Mateo 23
23
Ley yachatsiqkunawan fariseukuna mana alli ruraq kayanqanta Jesús ninqan
Marcos 12.38-40; Lucas 20.45-47
1Tsaypitanam runakunata y discïpulunkunata Jesús nirqan: 2<<Moisés qellqanqan leykunata yachatsiyänanpämi fariseukuna y ley yachatsikuqkuna poderyuq kaykäyan. 3Tsaynö kaykaptinqa yachatsiyäshunqaykita cäsuyay. Peru paykuna kawayanqannöqa ama kawayaytsu. Diospa palabranta yachatsirpis kikinkunaqa manam mandamientukunata cumpliyantsu. 4Paykunaqa mana puëdiyanqanyaq qepita aparitsiqnömi atska leykunata cumpliyänanpä runakunata mandayan. Tsaynö kaptinpis cumpliyänanpä manam ichikllapis yanapayantsu.
5<<Runakuna rikayänallanpämi imatapis rurayan.#Mat. 6.1. Tsaymi jatusaq filacteriankunata#23.5 Filacteriaqa takshalla cajïtam karqan. Tsay cajïtamanmi textukunata papelman qellqarkur wiñayaq. Tsay textukunam karqan Éxo. 13.1-16; Deut. 6.4-9; 11.13-21. Ishkay cajïtata ruraskirmi jukta urkunkunaman y jukta rikrankunaman watarkur puritsiyaq. Tsaypita masta musyanaykipä liyinki Deut. 6.8; 11.18. ruraskir puritsiyan. Tsaynöllam largu jïlukunata röpankunapa chuskun kuchunman jirarkur puriyan.#Núm. 15.37-40; Deut. 22.12. 6Mikuyänanpä qayatsiyaptinpis paykunaqa mësamanrämi jamakuyan. Sinagögakunachöpis punta bancakunamanrämi jamaskiyan. 7Pläzakunachöpis runakuna <rabí> nir respitayänantam munayan.
8<<Peru qamkunapaqa jukllayllam yachatsishuqniki.#23.8 Wakin qepa kaq griego copiakunachömi: Tsay yachatsishuqnikiqa Cristum nir yapayashqa. Tsaynöllam tsay wawqilla kaykäyanki. Tsaynö kaykaptinqa ama munayaytsu <rabí> niyäshunaykita. 9Kay patsachöqa ama pitapis <Papänintsik> nir Diostanö respitayaytsu. Jukllayllam Papänikiqa. Payqa ciëluchömi kaykan. 10Qamkunatapis ama yachatsikuq niyäshuytsu. Jukllayllam yachatsiyäshuqnikiqa. Payqa Cristum. 11Mas alli rikashqa kayta munarqa sirviqnölla kayay.#Mat. 20.26-27; Mar. 9.35; 10.43-44; Luc. 22.26. 12Allish tukuqkunam penqakuyman churashqa kayanqa. Peru llänu shonqu kaqkunam sïqa alliman churashqa kayanqa.#Prov. 29.23; Luc. 14.11; 18.14.
Ley yachatsikuqkunata y fariseukunata Jesús ollqutupanqan
Lucas 11.37-52
13<<¡Allaw, allish tukuq fariseukuna y ley yachatsikuqkuna! Punkuta wichqaqnömi Tayta Diospa mandakuyninman pipis mana yaykuyänanpä tsapata churaykäyanki. Kikikikunapis manam yaykuyankitsu.
14[<<¡Allaw, allish tukuq fariseukuna y ley yachatsikuqkuna! Qamkunaqa viüdakunapa imantapis qechuykäyankim. Tsaynöllam santu tukurnin unayyaq Tayta Diosta mañakuyanki. Tsaynö kayanqaykipitam Tayta Dios pasaypa castigayäshunki.]
15<<¡Allaw, allish tukuq fariseukuna y ley yachatsikuqkuna! Qamkunaqa juk runallapis yachatsiyanqaykita cäsukunanta munarmi maytsaypapis aywayanki. Cäsukurnam qamkunapitapis ishkay kuti masrä Satanás munanqanta rurayan.
16<<¡Allaw qamkuna! Qamkunaqa qapranö karmi llutanpa pushaykäyanki. Tsaynö karmi niyanki: <Templupa jutinchö awnir mana cumpliyaptikipis manam imanantsu. Peru templuchö kaykaq qoripa jutinchö awnirmi sïqa cumpliyänayki>. 17¡Mana tantiyakuq qaprakuna! ¿Mayqantä mas sagrädu? ¿Templuchö kaykaq qoriku o tsay qorita sagräduyätsiq templuku?
18<<Tsaynöllam qamkuna niyanki: <Altarpa jutinchö awnir mana cumpliyaptikipis manam imanantsu. Peru altar jananchö churayanqan ofrendapa jutinchö awnirmi sïqa cumpliyänayki>. 19¡Mana tantiyakuq qaprakuna! ¿Mayqantä mas sagrädu? ¿Ofrendaku o ofrendata sagräduyätsiq altarku?
20<<Altarpa jutinchö jurarqa manam altarpa jutinllachötsu juraykäyanki, sinöqa altar jananman churayanqan ofrendakunapa jutinchöpis juraykäyankim. 21Templupa jutinchö jurarpis manam templupa jutillanchötsu juraykäyanki, sinöqa templuchö kaykaq Tayta Diospa jutinchömi juraykäyanki. 22Ciëlupa jutinchö jurarpis#Isa. 66.1; Mat. 5.34. manam ciëlupa jutinllachötsu juraykäyanki, sinöqa Tayta Diospa trönunpa jutinchö y kikin Tayta Diospa jutinchömi juraykäyanki.
23<<¡Allaw, allish tukuq fariseukuna y ley yachatsikuqkuna! Qamkunaqa mentapita, anispita y comïnuspita#Lev. 27.30. diezmuta rakiykarpis mas cäsukuyänaykipä kaq mandamientukunata manam cumpliyankitsu. Tsay mandamientukunam nin runa mayikita alli rikayänaykipä, kuyapäyänaykipä y Tayta Diosta awniyanqaykita cumpliyänaykipä. Diezmupä rakir cumpliyanqaykinö tsay mandamientukunatapis cumpliyankiman. 24Qamkunaqa qapranö karmi llutanpa pushaykäyanki. Yakuchö chuspita shuyshurpis camëlluta ultaqnömi kaykäyanki.
25<<¡Allaw, allish tukuq fariseukuna y ley yachatsikuqkuna! Qamkunaqa janallanpa awishqa pucillunö y matinömi kaykäyanki. Tsay plätukuna rurinchö qanra kanqannömi qamkunapis shonquykikunachö suwakuyänaykipä y mana allita rurayänaykipä yarpaykäyanki. 26¡Qapra fariseukuna! Plätupa rurinta mayllaqnö puntata mana alli yarpäyanqaykikunata dëjayay. Tsaynöparämi rasunpa santu kayanki.
27<<¡Allaw, allish tukuq fariseukuna y ley yachatsikuqkuna! Qamkunaqa imayka pintashqa nïchu niraqmi kaykäyanki.#Hech. 23.3. Nïchupa janan kuyayllapä kaptinpis rurinchö tullukuna ismur melanaypämi kaykan. 28Tsaynöllam qamkunapis runakuna rikayäshuptiki alli ruraqnö kaykäyanki. Peru allish tukuq kayanqayki y llutan yarpäyanqaykikunam pasaypa penqakuypä kaykan.
29<<¡Allaw, allish tukuq fariseukuna y ley yachatsikuqkuna! Qamkunaqa profëtakunapa nïchunkunatam ruraykäyanki y alli runakunapa monumentunkunatam adornaykäyanki. 30Tsaypitam niyanki: <Unay castäkuna kawayanqan witsan kawarqa profëtakunata wanutsiyaptin noqakuna manam wanutsiyämantsu karqan>. 31Tsaynö nirmi musyatsiyanki profëtakunata wanutsiq runakunapa castan kar paykunanölla kayanqaykita. 32¡Tsaynö karqa unay castaykikunanölla qamkunapis wanutsiyay!
33<<¡Culebra casta runakuna!#Mat. 3.7; 12.34; Luc. 3.7. Infiernuman Tayta Dios qaykuyäshunaykipä kaykaptinqa ¿imanöparä salvakuyanki? 34Qamkunata tantiyatsiyäshunaykipämi profëtakunata, yachaq runakunata y yachatsikuqkunatapis mandamushä. Paykunatam wakinta wanutsiyanki, wakinta crucificayanki, wakinta sinagögakunachö castigayanki y wakintanam marka marka qatikachar ñakatsiyanki. 35Alli ruraq Abelta#Gén. 4.8. wanutsinqanpita hasta Berequíaspa tsurin Zacaríasta#2Crón. 24.20-21. templu punkuchö wanutsinqanyaqmi kay patsachö llapan alli runakunata wanutsiyanqanpita qamkuna jutsayuq kaykäyanki. 36Rasunpam nï: Tsay wanutsiq runakunatanömi qamkunatapis Tayta Dios juzgayäshunki>>.
Jerusalénchö täraqkunapä Jesús llakikunqan
Lucas 13.34-35
37<<¡Ay, Jerusalén, Jerusalén! Qamqa Tayta Diospa profëtankunata unaypitam wanutsinki.#1Rey. 19.10; Jer. 2.30. Pay mandamunqan willakuqkunatapis saqmankim. Chipshankunata wallpa oqllaqnö wamraykikunata#23.37 Jerusalénpa wamrankunaqa Jerusalénchö täraq runakunam kayan. atska kuti qoriyta munaptïpis manam munarquykitsu. 38Tsaynö kanqaykipitam wayikikunapis templuykipis tsunyaykar quëdanqa. 39Noqam nï: Manam yapay rikamankinatsu hasta <¡Tayta Diospa jutinchö shamuq runa alabashqa kaykullätsun!>#Sal. 118.26. ninqaykiyaq>>.
Currently Selected:
Mateo 23: qxo
Highlight
Share
Copy
Want to have your highlights saved across all your devices? Sign up or sign in
© 2002, 2008, Wycliffe Bible Translators, Inc. All rights reserved.