Esiteri C
C
Nombelo wa Moridhekayi
18 Moridhekayi a di lomba ga Pfhumu Nungungulu, a mu dundrugisa siliwugiso satshavbo a nga girago, khuye: 19 «Pfhumu, Pfhumu, mufumeli nya sivangwa satshavbo, silo satshavbo somo tshivbani gwago, mwalo a dzi kodzago gu yeyisa gugola gwago, wa gu dzina gu vbanyisa va na Israyeli. 20 Uwe u giride ndzadzi ni mafu ni ni siliwugiso satshavbo si guromo mafuni. 21 Uwe khuwe Mune nya silo satshavbo, mwalo a dzi kodzago gu yeyisa uwe, Pfhumu Nungungulu.
22 Uwe u nguti satshavbo, U ngu dziti, Pfhumu Nungungulu, gukhuwe khandri kotani nya matshandza, mwendro gu dzi khusedza, mwendro gu dzi randra wugulu, nyi ngamba khidzima nyi dzi nogisa mbeli ga Hamani, mwama nya gu dzi gugumugise. 23 Eni nyi ngu dzi kodza ambari gu dandzela migondro yaye, gwa gu lomba kharato gasi gu vbanyisa Israyeli. 24 Aholu nyi giride esi gasi gumba vega wudhumo nya muthu vbatshani nya rungudzo wa Nungungulu; gima kha nyi na nga khidzima mbeli ga mumbe muthu vbavbandze ga Uwe basi, kholu khuwe Pfhumu Nungungulu wangu, khandri khu kota nya matshandza nyi girago kharati.
25 Olu Pfhumu, Uwe U gu Nungungulu ni Pfhumu yangu, Nungungulu wa Abrahama, emela vathu vago, kholu valala vathu va gu zama gu hi mbembisa, va fuvisa thomba yago ya gale ni gale. 26 U nga nyenyi vathu vago, U va dzegisidego tigoni ga Egipito. 27 Upwa nombelo wangu, pwela wuhindzi thomba yago, vbindrugedza wuvi wathu khu gunengela, gasi hi vbanya hi fela gu rungudza lina lago, Pfhumu. U nga dumarisi likana la avo va gu rungudzago!»
28 Va na Israyeli vatshavbo va di womba huwa nya yikhongolo va gu rana khu tshivba kholu va di wona lufu na li gu vboha mahoni gwawe.
Nombelo wa Esiteri
29 Pfhumugadzi Esiteri nuye, na tade khu gugaradzega nya gukhongolo, a di hidzimela ga Pfhumu Nungungulu. 30 A di tshula guambala gwaye nya wuzundzo, a gu ambala dzindzowo nya wuvi nya gililo; wulanga nya gutole mafura nya gunungele, a di dzi thedzela nguma ni kudzudzwane hungoni, a gu dzi thesa vbavbatshi. Mili waye wu nga bani wu olovede gu dzi mburusela, a di wu fenengedza khu ndzudzu nyamba samula. 31 A di khusa lito, a gira nombelo ga Pfhumu Nungungulu wa Israyeli, khuye:
«Nungungulu wangu, U gu Uwe basi Pfhumu yangu, nyi phase muwusiwanani gwangu, kholu nyi mwalo mumbe muphasedzeli vbavbandze ga uwe basi, 32 kholu nyi nguya bedza womi wangu mhangoni. 33 Gukhugela guvelegwani gwangu, ndrangani ga vavelegi vangu, nyi pwide gupwani Uwe Pfhumu Nungungulu u hathide Israyeli vbakari nya mahundzu yatshavbo, ni vakokwe vathu vbakari ga vakokwe vawe vatshavbo, gasi gu va gira thomba yago kala gupindruga, ni gu pwani Uwe u tadziside sisambanyo sago satshavbo. 34 Olu, khu kota hi ghohidego mahoni gwago, U hi ningede mandzani ga valala vathu, 35 kholu hi nga khozelago vanungungulu vawe. Uwe, Pfhumu Nungungulu, u lulamide. 36 Aholu avo kha va tsaka va eneledwa basi khu gu hi rwega wugumbi nya gulemele ngudzu. Va di wuya khavbo, va handzega mandza yawe vbasithombetunu nya vanungungulu vawe nya liphanga, 37 va sambanya gu tshipisa esi uwe u si tumbisidego khu likana lago; va gu vbweta gu vbedza thomba yago ni gu sega magana ya vale va gu rungudzago; va gu vbweta gu fuvisa wudhumo nya nyumba yago ni maghandzelo yago, 38 vafela gu pwadza, khu magana nya mahedheni, tshivba ya vanungungulu vawe nya malipha ni gu khusedza mufumeli nya tshonge.
39 Pfhumu Nungungulu, u nga ningeli wufumu wago ga vanungungulu nya liphanga va gu mwalo, gasi va si hi hegi khu gu wona gumbemba gwathu! Aholu vbindrugedza, u va gira va wugedwa khu makungu yawe nyambasi yadi. Bayisa khu tshivba yago wule a nga phela khuye gu hi tshanisa. 40 Hi dundruge Pfhumu Nungungulu. Dzi wonegise litshigu nya wuvi wathu, nyi ninge tshivba, uwe Nungungulu nya vanungungulu ni Pfhumu nya tshivba yatshavbo!
41 Gikhati nyi naya emago mbeli nya ngala, vega kanani gwangu magana nya yadi ma vbwetegago, u vbindrugedza monyo waye wu venga wule a hi tshanisago, gasi a mbembiswe uye gumogo ni vatshavbo va lumbago tsawa waye.
42 Hi vbulugise khu mandza yago, u nyi phasa wusiwanani gwangu, eni nyi gu mwalo mumbe muphasedzeli vbavbandze gwa uwe basi, Pfhumu Nungungulu. Uwe u nguti satshavbo! 43 U ngu dziti gukhuwe nyi ngu nyenya wudhumo wa vathu nyambasi vadi, u ngu dziti gukhuwe nyi ngu nyenya gu hengela lidawu ni vale nyamba hana wugwera, mwendro ni nombo nya limbe lifumbu. 44 U ngu pima gwadi gukhuwe eni nyi womo wulanga wowu khu gu manisedwa, aholu, kha nyi yi goli hari yeyi nya wufumu nyi gurumedzwago gu ambala hungoni gwangu matshigu nyi fanedego gu duga nyi dzi wonegisa vathuni. Khu lisine, nyi ngu yi nyenya kha nga mwendra nya ndzilo, gima kha nyi yi ambali matshiguni nyi guromo nyenga, makhuvini gwangu. 45 Eni githumi gyago gima kha nya hodza vbamezatunu ga Hamani, gambe kha nya zundza mufumeli khu guya manega mibuzoni gwaye, mwendro gu sela wadwa waye. 46 Githumi gyago, gukhugela litshugu nya gukhusedzwe gwaye kala na muhuno, gima kha gyapwa gunengela khu gimbe gilo vbavbandze gwago uwe Pfhumu Nungungulu wa Abrahama. 47 Uwe Pfhumu Nungungulu nya tshivba vbatshani nya silo satshavbo, upwa lito nya sisiwana sago, hi vbulugise mandzani ga vathu nya guvivbe monyo, nyi vbulugise ga wuvi wowu wangu.»
Currently Selected:
Esiteri C: BGG2014
Highlight
Copy
Compare
Share
Want to have your highlights saved across all your devices? Sign up or sign in
Gitonga DC Bible © Bible Society in Mozambique, 2014.