O MATIUS 18
18
O nagona iholoi yolamoko?
(Mark. 9:33-37; Luk. 9:46-48)
1 #
Luk. 22:24
O öraha gënanga o Yesus iwinöninïki yaino o Yesusino deʼ yoleha, ”O nagona yähetongo i holoi yolamoko ma Jou Madutu aiumati manga hidogoronaka?”
2O Yesus wïahoko o ngohaka maiteteke womatëngo, deʼ wïokoi l̄e manga himangoka. 3#Mark. 10:15; Luk. 18:17 Deʼ o Yesus wotemo, ”Ningaku! Duga-duga nako ngini nimägali de nidadi hokä o ngoha-ngohaka, ngini aha nidadi ma Jou Madutu aiumati. 4O nyawa ihi tipokouku manga diri deʼ yodadi hokä o ngohaka nënanga, ünanga iholoi wolamoko ma Jou Madutu aiumati manga hidogoronaka. 5Deʼ o nyawa yätarima o ngohaka hoko nënanga mangale Ngohi, mamangarati ihi tarima Ngohi.”
O hali-o hali idadi o hababu o nyawa o baradoha yodiai
(Mark. 9:42-48; Luk. 17:1-2)
6”O nagona yodadi o hababu iti imatëngo o ngohaka ma alu-aluhu nënanga yongakuokaua Ngohino, iholoi yaoa nako manga tomarino ihiliko o tapu de maguminoka deʼ yädoda o ngöto maluku-lukuku. 7Hokokia mabodito o dunia nënanga karana o hali mangöe idadi hababu o nyawa yobaradoha. Itiai mangöe o hali hokogënanga aha salalu naga, mä yobodito o nyawa yodädadi o hababu!
8 #
Mat. 5:30
Nako anigiama ekola anil̄ou idiai o hababu ngona nobaradoha, natobiki deʼ naumoka. Iholoi yaoa ngona nowango de ma Jou Madutu ngaroko anigiama deʼ anil̄ou kama hononga, imateroua nako de anigiama de anil̄ou hinotoö ini umo o naraka ma uku magoronaika. 9#Mat. 5:29 Deʼ nako ani lako idadi o hababu ngona o baradoha nodiai, natubalenge deʼ naumoka. Iholoi yaoa ngona nowango de ma Jou Madutu ngaroko anilako kamahononga, materoua nako de anilako hinotoö iniumo o naraka ma uku magoronaika.”
O hitotero mangale o duba ihïhihanga
(Luk. 15:3-7)
10”Nimahidodiai! Uha niahikauku mangale moi o ngoha-ngohaka manga alu-aluhu nënanga. Hababu nio hohininga toona manga malaekat-malaekat salalu naga Ahi Ama o horogaka aihimangoka.
[11#Luk. 19:10 Hababu o Nyawa manga Ngohaka woböa la wahihalamati o nyawa yohïhihanga!]
12Sarakia niadamäke? Demo maade naga womatëngo aiduba o ratuhu moi, deʼ gahumu moi o duba-duba gënanga mahi dogoronaka ihihanga, done okia aha wodiai maduba madutu gënanga? Marai ünanga aha wamal̄aika maduba mori hiwo de hiwo gënanga o tonaka i totoporonoka deʼ woiki walingiri ihïhihanga gënanga. 13Deʼ nako ünanga wamäkeoli o duba gënanga – nihi ngaku Ngohi – ünanga aha iholoi womörene de o duba gahumu moi ihï hihanga gënanga, iholoi de mori hiwo de hiwo ihï hihangua gënanga. 14Hoko genangoli nia Ama o horogaka, woluku o nyawa gënanga dahao ihingaku-ngaku Ngohino nënanga ima tëngoani yohihanga.”
Nako ani riadodoto yobaradoha
15 #
Luk. 17:3
”Nako aniriadodoto wobaradoha ngonaika, noiki unangika deʼ nihidumutu aihowono. Nadiai gënanga inihinotoka dika ngarouha de mahomoa ihiöriki. Nako wamoteke anidemo-demo, nohasiloka yakunu aniriadodoto gënanga nïmäke woma kilioro. 16#Ul. 19:15 Mä nako kowali, nä ao womatëngo ekola yahinotohi. Hababu Ma Jou Ai Demo ma Buku magoronaka itulihi, ’Makuranguku yahinoto ekola yaruange iparalu yohakihi, la yakunu inyata iwikokalaki gënanga wahowono.’ 17Nako ünanga watarimaua to ona manga nasihati, nohingahu o hali gënanga o jemaatika. Deʼ mabobaha nako ünanga woluku watarima o Jemaat manga nasihati, niwi etongoka ünanga hokä o soungu yogaho-gahoko deʼ iwi näko-näkoua ma Jou Madutu.”
Okianaga nioduhu-duhunu deʼ okianaga nihigogumal̄a
18 #
Mat. 16:19; Yoh. 20:23 ”Nihiorikoka: Okia ngini nihigumal̄aua o duniaka, o horogaokaö ihigumal̄aua. Deʼ okia ngini nihigoungu o duniaka, o horogakaö ihigoungu.
19Deʼ nihi orikoli: Nako ngini niahidogoronaka o duniaka nënanga yahinoto okia dika önanga imafakati, deʼ ihiniata, manga niata gënanga aha Ahi Ama o horogaka wohi moteke. 20Hababu kiaka yahinoto ekola yaruange imatoomu karana Ngohi, Ngohi naga to önanga manga hidogoronaka.”
O hitotero mangale ogilaongo womatëngo woluku wihiapongo aidodiawo
21 #
Luk. 17:3-4
De ipaha o Petrus waino o Yesusino deʼ woleha, ”Jou, nako ahiriadodoto wobaradoha ngohino, hiädono mamuruono ngohi kokiani tihiapongo ünanga? Hiädono matumidi?”
22O Yesus wohaluhu, ”Kowali, hiädono higali matumidua, mä matumidi higali mamori tumidi! 23Hababu o örahaokia ma Jou Madutu wopareta, madodagi hokä o hitotero nënanga: Okoano womatëngo womau aigogilaongo manga nagimi yofangu mata-mata. 24Maöraha ünanga womuläenge wotailako, womatëngo aigilaongo ainagimi de majuta-juta, wihimangika ma koano, 25deʼ wakunua wafangu wamata-mata. Hoʼ, ma koano gënanga wohi pareta hupaya o gilaongo gënanga iwi hukunu kamamoi de aingohaka de ngoi hekata deʼ hagala aiarata la ainagimi ihifangu. 26O gilaongo gënanga womaruku wohuba ma koano aihimangoka, deʼ wogahoko, ’Tuanga, nohihisabarohi anigilaongo. Ani gilaongo aha tafangu tamata-mata ahinagimi.’ 27Ma koano gënanga wïdora unangika, hiädono ma koano waehe mata-mata ainagimi hokoiwaka.
28Ipaha o gilaongo gënanga wohupuika, ünanga imamäke de aidodiawo womatëngo kao gilaongoli, ainagimi unangika o ribuhu muruono naga. Unanga wïtagoko aidodiawo gënanga de wïgoodongo deʼ wïtemo, ’Nofangu mata-mata aninagimi!ʼ 29Deʼ ai dodiawo gënanga womarukuku aihimangoka deʼ wogahoko, ’Ahi dodiawo nohihi sabarohi, aha tofangu tamata-mata!ʼ 30Mä o gilaongo gënanga woluku. De inoli, ünanga wihingohama aidodiawo o buika hiädono ünanga ainagimi wofangu. 31O gogilaongo mahomoa yamäke okia idädadioka gënanga, önanga manga hininga ihuha, deʼ ihingahu o hali gënanga ma koanoika. 32Ho ma koano gënanga wïahoko o gilaongo madorou gënanga deʼ wïtemo unangika, ’Gilaongo madorou! Mata-mata aninagimi taeheoka duga-duga karana ngona nogahoko ngohino. 33Mode koigoungua ngonaö kokiani nïdora anidodiawoika hokä ngohi ma tonïdoraka ngonaika?ʼ 34Ma koano gënanga duru wongamo. O gilaongo madorou gënanga iwihingohama o buika hiädono ünanga wofangu ainagimi wamata-mata.”
35O Yesus wohi bobaha aijarita de o demo-demo nënanga, ”Hoko genangoli Ahi Ama o horogaka aha wodiai nginika moi-moi, nako ngini niahiapongua niariadodoto de niahininga itebini.”
Currently Selected:
O MATIUS 18: TLB
Highlight
Copy
Compare
Share
Want to have your highlights saved across all your devices? Sign up or sign in
O MATIUS 18
18
O nagona iholoi yolamoko?
(Mark. 9:33-37; Luk. 9:46-48)
1 #
Luk. 22:24
O öraha gënanga o Yesus iwinöninïki yaino o Yesusino deʼ yoleha, ”O nagona yähetongo i holoi yolamoko ma Jou Madutu aiumati manga hidogoronaka?”
2O Yesus wïahoko o ngohaka maiteteke womatëngo, deʼ wïokoi l̄e manga himangoka. 3#Mark. 10:15; Luk. 18:17 Deʼ o Yesus wotemo, ”Ningaku! Duga-duga nako ngini nimägali de nidadi hokä o ngoha-ngohaka, ngini aha nidadi ma Jou Madutu aiumati. 4O nyawa ihi tipokouku manga diri deʼ yodadi hokä o ngohaka nënanga, ünanga iholoi wolamoko ma Jou Madutu aiumati manga hidogoronaka. 5Deʼ o nyawa yätarima o ngohaka hoko nënanga mangale Ngohi, mamangarati ihi tarima Ngohi.”
O hali-o hali idadi o hababu o nyawa o baradoha yodiai
(Mark. 9:42-48; Luk. 17:1-2)
6”O nagona yodadi o hababu iti imatëngo o ngohaka ma alu-aluhu nënanga yongakuokaua Ngohino, iholoi yaoa nako manga tomarino ihiliko o tapu de maguminoka deʼ yädoda o ngöto maluku-lukuku. 7Hokokia mabodito o dunia nënanga karana o hali mangöe idadi hababu o nyawa yobaradoha. Itiai mangöe o hali hokogënanga aha salalu naga, mä yobodito o nyawa yodädadi o hababu!
8 #
Mat. 5:30
Nako anigiama ekola anil̄ou idiai o hababu ngona nobaradoha, natobiki deʼ naumoka. Iholoi yaoa ngona nowango de ma Jou Madutu ngaroko anigiama deʼ anil̄ou kama hononga, imateroua nako de anigiama de anil̄ou hinotoö ini umo o naraka ma uku magoronaika. 9#Mat. 5:29 Deʼ nako ani lako idadi o hababu ngona o baradoha nodiai, natubalenge deʼ naumoka. Iholoi yaoa ngona nowango de ma Jou Madutu ngaroko anilako kamahononga, materoua nako de anilako hinotoö iniumo o naraka ma uku magoronaika.”
O hitotero mangale o duba ihïhihanga
(Luk. 15:3-7)
10”Nimahidodiai! Uha niahikauku mangale moi o ngoha-ngohaka manga alu-aluhu nënanga. Hababu nio hohininga toona manga malaekat-malaekat salalu naga Ahi Ama o horogaka aihimangoka.
[11#Luk. 19:10 Hababu o Nyawa manga Ngohaka woböa la wahihalamati o nyawa yohïhihanga!]
12Sarakia niadamäke? Demo maade naga womatëngo aiduba o ratuhu moi, deʼ gahumu moi o duba-duba gënanga mahi dogoronaka ihihanga, done okia aha wodiai maduba madutu gënanga? Marai ünanga aha wamal̄aika maduba mori hiwo de hiwo gënanga o tonaka i totoporonoka deʼ woiki walingiri ihïhihanga gënanga. 13Deʼ nako ünanga wamäkeoli o duba gënanga – nihi ngaku Ngohi – ünanga aha iholoi womörene de o duba gahumu moi ihï hihanga gënanga, iholoi de mori hiwo de hiwo ihï hihangua gënanga. 14Hoko genangoli nia Ama o horogaka, woluku o nyawa gënanga dahao ihingaku-ngaku Ngohino nënanga ima tëngoani yohihanga.”
Nako ani riadodoto yobaradoha
15 #
Luk. 17:3
”Nako aniriadodoto wobaradoha ngonaika, noiki unangika deʼ nihidumutu aihowono. Nadiai gënanga inihinotoka dika ngarouha de mahomoa ihiöriki. Nako wamoteke anidemo-demo, nohasiloka yakunu aniriadodoto gënanga nïmäke woma kilioro. 16#Ul. 19:15 Mä nako kowali, nä ao womatëngo ekola yahinotohi. Hababu Ma Jou Ai Demo ma Buku magoronaka itulihi, ’Makuranguku yahinoto ekola yaruange iparalu yohakihi, la yakunu inyata iwikokalaki gënanga wahowono.’ 17Nako ünanga watarimaua to ona manga nasihati, nohingahu o hali gënanga o jemaatika. Deʼ mabobaha nako ünanga woluku watarima o Jemaat manga nasihati, niwi etongoka ünanga hokä o soungu yogaho-gahoko deʼ iwi näko-näkoua ma Jou Madutu.”
Okianaga nioduhu-duhunu deʼ okianaga nihigogumal̄a
18 #
Mat. 16:19; Yoh. 20:23 ”Nihiorikoka: Okia ngini nihigumal̄aua o duniaka, o horogaokaö ihigumal̄aua. Deʼ okia ngini nihigoungu o duniaka, o horogakaö ihigoungu.
19Deʼ nihi orikoli: Nako ngini niahidogoronaka o duniaka nënanga yahinoto okia dika önanga imafakati, deʼ ihiniata, manga niata gënanga aha Ahi Ama o horogaka wohi moteke. 20Hababu kiaka yahinoto ekola yaruange imatoomu karana Ngohi, Ngohi naga to önanga manga hidogoronaka.”
O hitotero mangale ogilaongo womatëngo woluku wihiapongo aidodiawo
21 #
Luk. 17:3-4
De ipaha o Petrus waino o Yesusino deʼ woleha, ”Jou, nako ahiriadodoto wobaradoha ngohino, hiädono mamuruono ngohi kokiani tihiapongo ünanga? Hiädono matumidi?”
22O Yesus wohaluhu, ”Kowali, hiädono higali matumidua, mä matumidi higali mamori tumidi! 23Hababu o örahaokia ma Jou Madutu wopareta, madodagi hokä o hitotero nënanga: Okoano womatëngo womau aigogilaongo manga nagimi yofangu mata-mata. 24Maöraha ünanga womuläenge wotailako, womatëngo aigilaongo ainagimi de majuta-juta, wihimangika ma koano, 25deʼ wakunua wafangu wamata-mata. Hoʼ, ma koano gënanga wohi pareta hupaya o gilaongo gënanga iwi hukunu kamamoi de aingohaka de ngoi hekata deʼ hagala aiarata la ainagimi ihifangu. 26O gilaongo gënanga womaruku wohuba ma koano aihimangoka, deʼ wogahoko, ’Tuanga, nohihisabarohi anigilaongo. Ani gilaongo aha tafangu tamata-mata ahinagimi.’ 27Ma koano gënanga wïdora unangika, hiädono ma koano waehe mata-mata ainagimi hokoiwaka.
28Ipaha o gilaongo gënanga wohupuika, ünanga imamäke de aidodiawo womatëngo kao gilaongoli, ainagimi unangika o ribuhu muruono naga. Unanga wïtagoko aidodiawo gënanga de wïgoodongo deʼ wïtemo, ’Nofangu mata-mata aninagimi!ʼ 29Deʼ ai dodiawo gënanga womarukuku aihimangoka deʼ wogahoko, ’Ahi dodiawo nohihi sabarohi, aha tofangu tamata-mata!ʼ 30Mä o gilaongo gënanga woluku. De inoli, ünanga wihingohama aidodiawo o buika hiädono ünanga ainagimi wofangu. 31O gogilaongo mahomoa yamäke okia idädadioka gënanga, önanga manga hininga ihuha, deʼ ihingahu o hali gënanga ma koanoika. 32Ho ma koano gënanga wïahoko o gilaongo madorou gënanga deʼ wïtemo unangika, ’Gilaongo madorou! Mata-mata aninagimi taeheoka duga-duga karana ngona nogahoko ngohino. 33Mode koigoungua ngonaö kokiani nïdora anidodiawoika hokä ngohi ma tonïdoraka ngonaika?ʼ 34Ma koano gënanga duru wongamo. O gilaongo madorou gënanga iwihingohama o buika hiädono ünanga wofangu ainagimi wamata-mata.”
35O Yesus wohi bobaha aijarita de o demo-demo nënanga, ”Hoko genangoli Ahi Ama o horogaka aha wodiai nginika moi-moi, nako ngini niahiapongua niariadodoto de niahininga itebini.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in