Romanos 16
16
Pablo saludakunqan
1Panintsik Febim watukayäshuqniki shamunqa. Payqa Cencrea iglesiachö diacunïsam. 2Paymi criyikuq mayintsikkunata alli yanapan. Tsaynöllam noqatapis willakur puriptï yanapaman. Jesucristuman criyikuq mayintsik kaykaptinqa chaskiyanki. Tsaynölla llapan munanqankunata alistapäyanki.
3Priscilata y Aquilata saludaykuyällanki. Paykunam Jesucristupa willakuyninta willakur puriptï yanapayämashqa.#Hech. 18.2. 4Paykunaqa wanuytapis mana mantsaypam yanapayämashqa. Tsaynö yanapayämanqanpitam noqapis y llapan mana Israel wawqikuna y panikunapis agradëcikuyä. 5Wayinchö qorikaq criyikuq mayintsikkunatapis saludaykuyällanki.
Tsaynölla kuyanakuyanqä Epenetuta saludaykuyällanki. Paymi Asia provinciachö llapanpita mas puntata Jesucristuman criyikurqan. 6Panintsik Maríatapis saludaykuyällanki. Paymi qamkunata alli yanapayäshurquyki. 7Tsaynölla Israel mayïkuna Andrónicuta y Juniastapis saludaykuyällanki. Paykunawanmi carcelchö wichqaräyarqä. Paykunam noqapita mas puntata Jesucristuman criyikuyarqan. Apóstol mayïkunapis paykunataqa allim respitayan.
8Tsaynölla saludaykuyällanki kuyanakuyanqä Ampliasta, 9willakuq mayï Urbanuta y kuyanakuyanqä Estaquista. 10Tsaynölla Apelesta saludaykuyällanki. Jesucristupa alli sirviqnin kaptinmi payta llapan criyikuq mayintsikkuna respitayan. Tsaynölla saludaykuyällanki Aristóbulupa castankunata, 11Israel mayï Herodiónta y Narcisupa castanchö Jesucristuman criyikuqkunata. 12Tsaynölla Trifenatawan Trifosata saludaykuyällanki. Tsay warmikunam Jesucristupa willakuyninta willakuqkunata alli yanapaykäyan. Tsaynölla panintsik Pérsidata saludaykuyällanki. Paypis Jesucristupa willakuyninta willakuqkunatam alli yanapaykan. 13Tsaynölla kuyay wawqintsik Rufuta#Mar. 15.21. y mamantapis saludaykuyällanki. Payqa imayka mamänömi alli rikamashqa. 14Tsaynölla saludaykuyällanki Asíncrituta, Flegontita, Hermesta, Patrobasta, Hermasta y paykunawan qorikaq wawqikunata y panikunatapis. 15Tsaynölla saludaykuyällanki Filóloguta, Juliata, Nereuta, Nereupa paninta, Olimpasta y paykunawan qorikaq wawqikunata y panikunatapis.
16Jukniki juknikipis cäraykikunachö mutsanakur saludanakuyay. Purinqä kinranchö wawqikuna y panikunam qamkunata saludayämushunki.
17Wawqikuna y panikuna, pipis chikinakuyänaykipä o Jesucristupa willakuyninta mana cäsuyänaykipä willayäshuptiki ama chaskiyaytsu. Tsay willakuqkunaqa llutantam yachatsiyäshunki. Paykunapitaqa witikuyanki. 18Paykunaqa manam Jesucristo alabashqa kananta munartsu yachatsiyan, sinöqa kikinkuna alabashqa kayta munallarmi. Paykunaqa alli shimillanpam mana tantiyakuq wawqikunata y panikunata llutanta criyitsiyan.
19Tayta Diosta cäsuyanqaykitaqa maytsaychömi criyikuq mayintsikkuna musyayan. Tsaynö kayanqaykita musyarmi noqapis kushikü. Noqa munä jutsata mana ruraypa allita rurar imaypis kawayänaykitam.#Mat. 10.16. 20Alli kawayänaykipä yanapashuqniki Tayta Dios yanapaykuyäshuy Satanásta penqakuyman churayänaykipä. Señornintsik Jesucristo kuyapäyäshurniki imaypis yanapaykuyälläshuy.
21Yanapamaq wawqintsik Timoteupis#Hech. 16.1. saludayämushunkim. Tsaynöllam Israel mayïkuna Lucio, Jasón y Sosípaterpis saludayämushunki.
22(Noqa Terciupis Señornintsikpa jutinchömi saludayämü. Apóstol Pablo dictamanqannöllam kay cartata qellqamü.)
23Tsaynöllam Gayupis#Hech. 19.29; 1Cor. 1.14. saludayämushunki. Paymi wayinta alistapämashqa patsakunäpä y criyikuq mayintsikkunawan tsaychö qorikäyänäpä. Tsaynöllam kay markapa tesorërun Erastupis#2Tim. 4.20. y wawqintsik Cuartupis saludayämushunki. 24[Señornintsik Jesucristo kuyapäyäshurniki imaypis yanapaykuyälläshuy. Amén.]
Carta ushanan
25¡Tayta Diosta alabaykuyällay! Paymi Jesucristupa willakuyninta willakunqänölla yanapaykäyäshunki payman criyikur munanqannö kawayänaykipä. Tsay willakuytaqa runakuna ñöpata manam musyayarqantsu. 26Peru kananmi sïqa profëtakuna qellqayanqannölla y imayyaqpis kawaq Tayta Dios ninqannölla willakuyninta maytsay nacionkunachöpis willakuyan. Tsaynö willakuyan pïmaypis Jesucristuman yärakur Tayta Dios munanqannö kawayänanpämi.
27¡Jesucristupa jutinchö Tayta Diosta imaypis alabaykulläshun! ¡Pay japallanmi Diosqa! ¡Manam pipis paynö yachaq kantsu! Amén.
Currently Selected:
Romanos 16: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.
Romanos 16
16
Pablo saludakunqan
1Panintsik Febim watukayäshuqniki shamunqa. Payqa Cencrea iglesiachö diacunïsam. 2Paymi criyikuq mayintsikkunata alli yanapan. Tsaynöllam noqatapis willakur puriptï yanapaman. Jesucristuman criyikuq mayintsik kaykaptinqa chaskiyanki. Tsaynölla llapan munanqankunata alistapäyanki.
3Priscilata y Aquilata saludaykuyällanki. Paykunam Jesucristupa willakuyninta willakur puriptï yanapayämashqa.#Hech. 18.2. 4Paykunaqa wanuytapis mana mantsaypam yanapayämashqa. Tsaynö yanapayämanqanpitam noqapis y llapan mana Israel wawqikuna y panikunapis agradëcikuyä. 5Wayinchö qorikaq criyikuq mayintsikkunatapis saludaykuyällanki.
Tsaynölla kuyanakuyanqä Epenetuta saludaykuyällanki. Paymi Asia provinciachö llapanpita mas puntata Jesucristuman criyikurqan. 6Panintsik Maríatapis saludaykuyällanki. Paymi qamkunata alli yanapayäshurquyki. 7Tsaynölla Israel mayïkuna Andrónicuta y Juniastapis saludaykuyällanki. Paykunawanmi carcelchö wichqaräyarqä. Paykunam noqapita mas puntata Jesucristuman criyikuyarqan. Apóstol mayïkunapis paykunataqa allim respitayan.
8Tsaynölla saludaykuyällanki kuyanakuyanqä Ampliasta, 9willakuq mayï Urbanuta y kuyanakuyanqä Estaquista. 10Tsaynölla Apelesta saludaykuyällanki. Jesucristupa alli sirviqnin kaptinmi payta llapan criyikuq mayintsikkuna respitayan. Tsaynölla saludaykuyällanki Aristóbulupa castankunata, 11Israel mayï Herodiónta y Narcisupa castanchö Jesucristuman criyikuqkunata. 12Tsaynölla Trifenatawan Trifosata saludaykuyällanki. Tsay warmikunam Jesucristupa willakuyninta willakuqkunata alli yanapaykäyan. Tsaynölla panintsik Pérsidata saludaykuyällanki. Paypis Jesucristupa willakuyninta willakuqkunatam alli yanapaykan. 13Tsaynölla kuyay wawqintsik Rufuta#Mar. 15.21. y mamantapis saludaykuyällanki. Payqa imayka mamänömi alli rikamashqa. 14Tsaynölla saludaykuyällanki Asíncrituta, Flegontita, Hermesta, Patrobasta, Hermasta y paykunawan qorikaq wawqikunata y panikunatapis. 15Tsaynölla saludaykuyällanki Filóloguta, Juliata, Nereuta, Nereupa paninta, Olimpasta y paykunawan qorikaq wawqikunata y panikunatapis.
16Jukniki juknikipis cäraykikunachö mutsanakur saludanakuyay. Purinqä kinranchö wawqikuna y panikunam qamkunata saludayämushunki.
17Wawqikuna y panikuna, pipis chikinakuyänaykipä o Jesucristupa willakuyninta mana cäsuyänaykipä willayäshuptiki ama chaskiyaytsu. Tsay willakuqkunaqa llutantam yachatsiyäshunki. Paykunapitaqa witikuyanki. 18Paykunaqa manam Jesucristo alabashqa kananta munartsu yachatsiyan, sinöqa kikinkuna alabashqa kayta munallarmi. Paykunaqa alli shimillanpam mana tantiyakuq wawqikunata y panikunata llutanta criyitsiyan.
19Tayta Diosta cäsuyanqaykitaqa maytsaychömi criyikuq mayintsikkuna musyayan. Tsaynö kayanqaykita musyarmi noqapis kushikü. Noqa munä jutsata mana ruraypa allita rurar imaypis kawayänaykitam.#Mat. 10.16. 20Alli kawayänaykipä yanapashuqniki Tayta Dios yanapaykuyäshuy Satanásta penqakuyman churayänaykipä. Señornintsik Jesucristo kuyapäyäshurniki imaypis yanapaykuyälläshuy.
21Yanapamaq wawqintsik Timoteupis#Hech. 16.1. saludayämushunkim. Tsaynöllam Israel mayïkuna Lucio, Jasón y Sosípaterpis saludayämushunki.
22(Noqa Terciupis Señornintsikpa jutinchömi saludayämü. Apóstol Pablo dictamanqannöllam kay cartata qellqamü.)
23Tsaynöllam Gayupis#Hech. 19.29; 1Cor. 1.14. saludayämushunki. Paymi wayinta alistapämashqa patsakunäpä y criyikuq mayintsikkunawan tsaychö qorikäyänäpä. Tsaynöllam kay markapa tesorërun Erastupis#2Tim. 4.20. y wawqintsik Cuartupis saludayämushunki. 24[Señornintsik Jesucristo kuyapäyäshurniki imaypis yanapaykuyälläshuy. Amén.]
Carta ushanan
25¡Tayta Diosta alabaykuyällay! Paymi Jesucristupa willakuyninta willakunqänölla yanapaykäyäshunki payman criyikur munanqannö kawayänaykipä. Tsay willakuytaqa runakuna ñöpata manam musyayarqantsu. 26Peru kananmi sïqa profëtakuna qellqayanqannölla y imayyaqpis kawaq Tayta Dios ninqannölla willakuyninta maytsay nacionkunachöpis willakuyan. Tsaynö willakuyan pïmaypis Jesucristuman yärakur Tayta Dios munanqannö kawayänanpämi.
27¡Jesucristupa jutinchö Tayta Diosta imaypis alabaykulläshun! ¡Pay japallanmi Diosqa! ¡Manam pipis paynö yachaq kantsu! Amén.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.