Josuwa 20
20
Madhoropa nya wuthavelo
(Mitengo 35:9-29; Dhewuteronome 4:41-49; 19:1-13)
1 Pfhumu Nungungulu a di embela gambe Josuwa, khuye: 2“U na embela sanana sa Israyeli, khuwe: Dzi hatheleni madhoropa nya wuthavelo, kha nga idzo nyi mi leletedego khidzo khu ga Mosi. 3Gasi muthu nya gukari a gu songa muthu khu guphazama; a na kodza gu thavela umomo, gasi gu dzi vhikela ga avo va vbwetago gu phodza. 4Oyu a songidego muthu a na thavela ga limwedo nya madhoropa yoyo, aya ema nyangwani nya lidhoropa, a thela mahungu yaye ga madhota ya dhoropani, avo va na mu hakha va mu ninga wulanga nya gukhale vbakari gwawe. 5Uye a vbwetago gu phodzela novba a gu landra, avo kha va na ningela oyu a songidego muthu mandzani gwaye, kholu uye kha songa kha gwenye ambari khu gu vengana ni muakelane waye 6A na simama gu khala dhoropani momo, kala a ta phathani nya madhota gasi guta lamudwa, kala afa muphasi nya khongolo nya mhamba a thumago gikhati gyogyo. Khavbo avbo, uye a songidego muthu a na bwelela gaya gwaye, dhoropani a nga thavago khumo.” 7Kharati, va di emisa madhoropa ya Kadesi, tigoni ga Galileya, gigomoni gya Nafitali; Sikemi, gigomoni gya Efrayimi; Kiriyati-Aribha, (mwendro Hebroni), gigomoni gya Judha. 8Khu tshatugo ga Joridhani, khu Khugadambo ga Jeriko, va di hatha Bhezeri, nya lihundzu la na Rubheni, panini ga giwulani, Ramoti, tigoni Gileyadhi nya lihundzu la Gadhi; ni Golani, tigoni ga Bhasani, nya lihundzu la Manasi. 9#Wona gambe: Mit 35:6—35:2; Dhet 4:41-43; 19:1-13. Khayo aya madhoropa ma emisedwego ga sanana satshavbo sa Israyeli, gumogo ni muluveli a vbahidego vbakari gwawe, gasi a thavele umo watshavbo wule, a songago muthu nya gukari khu guphazama, gasi a si songwi khu wule a nga mu hosela a vbwetago gu phodza, kala aya ema mbeli nya phatha nya tshangano nya madhota.
Currently Selected:
Josuwa 20: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.
