Romanos 15
15
Jesucristuman criyikuq mayintsikwan alli kawanantsikpä ninqan
1Criyikuq mayintsik shumaq mana tantiyar imallapis jutsa kanqanta yarpaptinqa tsayta ama rurashuntsu. Munanqantsikta ruranantsikpa rantinqa 2imatapis rurashun criyikuq mayintsikkuna Tayta Dios munanqannö kawayänanpä. 3Jesucristupis manam kikin munanqantatsu rurarqan. Tayta Diospa palabranmi nin: <<Qamta penqakuyman churashurnikiqa noqatapis penqakuymanmi churayäman>>.#Sal. 69.9.
4Tayta Diospa palabranmi tantiyatsimänantsikpä kaykan. Palabranta yachakurmi payman yärakur promitinqankunata cumplinanpä kanqanta musyantsik. 5Mana ajayaypa y mana llakikuypa yärakunantsikpämi Tayta Dios imaypis yanapaykämantsik. Tsaymi payta mañakü Jesucristo kuyamanqantsiknö jukniki juknikipis kuyanakur alli kawayänaykipä. 6Kuyanakur kawarmi Señornintsik Jesucristupa Papänin Tayta Diosta tsay yarpaylla alabayanki.
Mana Israel runakunapäpis Diospa alli willakuynin kanqan
7Tsaynö kaykaptinqa Jesucristo kuyamanqantsiknö criyikuq mayintsikkunawan kuyanakushun. Tsaynö kawashqam Tayta Diosta alabayanqa. 8Yarpätsishayki: Israel runakunata salvananpämi Jesucristo shamurqan. Tsaynöpam Abrahamta, Isaacta y Jacobta promitinqanta Tayta Dios cumplirqan. 9Tsaynöllam Jesucristo shamurqan mana Israel runakunapis kuyakuq kanqanpita Tayta Diosta alabayänanpä. Tayta Diospa palabranmi nin:
<<May nacionchö karpis adorashaykim.
Llapan shonqüwan cantarmi alabashayki>>.#2Sam. 22.50; Sal. 18.49.
10Tsaynöllam nin:
<<Maytsay nacionchö täraqkuna,
Tayta Dios kuyanqan runakunawan juntu kushikuyay>>.#Deut. 32.43.
11Mastam nin:
<<Maytsay nacionchö täraqkuna,
Tayta Diosta alabashun.
Maytsaychö tärarpis payta adorashun>>.#Sal. 117.1.
12Profëta Isaías qellqanqanchömi nin:
<<Isaípita miraqpitam juk runa yurinqa.
Maytsay nacionchö täraq runakunata mandananpämi shamunqa.
Mana Israel runakunapis paymanmi criyiyanqa>>.#Isa. 11.10.
13Tayta Dios yanapaykuyälläshuy payman criyikur jukniki juknikipis alli kawayänaykipä, Espíritu Santupa poderninchö kawayänaykipä y puntanman chäyänaykipä kanqanta musyar qoyay qoyay kushishqa kawayänaykipäpis.
Maytsaypapis Pablo willakur purinqan
14Wawqikuna y panikuna, musyämi alli shonqu kayanqaykita, Tayta Diospa willakuyninta yachakuyanqaykita y wakintapis tantiyatsiyänaykipä alli yachayanqaykita. 15Peru tsaynö kayaptikipis kay cartawanmi qamkunata yarpaykätsimü yachakuyanqaykita mana qonqäyänaykipä. Tsaynö nï Tayta Dios kuyapämar 16Jesucristupa alli willakuyninta mana Israel runakunata willanäpä churamashqa kaptinmi. Tsaymi willakuykä mana Israel runakunapis Espíritu Santu yanapaptin Tayta Diospä alli sacrificiu kayänanpä.
17Willakunäpä Jesucristo yanapamaptinmi kushikü. 18Alabakunäpa rantinmi pay yanapamanqallanta maytsaychöpis parlashä. Yanapamaptinmi willakuyninta willakuykä y runakuna rikayänanpämi alli kawaykä. Tsaymi mana Israel runakunapis Tayta Diosta cäsuyan. 19Espíritu Santupa poderninwan milagrukunata rurarmi Jerusalénpita qallaykur hasta Ilírico provinciayaq Jesucristupa willakuyninta willakurqü.
20Willakur purirpis wakinkuna willakuyanqan markakunamanqa manam aywayta munätsu. Tsaymi pipis manarä willakunqan markakunachö Jesucristupa willakuyninta willakuykä. 21Tayta Diospa palabranmi nin:
<<Pipis mana willakunqantam musyayanqa.
Imaypis mana wiyayanqantam wiyayanqa>>.#Isa. 52.15.
Romaman Pablo aywayta yarpanqan
22Maytsaypapis willakur purirmi qamkuna kaqman shamuyta puëdirqütsu.#Rom. 1.13. 23Kananqa kay puriykanqä markakunachö Jesucristupa willakuyninta willakurqünam. Unaypita yarpanqänöllam qamkuna kaqmanna shamushä. 24Tsaypitanam Españaman aywayta yarpaykä. Tsayman aywanäpä yanapayämänaykitam munä.
25Peru kananqa criyikuq mayintsikkunapä qoriyanqan ofrendata aparmi Jerusalénparä aywaykä. 26Macedonia y Acaya provinciakunachö criyikuq mayintsikkunam tsay ofrendata qoriyashqa Jerusalénchö faltapakuq wawqikunata y panikunata yanapayänanpä.#1Cor. 16.1-4. 27Ofrendata qorir allitam rurayashqa. Paykunapis Jesucristupa willakuyninta Jerusalénpita qallaykurir willakuyaptinmi criyiyashqa. Willakuyanqanpita kushikurmi ofrendata qoriyashqa Jerusalénchö faltapakuq wawqikunaman y panikunaman apanäpä.#1Cor. 9.11. 28Kay ofrendata Jerusalénchö wawqikunata y panikunata entregaskirnam Españaman aywaqnölla qamkunaman chämushä. 29Qamkuna kaqman chämuptïmi Jesucristo yanapamäshun valuratsinakur kushikunantsikpä.
30Wawqikuna y panikuna, Señornintsik Jesucristupa jutinchö y kuyamaqnintsik Espíritu Santupa jutinchömi rugakü llapan shonquykikunawan Tayta Diosta noqapä mañakuyänaykipä. 31Tsaynö mañakuyay Judea provinciaman chaptï mana cäsukuq runakunapita Tayta Dios tsapämänanpä. Tsaynölla mañakuyay apanqä ofrendata Jerusalénchö wawqikuna y panikuna kushishqa chaskiyänanpä. 32Jerusalénchö llapanpis alli kananpä Tayta Dios yanapamaptinmi qamkuna kaqman chämuptï kushishqa kashun.
33Llapaykipis alli kawayänaykipä Tayta Dios yanapaykuyälläshuy. Amén.
Currently Selected:
Romanos 15: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.
Romanos 15
15
Jesucristuman criyikuq mayintsikwan alli kawanantsikpä ninqan
1Criyikuq mayintsik shumaq mana tantiyar imallapis jutsa kanqanta yarpaptinqa tsayta ama rurashuntsu. Munanqantsikta ruranantsikpa rantinqa 2imatapis rurashun criyikuq mayintsikkuna Tayta Dios munanqannö kawayänanpä. 3Jesucristupis manam kikin munanqantatsu rurarqan. Tayta Diospa palabranmi nin: <<Qamta penqakuyman churashurnikiqa noqatapis penqakuymanmi churayäman>>.#Sal. 69.9.
4Tayta Diospa palabranmi tantiyatsimänantsikpä kaykan. Palabranta yachakurmi payman yärakur promitinqankunata cumplinanpä kanqanta musyantsik. 5Mana ajayaypa y mana llakikuypa yärakunantsikpämi Tayta Dios imaypis yanapaykämantsik. Tsaymi payta mañakü Jesucristo kuyamanqantsiknö jukniki juknikipis kuyanakur alli kawayänaykipä. 6Kuyanakur kawarmi Señornintsik Jesucristupa Papänin Tayta Diosta tsay yarpaylla alabayanki.
Mana Israel runakunapäpis Diospa alli willakuynin kanqan
7Tsaynö kaykaptinqa Jesucristo kuyamanqantsiknö criyikuq mayintsikkunawan kuyanakushun. Tsaynö kawashqam Tayta Diosta alabayanqa. 8Yarpätsishayki: Israel runakunata salvananpämi Jesucristo shamurqan. Tsaynöpam Abrahamta, Isaacta y Jacobta promitinqanta Tayta Dios cumplirqan. 9Tsaynöllam Jesucristo shamurqan mana Israel runakunapis kuyakuq kanqanpita Tayta Diosta alabayänanpä. Tayta Diospa palabranmi nin:
<<May nacionchö karpis adorashaykim.
Llapan shonqüwan cantarmi alabashayki>>.#2Sam. 22.50; Sal. 18.49.
10Tsaynöllam nin:
<<Maytsay nacionchö täraqkuna,
Tayta Dios kuyanqan runakunawan juntu kushikuyay>>.#Deut. 32.43.
11Mastam nin:
<<Maytsay nacionchö täraqkuna,
Tayta Diosta alabashun.
Maytsaychö tärarpis payta adorashun>>.#Sal. 117.1.
12Profëta Isaías qellqanqanchömi nin:
<<Isaípita miraqpitam juk runa yurinqa.
Maytsay nacionchö täraq runakunata mandananpämi shamunqa.
Mana Israel runakunapis paymanmi criyiyanqa>>.#Isa. 11.10.
13Tayta Dios yanapaykuyälläshuy payman criyikur jukniki juknikipis alli kawayänaykipä, Espíritu Santupa poderninchö kawayänaykipä y puntanman chäyänaykipä kanqanta musyar qoyay qoyay kushishqa kawayänaykipäpis.
Maytsaypapis Pablo willakur purinqan
14Wawqikuna y panikuna, musyämi alli shonqu kayanqaykita, Tayta Diospa willakuyninta yachakuyanqaykita y wakintapis tantiyatsiyänaykipä alli yachayanqaykita. 15Peru tsaynö kayaptikipis kay cartawanmi qamkunata yarpaykätsimü yachakuyanqaykita mana qonqäyänaykipä. Tsaynö nï Tayta Dios kuyapämar 16Jesucristupa alli willakuyninta mana Israel runakunata willanäpä churamashqa kaptinmi. Tsaymi willakuykä mana Israel runakunapis Espíritu Santu yanapaptin Tayta Diospä alli sacrificiu kayänanpä.
17Willakunäpä Jesucristo yanapamaptinmi kushikü. 18Alabakunäpa rantinmi pay yanapamanqallanta maytsaychöpis parlashä. Yanapamaptinmi willakuyninta willakuykä y runakuna rikayänanpämi alli kawaykä. Tsaymi mana Israel runakunapis Tayta Diosta cäsuyan. 19Espíritu Santupa poderninwan milagrukunata rurarmi Jerusalénpita qallaykur hasta Ilírico provinciayaq Jesucristupa willakuyninta willakurqü.
20Willakur purirpis wakinkuna willakuyanqan markakunamanqa manam aywayta munätsu. Tsaymi pipis manarä willakunqan markakunachö Jesucristupa willakuyninta willakuykä. 21Tayta Diospa palabranmi nin:
<<Pipis mana willakunqantam musyayanqa.
Imaypis mana wiyayanqantam wiyayanqa>>.#Isa. 52.15.
Romaman Pablo aywayta yarpanqan
22Maytsaypapis willakur purirmi qamkuna kaqman shamuyta puëdirqütsu.#Rom. 1.13. 23Kananqa kay puriykanqä markakunachö Jesucristupa willakuyninta willakurqünam. Unaypita yarpanqänöllam qamkuna kaqmanna shamushä. 24Tsaypitanam Españaman aywayta yarpaykä. Tsayman aywanäpä yanapayämänaykitam munä.
25Peru kananqa criyikuq mayintsikkunapä qoriyanqan ofrendata aparmi Jerusalénparä aywaykä. 26Macedonia y Acaya provinciakunachö criyikuq mayintsikkunam tsay ofrendata qoriyashqa Jerusalénchö faltapakuq wawqikunata y panikunata yanapayänanpä.#1Cor. 16.1-4. 27Ofrendata qorir allitam rurayashqa. Paykunapis Jesucristupa willakuyninta Jerusalénpita qallaykurir willakuyaptinmi criyiyashqa. Willakuyanqanpita kushikurmi ofrendata qoriyashqa Jerusalénchö faltapakuq wawqikunaman y panikunaman apanäpä.#1Cor. 9.11. 28Kay ofrendata Jerusalénchö wawqikunata y panikunata entregaskirnam Españaman aywaqnölla qamkunaman chämushä. 29Qamkuna kaqman chämuptïmi Jesucristo yanapamäshun valuratsinakur kushikunantsikpä.
30Wawqikuna y panikuna, Señornintsik Jesucristupa jutinchö y kuyamaqnintsik Espíritu Santupa jutinchömi rugakü llapan shonquykikunawan Tayta Diosta noqapä mañakuyänaykipä. 31Tsaynö mañakuyay Judea provinciaman chaptï mana cäsukuq runakunapita Tayta Dios tsapämänanpä. Tsaynölla mañakuyay apanqä ofrendata Jerusalénchö wawqikuna y panikuna kushishqa chaskiyänanpä. 32Jerusalénchö llapanpis alli kananpä Tayta Dios yanapamaptinmi qamkuna kaqman chämuptï kushishqa kashun.
33Llapaykipis alli kawayänaykipä Tayta Dios yanapaykuyälläshuy. Amén.
Currently Selected:
:
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.