O ZAKHARIA 6
6
O lolega mangale o kereta ihi poparangi o gahumu iata
1Ngohi tamake o lolega mahomoa. Mamoi nënanga tamake o kereta ihi poparangi o gahumu iata ihupu o l̄oku o tabaga hinoto mahi dogoronaino. 2#Him. 6:4, 5 Hagala o kereta gënanga yatauru o kuda deʼ ma habi-habi, madodihiraka o kuda madoka-dokara, mahinoto o kuda ma daro-daromo, 3#Him. 6:2 ma hange o kuda ma gare-garehe deʼ maiata o kuda ma bä bänga. 4Ngohi tileha o malaikatika gënanga, ”Tuanga, okia ma mangarati hagala o kereta ihi poparangi nënanga?”
5 #
Him. 7:1
Unanga wohaluhu, ”Onanga ima goraka manga meta iatika o alami magilolitino ma Jou iwi himanga ibötino. 6O kereta ihi poparangi ya tö tau-tauru mangale o kuda ma daro-daromo yo dumutu o Babelika o koremieuku. O kuda magare-garehe ma dumutu o wange ma dumuniha deʼ o kuda mabä bänga ma dumutu o negaraika o koreharail̄e.”
7Maöraha o kuda ma bä bänga gënanga ihupu, önanga hä pulo-pulono yosabarua mangale yöiki yatailako o dunia. O malaikat gënanga itemo, ”Nioiki mangale nia tailako o dunia!” Daha önanga yöiki. 8Ipaha o malaikat gënanga ipöaka ngohino, ”O kuda iyö oi-oiki o Babelika gënanga yarïdioka ma Jou Ai dohata.”
O pareta mangale iwi makota o Yosua
9Ma Jou wohi döaka o behehongo nënanga ngohino. 10Wato, ”Nal̄e o huhuba ihi dö doa-doaka o Heldai, o Tobia deʼ o Yedaya, enagënanga hagala o nyawa daha ö yolö lio-lio o tabuangino o Babeloka. Nao itaiti toönanga manga huhuba gënanga o Yosia o Zefanya aingohaka ai tauika. 11O gurasi deʼ o haaka toönanga manga ngongike gënanga, na diai moi o makota deʼ nihi pake ma Imam womo Mulia o Yosua ai häekoka o Yozadak aingohaka. 12#Yer. 23:5, 33:15; Za. 3:8 No hiädono unangika Ngohi o Jou Duru woko Kuaha totemo, ’O nyawa iwihö heto-hetongo o Dori i mo Mulia, aha wohasili ünanga naga ai ngïoka deʼ ünanga aha wohi gokookaoli ma Jou Ai Tau. 13Unanga aha wohi goko Ahi tau deʼ wa tarima o horomati hokä womatengo o koano, deʼ ünanga aha wäpareta mangale ai kawaha. Woma tengo ma imam aha widatekuku ünanga deʼ önanga aha yokarajanga imanïki deʼ imahininga moi.’ 14O Mahkota gënanga yagogono Ahi Tauoka mangale ya hininga o Heldia, o Tobia, o Yedaya, deʼ o Yosia. 15Hagala o nyawa aha yoboa o ngï magogurutino deʼ yoriwo ihi goko Ahi Tau. Nako o tau ma ago-agomo gënanga iböto, önanga aha ihi öriki Ngohi o Jou Duru woko Kuaha toni hulokoka ngona onangika. Mata-mata gënanga aha idadi nako önanga igou-goungu ihi ngounu hagala Ahi pareta, o Jou toönanga manga Jou Madutu.”
Currently Selected:
O ZAKHARIA 6: TLB
Highlight
Copy
Compare
Share
Want to have your highlights saved across all your devices? Sign up or sign in
