O MATIUS 4
4
O Yesus o Ibilihi iwi taili
(Mark. 1:12-13; Luk. 4:1-13)
1 #
Ibr. 2:18, 4:15 Ipaha, ma Jou Madutu Ai Womaha iwi ao o Yesus, o tonaka ikokakahaika la o Ibilihi iwi taili. 2O wange moruata de o hutu moruata, o Yesus wol̄omua. Deʼ una wamäo iwi hahini. 3O Ibilihi yaino deʼ itemo, ”Koigoungua Ngona ma Jou Madutu Ai Ngohaka? Aa, nahuloko o helewo-helewo nënanga idadi o roti.”
4 #
Ul. 8:3
O Yesus wohaluhu, ”Ma Jou Ai Demo ma Buku magoronaka itulihi: O nyawa yamäkeua yowango de o roti dika, mä yakunoli, de o demo moi de moi, ma Jou Madutu wohidö demo-demo.”
5I böto de gënanga o Ibilihi iwi ao o Yesus o Yerusalemika, o kota itebi-tebini, deʼ iwi kelengauku ma Jou Madutu Ai Tau maponatoka. 6#Mzm. 91:11-12 Deʼ o Ibilihi itemo Unangika, ”Koigoungua Ngona ma Jou Madutu Ai Ngohaka? Nomangumo daenguku; hababu Ma Jou Ai Demo ma Buku magoronaka naga itulihi hoko nënanga,
’Ma Jou Madutu aha wähuloko Ai malaekat-malaekat ini göana ngona,
ona aha ini lëgono de manga giama,
hupaya ani l̄ou mauha ipeleke o helewoika.’ ”
7 #
Ul. 6:16
O Yesus wohaluhu, ”Mä Ma Jou Ai Demo ma Buku magoronaka i tuliholi, ’Uha ngona nï taili ani Jou Madutu.’ ”
8Ipaha o Yesus iwiaooli o Ibilihi o l̄okuil̄e, de o l̄oku gënanga duru ikurutil̄e, deʼ iwihi dumutu Unangika mata-mata o duniaka mapopareta de toënanga makaya. 9Deʼ o Ibilihi iwitemo o Yesusika, ”Mata-mata nënanga ngohi tonihidöaka Ngonaika, nako Ngona natilabuku nohihuba ngohi.”
10 #
Ul. 6:13
O Yesus wohaluhu, ”Noiki, nopiringana ngona, hei Nogoda-goda! Ma Jou Ai Demo ma Buku magoronaka itulihi: Niwi huba ma Jou, nia Jou Madutu, deʼ niwï leleani Unanga dika!”
11Mabaha o Ibilihi iwimal̄aka o Yesus, deʼ o malaekat-malaekat yaino iwï leleani Unanga.
O Yesus womuläenge Ai manarama o Galilea madaeraka
(Mark. 1:14-15; Luk. 4:14-15)
12 #
Mat. 14:3; Mark. 6:17; Luk. 3:19-20 Maöraha yoihene o Yohanis iwihi ngohama o buiika, o Yesus womahiditoko o Galileaika. 13#Yoh. 2:12 Una wamal̄a o Nazaret, deʼ wogogere o Kapernaum mabereraka, o Galilea ma Taaga madatekoka, o Zebulon deʼ o Naftali manga daeraoka. 14Karana o Yesus wadiai o hali gënanga, idadi hokä okia ma Nabi Yesaya wotemo,
15 #
Yes. 9:1-2
”O Zebulon aitonaka deʼ o Naftali aitonaka,
o ngëkomo o taagaika, o Yordan ma Ngairi mahonongaka,
o Galilea o Yahudi okaua manga tonaka!
16O hoana manyawa yowango o huhutu magoronaka
o dararono itotararono yamäkeoka!
Yogö gogere o honenge mahuhutu mabereraka
yadupudaka o dararono macahaya!”
17 #
Mat. 3:2
Madero o öraha gënanga, o Yesus womuläenge wohi ngahu, ”Nitoba bötohi o baradoha nidiai, karana aha dema japatioka, ma Jou Madutu wopareta hokä o Koano!”
O Yesus Wä ahoko o nawoko yolingi-lingiri yaruata
(Mark. 1:16-20; Luk. 5:1-11)
18Maöraha o Yesus magogiriaka wotagi o Galilea ma Taaga mahohanino, Unanga wämäke yahinoto o nawoko yolingi-lingiri, enagënanga o Simon (iwihi romangoli o Petrus) de aidodoto, o Andreas. Onanga magogiriaka o nawoko yotagoko, de o homa, o taagaoka. 19O Yesus wätemo onangika, ”Niaino nihinïki Ngohi. Ngohi tinï dotoko ngini o nyawa nihoma.” 20Onanga kahigila yamal̄aika manga homa deʼ iwi nïki o Yesus.
21O Yesus wotagi gila-gila, de wä mäkeoli mahomoa o riadodoto, enagënanga o Yakobus deʼ o Yohanis, o Zebedeus aingoha-ngohaka. Onanga de manga ama magogiriaka manga homa ihidiai manga ngotiroka. O Yesus wä ahoko onangö, 22deʼ onanga kahigila yamal̄aika manga ngotiri deʼ manga ama, deʼ iwinïki o Yesus.
O Yesus wodotoko, woriwayati, deʼ wahi togumu o nyawa
(Luk. 6:17-19)
23 #
Mat. 9:35; Mark. 1:39 O Yesus wakiloliti o Galilea maberera mata-mataika, deʼ wodotoko o pupuji matauoka. Unanga wohi ngahu o Abari ma Oa, ma Jou Madutu aha wopareta. De Unangö wahi togumu o nyawa yopopanyake deʼ manga röehe iahu-ahumua. 24O abari mangale o Yesus gënanga yodogilianga o Siria maberera mata-mataika, hiädono manga ngöe o nyawa yaino Unangino. Onanga yä ao o nyawa yatago-tagongo hagala rupa o panyake, deʼ o huha. O nyawa yängoha-ngohama o womaha madorou, yahöhohomu, deʼ yolugu-lugu, mata-mata o Yesus wahitogumu. 25Iwinöninïki o Yesus o öraha gënanga duru kamanga ngöe. Naga o Galilea de yaino, o Kota Ngimoi de yaino, o Yerusalem de yaino, o Yudeaino, deʼ nagaoli o Yordan ma Ngairi mahonongaka de yaino.
Currently Selected:
O MATIUS 4: TLB
Highlight
Copy
Compare
Share
Want to have your highlights saved across all your devices? Sign up or sign in
O MATIUS 4
4
O Yesus o Ibilihi iwi taili
(Mark. 1:12-13; Luk. 4:1-13)
1 #
Ibr. 2:18, 4:15 Ipaha, ma Jou Madutu Ai Womaha iwi ao o Yesus, o tonaka ikokakahaika la o Ibilihi iwi taili. 2O wange moruata de o hutu moruata, o Yesus wol̄omua. Deʼ una wamäo iwi hahini. 3O Ibilihi yaino deʼ itemo, ”Koigoungua Ngona ma Jou Madutu Ai Ngohaka? Aa, nahuloko o helewo-helewo nënanga idadi o roti.”
4 #
Ul. 8:3
O Yesus wohaluhu, ”Ma Jou Ai Demo ma Buku magoronaka itulihi: O nyawa yamäkeua yowango de o roti dika, mä yakunoli, de o demo moi de moi, ma Jou Madutu wohidö demo-demo.”
5I böto de gënanga o Ibilihi iwi ao o Yesus o Yerusalemika, o kota itebi-tebini, deʼ iwi kelengauku ma Jou Madutu Ai Tau maponatoka. 6#Mzm. 91:11-12 Deʼ o Ibilihi itemo Unangika, ”Koigoungua Ngona ma Jou Madutu Ai Ngohaka? Nomangumo daenguku; hababu Ma Jou Ai Demo ma Buku magoronaka naga itulihi hoko nënanga,
’Ma Jou Madutu aha wähuloko Ai malaekat-malaekat ini göana ngona,
ona aha ini lëgono de manga giama,
hupaya ani l̄ou mauha ipeleke o helewoika.’ ”
7 #
Ul. 6:16
O Yesus wohaluhu, ”Mä Ma Jou Ai Demo ma Buku magoronaka i tuliholi, ’Uha ngona nï taili ani Jou Madutu.’ ”
8Ipaha o Yesus iwiaooli o Ibilihi o l̄okuil̄e, de o l̄oku gënanga duru ikurutil̄e, deʼ iwihi dumutu Unangika mata-mata o duniaka mapopareta de toënanga makaya. 9Deʼ o Ibilihi iwitemo o Yesusika, ”Mata-mata nënanga ngohi tonihidöaka Ngonaika, nako Ngona natilabuku nohihuba ngohi.”
10 #
Ul. 6:13
O Yesus wohaluhu, ”Noiki, nopiringana ngona, hei Nogoda-goda! Ma Jou Ai Demo ma Buku magoronaka itulihi: Niwi huba ma Jou, nia Jou Madutu, deʼ niwï leleani Unanga dika!”
11Mabaha o Ibilihi iwimal̄aka o Yesus, deʼ o malaekat-malaekat yaino iwï leleani Unanga.
O Yesus womuläenge Ai manarama o Galilea madaeraka
(Mark. 1:14-15; Luk. 4:14-15)
12 #
Mat. 14:3; Mark. 6:17; Luk. 3:19-20 Maöraha yoihene o Yohanis iwihi ngohama o buiika, o Yesus womahiditoko o Galileaika. 13#Yoh. 2:12 Una wamal̄a o Nazaret, deʼ wogogere o Kapernaum mabereraka, o Galilea ma Taaga madatekoka, o Zebulon deʼ o Naftali manga daeraoka. 14Karana o Yesus wadiai o hali gënanga, idadi hokä okia ma Nabi Yesaya wotemo,
15 #
Yes. 9:1-2
”O Zebulon aitonaka deʼ o Naftali aitonaka,
o ngëkomo o taagaika, o Yordan ma Ngairi mahonongaka,
o Galilea o Yahudi okaua manga tonaka!
16O hoana manyawa yowango o huhutu magoronaka
o dararono itotararono yamäkeoka!
Yogö gogere o honenge mahuhutu mabereraka
yadupudaka o dararono macahaya!”
17 #
Mat. 3:2
Madero o öraha gënanga, o Yesus womuläenge wohi ngahu, ”Nitoba bötohi o baradoha nidiai, karana aha dema japatioka, ma Jou Madutu wopareta hokä o Koano!”
O Yesus Wä ahoko o nawoko yolingi-lingiri yaruata
(Mark. 1:16-20; Luk. 5:1-11)
18Maöraha o Yesus magogiriaka wotagi o Galilea ma Taaga mahohanino, Unanga wämäke yahinoto o nawoko yolingi-lingiri, enagënanga o Simon (iwihi romangoli o Petrus) de aidodoto, o Andreas. Onanga magogiriaka o nawoko yotagoko, de o homa, o taagaoka. 19O Yesus wätemo onangika, ”Niaino nihinïki Ngohi. Ngohi tinï dotoko ngini o nyawa nihoma.” 20Onanga kahigila yamal̄aika manga homa deʼ iwi nïki o Yesus.
21O Yesus wotagi gila-gila, de wä mäkeoli mahomoa o riadodoto, enagënanga o Yakobus deʼ o Yohanis, o Zebedeus aingoha-ngohaka. Onanga de manga ama magogiriaka manga homa ihidiai manga ngotiroka. O Yesus wä ahoko onangö, 22deʼ onanga kahigila yamal̄aika manga ngotiri deʼ manga ama, deʼ iwinïki o Yesus.
O Yesus wodotoko, woriwayati, deʼ wahi togumu o nyawa
(Luk. 6:17-19)
23 #
Mat. 9:35; Mark. 1:39 O Yesus wakiloliti o Galilea maberera mata-mataika, deʼ wodotoko o pupuji matauoka. Unanga wohi ngahu o Abari ma Oa, ma Jou Madutu aha wopareta. De Unangö wahi togumu o nyawa yopopanyake deʼ manga röehe iahu-ahumua. 24O abari mangale o Yesus gënanga yodogilianga o Siria maberera mata-mataika, hiädono manga ngöe o nyawa yaino Unangino. Onanga yä ao o nyawa yatago-tagongo hagala rupa o panyake, deʼ o huha. O nyawa yängoha-ngohama o womaha madorou, yahöhohomu, deʼ yolugu-lugu, mata-mata o Yesus wahitogumu. 25Iwinöninïki o Yesus o öraha gënanga duru kamanga ngöe. Naga o Galilea de yaino, o Kota Ngimoi de yaino, o Yerusalem de yaino, o Yudeaino, deʼ nagaoli o Yordan ma Ngairi mahonongaka de yaino.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in