu na thuma thumo nya gulemele, oyu khu nayo wu vegedwago situgulwana sanu satshavbo ni evbini mu na gu bani mu vbanya umo. 22#Wona gambe: Levh 19:9-10; Dhet 24:19-22. Gikhati mu vbwerago mahangeni gwanu, mu nga vbweri gwatshavbo kala dzitshokhani nya lithembwe, gambe mu nga botedzeli ni esi si thegedego, tshiyelani gisiwana ni muluveli. Eni kheni Pfhumu Nungungulu wanu.”
Buzo nya mwaga muphya
(Mitengo 29:2-6)
23 Pfhumu Nungungulu a di embela gambe Mosi, khuye: 24“Embela sanana sa Israyeli, khuwe: Khu litshigu nya guphele nya ngima nya livbandre na wuvili, a gu litshigu nya guhefemule, mu na womba pundru mu ramba tshangano nya guage, mu ta alakanya ni gu kulungela litshigu lolo. 25#Wona gambe: Mit 29:1-6. Mu nga thumi thumo nya gulemele, mu na ningelani phaso nya guvbiswe ga Pfhumu Nungungulu.”
Litshigu nya ditshedzo
(Levhi 16:1-34; Mitengo 29:7-11)
26 Pfhumu Nungungulu a di embela gambe Mosi, khuye: 27“Khu litshigu nya likhumi nya ngima wowu nya livbandre na mivili, a gu litshigu nya ditshedzo, mu na ramba tshangano nya guage; mu hala, mu ningela phaso nya guvbiswe mu phasela Pfhumu Nungungulu.” 28Mu nga thumi thumo nya gulemele litshigu lolo, kholu litshigu nya ditshedzo,#23:28 Litshigu nya ditshedzo: A diri litshigu nya guhale ni gu dongisela mwaga wuphya. Va na Israyeli va di hala litshigu lolo ngimani nya Setembro (khu maganelelo yathu ya muhuno) gasi gu lomba ditshedzo nya sighoho sawe, va kodza gu bela na va agide ga Mwaga Wuphya . gasi gu giredwa nayo nya guagiswe mbeli ga Pfhumu Nungungulu wanu. 29Kholu muthu watshavbo vbakari gwanu a na gumba hala litshigu lolo, Eni nyi na mu fuvisa vbakari ga va na gyawe. 30Ni oyu a thumago ni wevbini thumo litshigu lolo, nyi na mu fuvisa vbakari ga va na gyawe. 31Khu guralo, mu nga thumi gilo, oyu nayo nya gupindruge ga situgulwana sanu ni wevbini wulanga mu na vbanyago umo. 32#Wona gambe: Mit 29:7-11. Li na bani liri litshigu nya Sabhadho nya guhefemule, mu na hala; mu na vegisa Sabhadho nya guhefemule, gukhugela silambo nya litshigu nya livbandre na mana nya ngima, kala silambo nya litshigu li landrelago.
Buzo nya mitshatsha
(Dhewuteronome 16:13-15)
33 Pfhumu Nungungulu a di ganela a embela Mosi, khuye: 34“Ganela kharati ga sanana sa Israyeli, khuwe: Khu litshigu nya likhumi na livbandre nya ngima yoyu nya livbandre na mivili, mu na alakanya buzo nya Mitshatsha, mu rungudza Pfhumu Nungungulu, livbandre na mavili matshigu. 35Litshigu nya guphele mu na gira tshangano nya guage, mu nga thumi thumo nya gulemele. 36Litshigu ni litshigu nya ayoyo nya livbandre na mavili, mu na ningelani phaso nya guvbiswe ga Pfhumu Nungungulu: Khu litshigu nya livbandre na mararu, mu na gira tshangano nya guage, mu gira ningelo nya guvbiswe ga Pfhumu Nungungulu. Tshangano nya buzo nya gunengele, mu nga thumi thumo nya gulemele.
Mahungu nya guhegise
37Eyi khiyo mibuzo nya gurungudze Pfhumu Nungungulu, mu na rambago mitshangano nya guage, mu gira ningelo nya guvbiswe ga Pfhumu Nungungulu; phaso nya guvbiswe, ni ningelo nya guhodze, miphaso ni miningelo nya mawadwa, gukhedza khu milayo nya litshigu ni litshigu; 38mu na gira esi, vbavbandze nya dzisabhadho dza Pfhumu Nungungulu, nya miningelo yanu ni miphaso yanu yatshavbo nya guningele khu gugola gwanu, mwendro nya gutadzise sisambanyo sanu ga Pfhumu Nungungulu. 39Aholu khu litshigu nya likhumi na livbandre nya ngima nya livbandre na mivili, hwane nya gu na mu vbedzide gu vbwera dzimbewu dza thembweni, mu na girani buzo wa Pfhumu Nungungulu wu na dzegago livbandre na mavili matshigu; litshigu nya guphele buzo wowo, a na bani ari Sabhadho nya guhefemule, gu na gira gambe kharato litshigu nya livbandre na mararu. 40Litshigu nya guphele, mu na hava mihandro nya yadi, mu koka matamo nya migindru ni aya nya misimbo nya yikhongolo, ni sitsongo; mu vbedza livbandre na mavili matshigu na mu gunengela mbeli ga Pfhumu Nungungulu wanu. 41Mu na girani buzo wowu, kha nga buzo nya gurungudze Pfhumu Nungungulu, livbandre na mavili matshigu, mwaga ni mwaga. Wu na bani wuri nayo nya gupindruge ga situgulwana sanu; mu na girani buzo yoyu khu ngima nya livbandre na mivili. 42Mu na khala mitshatshani matshigu yatshavbo yaya nya livbandre na mavili. Vathu vatshavbo va velegedwego tigoni ga Israyeli, va fanede gu khala mitshatshani; 43gasi situgulwana sanu si dziti gu khiso gikhati nyi dusidego sanana sa Israyeli khu tigoni ga Egipito, nyi va giride va khala mitshatshani. Eni kheni Pfhumu Nungungulu wanu.” 44Khidzo kharati, Mosi a nga tshamuselago khidzo sanana sa Israyeli mibuzo nya gu rungudzwe Pfhumu Nungungulu.
Currently Selected:
Levhi 23: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
