O MATIUS 3
3
O Yohanis Wo ohi-ohiki airiwayati
(Mark. 1:1-8; Luk. 3:1-18; Yoh. 1:19-28)
1O öraha gënanga o Yohanis Woohi-ohiki waino o tonaka ikokakahaino o Yudea mabereraka deʼ muläenge woriwayati. 2#Mat. 4:17; Mark. 1:15 Wotemo, ”Nitoba bötohi o baradoha nidiai,” ”karana ma Jou Madutu de majapatioka aha wopareta hokä o Koano!” 3#Yes. 40:3 O Yohanis neünanga manyawa ma Nabi Yesaya wohidungutu aidemo-demo nënanga magoronaka,
”Naga o nyawa yopöa-pöaka o tonaka ikökakahaka,
’Nihidiai o ngëkomo mangale ma Jou;
mangale Una o ngëkomo nihi rata.’ ”
4 #
2Kok. 1:8
O onta magogo yadiai o baju, gënanga o Yohanis womahi baju. O aiwani makai yadiai o Yohanis ai gorona maninikutu, deʼ ai inomo o kahoho deʼ o honganika maohungu magula. 5O Yerusalem manyawa manga ngöe, deʼ ingodumu o Yudea maberera, deʼ o Yordan ma Ngairi magilolitino, önanga yoböa o Yohanisino. 6Onanga imangaku manga baradoha, deʼ o Yohanis wäohiki o Yordan ma Ngairoka.
7 #
Mat. 12:34, 23:33 Manga ngöeoli o Farisi deʼ o Saduki manyawa yoböa o Yohanisino la wäohiki. Mä o Yohanis wämake önanga yaino, ünanga wätemo onangika, ”Ngini o nyawa madorou! O nagona inihingahu ngini aha inïkoronaua ma Jou Madutu Ai hukumanga aha iböa-böa gënanga? 8Nihi dumutu niamanarama, ngini nitobaka o baradoha nidiaiokaua. 9#Yoh. 8:33 Uha niatobote ngini niakunu nimahi rehene de o hukumanga, de nitemo o Abraham ganga niaete de niatohora. Nio hohininga, o helewo-helewo nenangö, ma Jou Madutu wakunu wodiai o Abraham aidifauku! 10#Mat. 7:19 O bahuku ikelenga ukuoka o gota mapëngoka la magota yatol̄anga hiädono mangutu-ngutuku. O gota-gota ihohokua o hohoko maoa aha yatol̄anga deʼ yaümo o ukuika. 11Ngohi tinï ohiki de o akere, la inyata ngini o baradoha nidiai okaua de nitobaka; mä ipaha de ngohi aha womatengoli woböa, Una aha winï ohiki de ma Jou Madutu Ai Womaha deʼ o uku. Unangohi wolamoko de ngohi. Ai hapato dika to ao, genangö de topatutua. 12Ai giamoka naga o tatapa, la o gandum de maakemoka aha yatoomu, matauika, mä maafa aha yatuhuku o ukuika, mauku ihone-honengua.”
O Yesus iwi ohiki
(Mark. 1:9-11; Luk. 3:21-22)
13O öraha gënanga o Yesus o Galilea de woiki o Yordan ma Ngairika. Dokengoka Una waino o Yohanisino, deʼ wogahoko wïohiki. 14Mä o Yohanis wohitaili watila Ai gogahoko gënanga. O Yohanis wotemo, ”Ngohi kokiani ngona Bapa nohiohiki. Ino de o öraha nënanga Bapa naino ngohiino.”
15Mä o Yesus wohaluhu, ”Mal̄aika dika, örahanënanga. Hababu de hokogënanga, ngone hadiaioka mata-mata ma Jou Madutu Ai mau.” Hoʼ o Yohanis wïohiki o Yesus.
16Wïohiki iböto, de majapati o Yesus wohupu o akeril̄e. Itedekanua o dihanga ihelenga deʼ o Yesus wamäke ma Jou Madutu Ai Womaha iuti hokä o namo dara itangi unanguku. 17#Kej. 22:2; Mzm. 2:7; Yes. 42:1; Mat. 12:18, 17:5; Mark. 1:11; Luk. 9:35 Ipaha yoihene ma Jou Madutu Ai ilingi ihi ngahu, ”Nenangala Ahi Ngohaka tïdora-dora. Unanga Ahi hininga yadäene.”
Currently Selected:
O MATIUS 3: TLB
Highlight
Copy
Compare
Share
Want to have your highlights saved across all your devices? Sign up or sign in
