O MATIUS 5
5
O riwayati o doporonoka
1Maöraha o Yesus wämäke manga ngöe o nyawa gënanga, Unanga wodöa o doporonil̄e. De wogogerukuoka, iwinöninïki yaino Unangino, 2deʼ Unanga womuläenge wädotoko önanga:
O utumu madutu
(Luk. 6:20-23)
3”Yo utumu o nyawa yamäo imä gakunua, deʼ duga-duga imahi gagao ma Jouika dika;
önanga ganga ma Jou Madutu Ai umati!
4 #
Yes. 61:2
Yo utumu o nyawa manga hininga ihuha;
ma Jou Madutu aha wä laru önanga!
5 #
Mzm. 37:11
Yo utumu o nyawa manga hininga ipoluluku;
ma Jou Madutu aha watotomo Ai jaji onangika!
6 #
Yes. 55:1-2
Yo utumu o nyawa duru yohininga yadiai ma Jou Madutu Ai mau;
ma Jou Madutu aha wahi döaka hiädono yäwedono!
7Yo utumu o nyawa yä dora o nyawa mahomoa;
ma Jou Madutu aha wä dora onangö!
8 #
Mzm. 24:3-4
Yo utumu o nyawa manga hininga itebini;
ona aha iwi näko ma Jou Madutu.
9Yo utumu o nyawa yo ao o dame o nyawaika;
ma Jou Madutu aha woma ngaku önanga hokä Ai ngoha-ngohaka!
10 #
1Pet. 3:14
Yo utumu o nyawa o aniaya yamäke karana yodiai ma Jou Madutu aimau;
önanga ganga ma Jou Madutu Ai umati!
11 #
1Pet. 4:14
Ni utumu ngini, nako inï hohohedu, inïaniaya, deʼ o romanga madorou inïdiai mangale Ngohi. 12#2Taw. 36:16; Kis. 7:52 O nabi-nabi yowango ihiraka de ngini, yä aniayaoka hoko gënanga. Nimörene deʼ nigarago, hababu tingini niahëwa kahä amoko ma Jou wasadia ukuoka mangale ngini.”
O gahi mawaja deʼ o dararono
(Mark. 9:50; Luk. 14:34-35)
13 #
Mark. 9:50; Luk. 14:34-35 ”Ngini ganga o dunia magahi mawaja. Nako o gahi mawaja idadi iakere, yakunu igahioli? Koiwaka mafaidä, duga-duga yaumo deʼ o nyawa yadoko-doko.
14 #
Yoh. 8:12, 9:5 Ngini ganga o dunia madararono. O kota ikokelengauku o doporonoka, hamäkeua yaiunu. 15#Mark. 4:21; Luk. 8:16, 11:33 Koiwa naga o nyawa yawango manga hilo, deʼ yatamunuka mahilo gënanga de o rube. Mauna aha wa kelenga o hilo gënanga, o hilo mangï oka, hupaya o tau magoronaka manyawa yädararono. 16#1Pet. 2:12 Kogenangoli niadararono kokiani yädihiwara o nyawa manga himangoka, hupaya nia manarama-manarama maoa önanga yamäke, deʼ nia Ama o horogaka iwihi giriri.”
O dodötoko mangale o Yahudioka manga agama matita
17”Uha niato bote Ngohi nënanga taino tahohihanga o Musa ai tita deʼ o nabi-nabi manga dodötoko. Ngohi ta ino tahohihangua, mä tohidumutu toëna mamangarati magoungu. 18#Luk. 16:17 Niohohininga! Hokokia madekana o dihanga deʼ o dunia kanagahi, kama dulihi moiö de ekola matitiki moi maiteteke o tita gënanga magoronaka maaha koieheua, nako mata-mata gënanga koidadiowahi! 19Karana gënanga, o nagona hönanga moi dika yatilakuru, o pareta-pareta gënanga, ngaroka duru maiteteke, deʼ yädotoko o nyawa mahomoa yodiai hokogënanga, aha idadi duru yoeteke ma Jou Madutu Ai umati mahidogoronaka. De o nagonahönanga yamoteke o pareta-pareta gënanga, deʼ yädotoko o nyawa mahomoa hoko genangoli yodiai, aha idadi yolamoko ma Jou Madutu Ai umati mahi dogoronaka. 20Hoʼ, niohohininga: Ngini yakunua nidadi ma Jou Madutu Ai umati, nako nimahiholoiua o agama maguru-guru, deʼ o Farisi manyawa mangale niadiai ma Jou Madutu Ai mau!”
O nasihati mangale o gangamo
(Luk. 12:57-59)
21 #
Kel. 20:13; Ul. 5:17 ”Ngini nianäko nangaete de nangatohoraka ngone hamäke o dodötoko hoko nënanga: Uha nitoma; o nagona hönanga yotoma, kokiani yätailako yahidero o hukumanga. 22Mä oraha nënanga Ngohi tinïtemo nginika, o nagona hönanga yängamo o nyawa mahomoa, aha yätailako yahowono ekola yatiai; deʼ o nagona hönanga yädöana o nyawa mahomoa, aha yätailako yahowono ekola yatiai o Agama ma Juru Hakimi mahimangoka. Deʼ o nagona hönanga yätemo o nyawa mahomoaika, ’Fuma,’ ipatutu yäumo o naraka maukuika. 23Hababu gënanga, nako ngini niahidogoronaka womatëngo, magogiriaka wohihuba ai ngongike ma Jou Madutuika, deʼ womahininga naga o nyawa manga hininga yohiri unangika, 24kokiani ünanga wamal̄aikahi aihuba gënanga o huba mangï mahimangoka, deʼ woiki wïdameohi o nyawa gënanga. Iböto de gënanga, ünanga yakunu womakilioro deʼ wohihuba ai ngongike ma Jou Madutuika.
25Ade-ade naga o nyawa inïkalaki ngini o juru hakimika, nima kadameoka de una, nako nagahi o öraha, i hira de o juru hakimika niaädono. Nako kowali, o nyawa gënanga aha winïao, winihi lapahi o hakimika, de aha o hakimi inïao, inihilapahi o polisiika. Deʼ o polisi aha inihingohama ngini o buiika. 26Deʼ niohohininga: Maraioka aha niakunua nihupu o buioka gënanga, ihira de nia bobangu niamata nifangu.”
Mangale o howono
27 #
Kel. 20:14; Ul. 5:18 ”Ngini nihi oriki naga o dodötoko hoko nënanga: Uha nihowono. 28Mä örahanënanga Ngohi tinïtemo nginika: o nagona hönanga imi pulono o ngoheka momatëngo de imïnahihu, o nyawa gënanga yohowonoka de o ngoheka gënanga manga hiningaka. 29#Mat. 18:9; Mark. 9:47 Nako anilako maniraka idadi o hababu ngona nobaradoha, natubalenge deʼ naümo anilako gënanga! De ani röehe magahumu yaümo o narakaika, iholoi yaoa nako aniröehe o hidoku moi ihihanga. 30#Mat. 18:8; Mark. 9:43 Nako anigiama maniraka idadi o hababu ngona nobaradoha, natobiki deʼ naümo anigiama gënanga! De ani röehe magahumu iwohama o narakaika, i holoi yaoa ani giama mahononga ihihanga.”
Mangale o ngongoluku
(Mat. 19:9; Mark. 10:11-12; Luk. 16:18)
31 #
Ul. 24:1-4; Mat. 19:7; Mark. 10:4 ”Nagaö o dodötoko hokonënanga: o naguna womi oluku ngoi hekata, kokiani womihi döaka o ngongoluku mahurata munangika. 32#Mat. 19:9; Mark. 10:11-12; Luk. 16:18; 1Kor. 7:10-11 Mä orahanënanga Ngohi tinïtemo nginika: o nagona hönanga yäoluku manga hekata, enahioko o ngoheka gënanga mohowonua, idadi hababu o ngoheka gënanga mohowono, nako ngoi hekata gënanga mokawingoli o nyawa mahomoaika. Deʼ o nagona hönanga yokawingi de o ngoheka imi olu-olukika gënanga, onangö kayo howono.”
Mangale o koboto
33 #
Im. 19:12; Bil. 30:2; Ul. 23:21 ”Ngini nihiöriki, nangaete de nangatohoraka hamäke o dodötoko hoko nënanga: uha anijaji natilakuru. Okia nojajioka de makoboto ma Jou Madutu aihimangoka, kokiani ngona nadiai. 34#Yak. 5:12; Yes. 66:1; Mat. 23:22 Mä örahanënanga Ngohi tinïtemo nginika: hakali-kali uha nikoboto, kayaoa de o dihanga, hababu o dihanga gënanga ma Jou Madutu aikuruhi mangï, 35#Yes. 66:1; Mzm. 48:3 ekola de o dunia, hababu o dunia ganga Ai l̄ou mahohol̄e; ekola de o Yerusalem, hababu genangala o Koano yolago-agomo manga kota. 36Uhali nokoboto de anihäeke, hababu ngona mahirete nakunua nadiai anitadauru idadi iarehe ekola itaromo, ngaro kaoutu mangai moi. 37Nitemo dika ’Igoungu’ ekola ’Kowali’ – i holoi de gënanga o Ibilihioka de yaino.”
O nasihati mangale o balaha
(Luk. 6:29-30)
38 #
Kel. 21:24; Im. 24:20; Ul. 19:21 ”Ngini nihiöriki nagaö o dodötoko hokonënanga: o lako madagali o lako, o ingiri madagali o ingiri. 39Mä öraha nënanga Ngohi tinï temo nginika: o nyawa o dorou yodiai nginika, onangika uha nia janggutu nia balaha. Nako o nyawa yapöka nia gotoaka maniraka, mal̄aika la yapökaoli nia gotoaka mahigili. 40Deʼ nako o nyawa inï kalaki o hakimika deʼ yomau yal̄ë nia baju, nia juba maniahi döaka dika. 41Nako womatëngo o popareta winï pakisa ai baranga nia moku, magurutika o kilo moi, nia moku magurutika o kilo hinoto. 42Nako o nyawa yogahoko niakia naga, niahidöaka onangika. Deʼ uhaoli nioluku o nyawa yomau yobau okia naga nginino.”
Niä dora nia haturü
(Luk. 6:27-28, 32-36)
43 #
Im. 19:18
”Ngini nihiöriki nagaö o dodötoko hokonënanga: niädora niadodiawo deʼ niadohata niahaturü. 44Mä öraha nënanga Ngohi tinïtemo nginika: niädora niahaturü, deʼ niahihubayanga o nyawa inï o aniaya, 45hupaya ngini nidadi nia Ama o horogaka ai ngoha-ngohaka. Hababu ma Jou Madutu aiwange waböa, o nyawa maoaika deʼ o nyawa madorouikaö. Una wohi guti o awana, o nyawa o oa yadodiaika deʼ o nyawa o dorou yododiaikaö. 46Hababu nako ngini niädora duga-duga kao nyawa inïdora-doraoka dika, wohidodoa ma Jou Madutu kokiani wabalaha niamanarama gënanga? Mode koigoungua o soungu yogaho-gahoko maka hoko genangoli yodiai? 47Deʼ nako ngini nihi döaka o tabea duga-duga niadodiawoika dika, okia niaboloi? O nyawa iwinäko-näkoua ma Jou Madutu kahokogënanga yodiai! 48#Im. 19:2; Ul. 18:13 Nia Ama o horogaka wä dora o nyawa makuranga okia-kiaua. Ngini kokiani hoko genangoli.”
Currently Selected:
O MATIUS 5: TLB
Highlight
Copy
Compare
Share
Want to have your highlights saved across all your devices? Sign up or sign in
O MATIUS 5
5
O riwayati o doporonoka
1Maöraha o Yesus wämäke manga ngöe o nyawa gënanga, Unanga wodöa o doporonil̄e. De wogogerukuoka, iwinöninïki yaino Unangino, 2deʼ Unanga womuläenge wädotoko önanga:
O utumu madutu
(Luk. 6:20-23)
3”Yo utumu o nyawa yamäo imä gakunua, deʼ duga-duga imahi gagao ma Jouika dika;
önanga ganga ma Jou Madutu Ai umati!
4 #
Yes. 61:2
Yo utumu o nyawa manga hininga ihuha;
ma Jou Madutu aha wä laru önanga!
5 #
Mzm. 37:11
Yo utumu o nyawa manga hininga ipoluluku;
ma Jou Madutu aha watotomo Ai jaji onangika!
6 #
Yes. 55:1-2
Yo utumu o nyawa duru yohininga yadiai ma Jou Madutu Ai mau;
ma Jou Madutu aha wahi döaka hiädono yäwedono!
7Yo utumu o nyawa yä dora o nyawa mahomoa;
ma Jou Madutu aha wä dora onangö!
8 #
Mzm. 24:3-4
Yo utumu o nyawa manga hininga itebini;
ona aha iwi näko ma Jou Madutu.
9Yo utumu o nyawa yo ao o dame o nyawaika;
ma Jou Madutu aha woma ngaku önanga hokä Ai ngoha-ngohaka!
10 #
1Pet. 3:14
Yo utumu o nyawa o aniaya yamäke karana yodiai ma Jou Madutu aimau;
önanga ganga ma Jou Madutu Ai umati!
11 #
1Pet. 4:14
Ni utumu ngini, nako inï hohohedu, inïaniaya, deʼ o romanga madorou inïdiai mangale Ngohi. 12#2Taw. 36:16; Kis. 7:52 O nabi-nabi yowango ihiraka de ngini, yä aniayaoka hoko gënanga. Nimörene deʼ nigarago, hababu tingini niahëwa kahä amoko ma Jou wasadia ukuoka mangale ngini.”
O gahi mawaja deʼ o dararono
(Mark. 9:50; Luk. 14:34-35)
13 #
Mark. 9:50; Luk. 14:34-35 ”Ngini ganga o dunia magahi mawaja. Nako o gahi mawaja idadi iakere, yakunu igahioli? Koiwaka mafaidä, duga-duga yaumo deʼ o nyawa yadoko-doko.
14 #
Yoh. 8:12, 9:5 Ngini ganga o dunia madararono. O kota ikokelengauku o doporonoka, hamäkeua yaiunu. 15#Mark. 4:21; Luk. 8:16, 11:33 Koiwa naga o nyawa yawango manga hilo, deʼ yatamunuka mahilo gënanga de o rube. Mauna aha wa kelenga o hilo gënanga, o hilo mangï oka, hupaya o tau magoronaka manyawa yädararono. 16#1Pet. 2:12 Kogenangoli niadararono kokiani yädihiwara o nyawa manga himangoka, hupaya nia manarama-manarama maoa önanga yamäke, deʼ nia Ama o horogaka iwihi giriri.”
O dodötoko mangale o Yahudioka manga agama matita
17”Uha niato bote Ngohi nënanga taino tahohihanga o Musa ai tita deʼ o nabi-nabi manga dodötoko. Ngohi ta ino tahohihangua, mä tohidumutu toëna mamangarati magoungu. 18#Luk. 16:17 Niohohininga! Hokokia madekana o dihanga deʼ o dunia kanagahi, kama dulihi moiö de ekola matitiki moi maiteteke o tita gënanga magoronaka maaha koieheua, nako mata-mata gënanga koidadiowahi! 19Karana gënanga, o nagona hönanga moi dika yatilakuru, o pareta-pareta gënanga, ngaroka duru maiteteke, deʼ yädotoko o nyawa mahomoa yodiai hokogënanga, aha idadi duru yoeteke ma Jou Madutu Ai umati mahidogoronaka. De o nagonahönanga yamoteke o pareta-pareta gënanga, deʼ yädotoko o nyawa mahomoa hoko genangoli yodiai, aha idadi yolamoko ma Jou Madutu Ai umati mahi dogoronaka. 20Hoʼ, niohohininga: Ngini yakunua nidadi ma Jou Madutu Ai umati, nako nimahiholoiua o agama maguru-guru, deʼ o Farisi manyawa mangale niadiai ma Jou Madutu Ai mau!”
O nasihati mangale o gangamo
(Luk. 12:57-59)
21 #
Kel. 20:13; Ul. 5:17 ”Ngini nianäko nangaete de nangatohoraka ngone hamäke o dodötoko hoko nënanga: Uha nitoma; o nagona hönanga yotoma, kokiani yätailako yahidero o hukumanga. 22Mä oraha nënanga Ngohi tinïtemo nginika, o nagona hönanga yängamo o nyawa mahomoa, aha yätailako yahowono ekola yatiai; deʼ o nagona hönanga yädöana o nyawa mahomoa, aha yätailako yahowono ekola yatiai o Agama ma Juru Hakimi mahimangoka. Deʼ o nagona hönanga yätemo o nyawa mahomoaika, ’Fuma,’ ipatutu yäumo o naraka maukuika. 23Hababu gënanga, nako ngini niahidogoronaka womatëngo, magogiriaka wohihuba ai ngongike ma Jou Madutuika, deʼ womahininga naga o nyawa manga hininga yohiri unangika, 24kokiani ünanga wamal̄aikahi aihuba gënanga o huba mangï mahimangoka, deʼ woiki wïdameohi o nyawa gënanga. Iböto de gënanga, ünanga yakunu womakilioro deʼ wohihuba ai ngongike ma Jou Madutuika.
25Ade-ade naga o nyawa inïkalaki ngini o juru hakimika, nima kadameoka de una, nako nagahi o öraha, i hira de o juru hakimika niaädono. Nako kowali, o nyawa gënanga aha winïao, winihi lapahi o hakimika, de aha o hakimi inïao, inihilapahi o polisiika. Deʼ o polisi aha inihingohama ngini o buiika. 26Deʼ niohohininga: Maraioka aha niakunua nihupu o buioka gënanga, ihira de nia bobangu niamata nifangu.”
Mangale o howono
27 #
Kel. 20:14; Ul. 5:18 ”Ngini nihi oriki naga o dodötoko hoko nënanga: Uha nihowono. 28Mä örahanënanga Ngohi tinïtemo nginika: o nagona hönanga imi pulono o ngoheka momatëngo de imïnahihu, o nyawa gënanga yohowonoka de o ngoheka gënanga manga hiningaka. 29#Mat. 18:9; Mark. 9:47 Nako anilako maniraka idadi o hababu ngona nobaradoha, natubalenge deʼ naümo anilako gënanga! De ani röehe magahumu yaümo o narakaika, iholoi yaoa nako aniröehe o hidoku moi ihihanga. 30#Mat. 18:8; Mark. 9:43 Nako anigiama maniraka idadi o hababu ngona nobaradoha, natobiki deʼ naümo anigiama gënanga! De ani röehe magahumu iwohama o narakaika, i holoi yaoa ani giama mahononga ihihanga.”
Mangale o ngongoluku
(Mat. 19:9; Mark. 10:11-12; Luk. 16:18)
31 #
Ul. 24:1-4; Mat. 19:7; Mark. 10:4 ”Nagaö o dodötoko hokonënanga: o naguna womi oluku ngoi hekata, kokiani womihi döaka o ngongoluku mahurata munangika. 32#Mat. 19:9; Mark. 10:11-12; Luk. 16:18; 1Kor. 7:10-11 Mä orahanënanga Ngohi tinïtemo nginika: o nagona hönanga yäoluku manga hekata, enahioko o ngoheka gënanga mohowonua, idadi hababu o ngoheka gënanga mohowono, nako ngoi hekata gënanga mokawingoli o nyawa mahomoaika. Deʼ o nagona hönanga yokawingi de o ngoheka imi olu-olukika gënanga, onangö kayo howono.”
Mangale o koboto
33 #
Im. 19:12; Bil. 30:2; Ul. 23:21 ”Ngini nihiöriki, nangaete de nangatohoraka hamäke o dodötoko hoko nënanga: uha anijaji natilakuru. Okia nojajioka de makoboto ma Jou Madutu aihimangoka, kokiani ngona nadiai. 34#Yak. 5:12; Yes. 66:1; Mat. 23:22 Mä örahanënanga Ngohi tinïtemo nginika: hakali-kali uha nikoboto, kayaoa de o dihanga, hababu o dihanga gënanga ma Jou Madutu aikuruhi mangï, 35#Yes. 66:1; Mzm. 48:3 ekola de o dunia, hababu o dunia ganga Ai l̄ou mahohol̄e; ekola de o Yerusalem, hababu genangala o Koano yolago-agomo manga kota. 36Uhali nokoboto de anihäeke, hababu ngona mahirete nakunua nadiai anitadauru idadi iarehe ekola itaromo, ngaro kaoutu mangai moi. 37Nitemo dika ’Igoungu’ ekola ’Kowali’ – i holoi de gënanga o Ibilihioka de yaino.”
O nasihati mangale o balaha
(Luk. 6:29-30)
38 #
Kel. 21:24; Im. 24:20; Ul. 19:21 ”Ngini nihiöriki nagaö o dodötoko hokonënanga: o lako madagali o lako, o ingiri madagali o ingiri. 39Mä öraha nënanga Ngohi tinï temo nginika: o nyawa o dorou yodiai nginika, onangika uha nia janggutu nia balaha. Nako o nyawa yapöka nia gotoaka maniraka, mal̄aika la yapökaoli nia gotoaka mahigili. 40Deʼ nako o nyawa inï kalaki o hakimika deʼ yomau yal̄ë nia baju, nia juba maniahi döaka dika. 41Nako womatëngo o popareta winï pakisa ai baranga nia moku, magurutika o kilo moi, nia moku magurutika o kilo hinoto. 42Nako o nyawa yogahoko niakia naga, niahidöaka onangika. Deʼ uhaoli nioluku o nyawa yomau yobau okia naga nginino.”
Niä dora nia haturü
(Luk. 6:27-28, 32-36)
43 #
Im. 19:18
”Ngini nihiöriki nagaö o dodötoko hokonënanga: niädora niadodiawo deʼ niadohata niahaturü. 44Mä öraha nënanga Ngohi tinïtemo nginika: niädora niahaturü, deʼ niahihubayanga o nyawa inï o aniaya, 45hupaya ngini nidadi nia Ama o horogaka ai ngoha-ngohaka. Hababu ma Jou Madutu aiwange waböa, o nyawa maoaika deʼ o nyawa madorouikaö. Una wohi guti o awana, o nyawa o oa yadodiaika deʼ o nyawa o dorou yododiaikaö. 46Hababu nako ngini niädora duga-duga kao nyawa inïdora-doraoka dika, wohidodoa ma Jou Madutu kokiani wabalaha niamanarama gënanga? Mode koigoungua o soungu yogaho-gahoko maka hoko genangoli yodiai? 47Deʼ nako ngini nihi döaka o tabea duga-duga niadodiawoika dika, okia niaboloi? O nyawa iwinäko-näkoua ma Jou Madutu kahokogënanga yodiai! 48#Im. 19:2; Ul. 18:13 Nia Ama o horogaka wä dora o nyawa makuranga okia-kiaua. Ngini kokiani hoko genangoli.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in