O MATIUS 17
17
O Yesus wihi mulia
(Mark. 9:2-13; Luk. 9:28-36)
1 #
2Pet. 1:17-18
O wange butanga ipahaika o Yesus wäao o Petrus, o Yakobus deʼ aidodoto o Yohanis, imatingaka o l̄oku moika, mal̄oku gënanga kaha gurutil̄e. 2Manga himangoka, itodokanino o Yesus airupa ingali: Ai biono idadi itararono hokä o wange malako de Ai pakeanga mama garehe dei leto-letongo. 3Ipaha yaruange o Yesus iwinöninïki gënanga yämäke o Musa deʼ o Elia imäteke ade-ade de o Yesus. 4Deʼ o Petrus wotemo o Yesusika, ”Jou nenangoka ngone duru hosanangi. Nako Jou nöigo, ngohi aha tohi goko o tau-tau nenangoka gahumu hange: moi Tongona Jou, moi to Musa deʼ moioli to Elia.”
5 #
Kej. 22:2; Ul. 18:15; Mzm. 2:7; Yes. 42:1; Mat. 3:17, 12:18; Mark. 1:11; Luk. 3:22 O Petrus kawo temo-temohi, o lobi duru madodararono yähawo o Yesus, o Musa, deʼ o Elia, deʼ o lobino gënanga yoihene o ilingi itemo, ”Nenangala Ahi Ngohaka tïdora-dora. Unanga ahi hininga yadäene. Niwihi gihene Unanga!”
6O Petrus, o Yakobus deʼ o Yohanis, yoihene o ilingi gënanga önanga duru yohawana, hiädono imahitudukuku o tonakuku. 7Mä o Yesus waino deʼ wäsö önanga de wätemo, ”Nimomiki,” üha nihawana!” 8Ho de önanga imalegali, moiokaua önanga yämäke sowaliua o Yesus dika.
9Maöraha önanga o l̄okuoka de youti, o Yesus wahipoma-poma, ”Uha nihingahu kamoikaö okia kangano ngini niamäke nako o Nyawa manga Ngohaka womomikowahi o honenge mahi dogoronaka.”
10 #
Mal. 4:5
O Yesus iwinöninïki yoleha Unangika, ”Yadodoaho o agama maguru-guru yato o Elia kokiani wohiraino woböa?”
11O Yesus wohaluhu, ”Igoungu o Elia woböa deʼ unanga aha wohidiai itiai hagala mata-mata. 12#Mat. 11:14 Mä Ngohi tinïtemo nginika, o Elia woböaka, mä o nyawa iwinäkoua ünanga; önanga iwidiai manga hininga mahuka dika. Deʼ hoko genangoli önanga aha iwidiai o Nyawa manga Ngohaka.”
13Hoʼ o Yesus iwinöninïki imangarati, o Yesus woade-ade mangale o Yohanis Wo ohi-ohiki.
O Yesus wihitogumu o ngohaka womatëngo iwï ngohamika o womaha madorou
(Mark. 9:14-29; Luk. 9:37-43a)
14Maöraha o Yesus deʼ iwinöninïki yaruange imakilioro o nyawa yowöe-wöeino gënanga, o nauru womatëngo waino, wohuba o Yesus aihimangoka, 15deʼ wotemo, ”Bapa nïdora ahingohaka. Unanga iwihohomu. Nako aihohomu iböa duru kaihiri, hiädono mamoi-mamoi woduruba ukuika ekola o akeruku. 16Ngohi tiao oka iwinöninïkika Bapa, mä onanga yakunua iwihitogumu ünanga.”
17O Yesus wohaluhu, ”Goguleua ngini nënanga! Ngini igoungu niahininga irehene, deʼ ningakuua. Hiädono hokokia madëkana kokiani Ngohi togogere dede ngini deʼ Tinihi sabari? Niwiaoino o ngohaka gënanga!” 18Deʼ o Yesus wahuloko o womaha madorou o ngohaka aigoronaka gënanga ihupu. Deʼ o womaha madorou gënanga ihupu, deʼ o ngohaka gënanga o öraha gënanga dika wotogumu.
19Ipaha o Yesus iwinöninïki yaino o Yesusino, womatëngoka deʼ iwileha, ”Bapa, okia mahababu hongomi miakunua miaduhu o womaha madorou gënanga?”
20 #
Mat. 21:21; Mark. 11:23; 1Kor. 13:2 O Yesus wohaluhu, ”Hababu ngini niangongaku ikuranga. Nio hohininga! Nako ngini de niangongaku mapako hokä o sasawi mamui, ngini yakunu nitemo o l̄okuika nënanga, ’Nomatururu dokengika!ʼ marai o l̄oku nënanga aha imatururu. Koiwa moi okianaga la ngini niakunua nidiai! [21Mä o womaha madorou marupa hoko nënanga, yakunu iduhu, kokiani o hubayanga de o puaha dika.]”
O Yesus wohi ade-adeoli mangale Ai honenge
(Mark. 9:30-32; Luk. 9:43b-45)
22Maöraha o Yesus iwinöninïki imatoomu o Galileaoka, o Yesus wätemo onangika, ”Itedekanokaua, o Nyawa manga Ngohaka aha iwi hilapahi o nyawa manga kuahaika. 23Unanga aha iwi toma, mä o wange hangeoka Unanga aha iwihimomiki.”
De iwinöninïki duru manga hininga i huha.
Ma Jou Madutu ai Tau masoungu mabobangu
24 #
Kel. 30:13, 38:26 Maöraha o Yesus deʼ iwinöninïki imahi ädono o Kapernaum makotaika, ma Jou Madutu ai Tau masoungu yogaho-gahoko yaino o Petrusino deʼ yoleha, ”Ani Guru wofangu ma Jou Madutu ai Tau ma soungu ekola kowali?”
25O Petrus wohaluhu, ”Wofangu!”
O Petrus wolioino, de o Yesus ihira wïleha, ”Simon, sarakia tongona ani damäke? O nagona kokiani yofangu o bea ekola o soungu o dunia mako koanoika? O kawaha ekola o nyawa maporetino?”
26”O nyawa maporetino,” o Petrus wohaluhu.
”Nako hokogënanga,” o Yesus wato, ö kawaha ngarouha yofangu. 27Mä uha ngone o nyawa manga hininga hakuranga. Hoʼ, noiki o taagaika la nomemekana. Nal̄ë o nawoko madodihiraka natago-tagoko. Ma uru magoronaka gënanga aha namäke o tiwi, la yakunu nohifangu nanga soungu inähinoto. Nal̄ë o tiwi gënanga deʼ nofangu onangika nanga soungu, ma Jou Madutu ai Tau masoungu.”
Currently Selected:
O MATIUS 17: TLB
Highlight
Copy
Compare
Share
Want to have your highlights saved across all your devices? Sign up or sign in
O MATIUS 17
17
O Yesus wihi mulia
(Mark. 9:2-13; Luk. 9:28-36)
1 #
2Pet. 1:17-18
O wange butanga ipahaika o Yesus wäao o Petrus, o Yakobus deʼ aidodoto o Yohanis, imatingaka o l̄oku moika, mal̄oku gënanga kaha gurutil̄e. 2Manga himangoka, itodokanino o Yesus airupa ingali: Ai biono idadi itararono hokä o wange malako de Ai pakeanga mama garehe dei leto-letongo. 3Ipaha yaruange o Yesus iwinöninïki gënanga yämäke o Musa deʼ o Elia imäteke ade-ade de o Yesus. 4Deʼ o Petrus wotemo o Yesusika, ”Jou nenangoka ngone duru hosanangi. Nako Jou nöigo, ngohi aha tohi goko o tau-tau nenangoka gahumu hange: moi Tongona Jou, moi to Musa deʼ moioli to Elia.”
5 #
Kej. 22:2; Ul. 18:15; Mzm. 2:7; Yes. 42:1; Mat. 3:17, 12:18; Mark. 1:11; Luk. 3:22 O Petrus kawo temo-temohi, o lobi duru madodararono yähawo o Yesus, o Musa, deʼ o Elia, deʼ o lobino gënanga yoihene o ilingi itemo, ”Nenangala Ahi Ngohaka tïdora-dora. Unanga ahi hininga yadäene. Niwihi gihene Unanga!”
6O Petrus, o Yakobus deʼ o Yohanis, yoihene o ilingi gënanga önanga duru yohawana, hiädono imahitudukuku o tonakuku. 7Mä o Yesus waino deʼ wäsö önanga de wätemo, ”Nimomiki,” üha nihawana!” 8Ho de önanga imalegali, moiokaua önanga yämäke sowaliua o Yesus dika.
9Maöraha önanga o l̄okuoka de youti, o Yesus wahipoma-poma, ”Uha nihingahu kamoikaö okia kangano ngini niamäke nako o Nyawa manga Ngohaka womomikowahi o honenge mahi dogoronaka.”
10 #
Mal. 4:5
O Yesus iwinöninïki yoleha Unangika, ”Yadodoaho o agama maguru-guru yato o Elia kokiani wohiraino woböa?”
11O Yesus wohaluhu, ”Igoungu o Elia woböa deʼ unanga aha wohidiai itiai hagala mata-mata. 12#Mat. 11:14 Mä Ngohi tinïtemo nginika, o Elia woböaka, mä o nyawa iwinäkoua ünanga; önanga iwidiai manga hininga mahuka dika. Deʼ hoko genangoli önanga aha iwidiai o Nyawa manga Ngohaka.”
13Hoʼ o Yesus iwinöninïki imangarati, o Yesus woade-ade mangale o Yohanis Wo ohi-ohiki.
O Yesus wihitogumu o ngohaka womatëngo iwï ngohamika o womaha madorou
(Mark. 9:14-29; Luk. 9:37-43a)
14Maöraha o Yesus deʼ iwinöninïki yaruange imakilioro o nyawa yowöe-wöeino gënanga, o nauru womatëngo waino, wohuba o Yesus aihimangoka, 15deʼ wotemo, ”Bapa nïdora ahingohaka. Unanga iwihohomu. Nako aihohomu iböa duru kaihiri, hiädono mamoi-mamoi woduruba ukuika ekola o akeruku. 16Ngohi tiao oka iwinöninïkika Bapa, mä onanga yakunua iwihitogumu ünanga.”
17O Yesus wohaluhu, ”Goguleua ngini nënanga! Ngini igoungu niahininga irehene, deʼ ningakuua. Hiädono hokokia madëkana kokiani Ngohi togogere dede ngini deʼ Tinihi sabari? Niwiaoino o ngohaka gënanga!” 18Deʼ o Yesus wahuloko o womaha madorou o ngohaka aigoronaka gënanga ihupu. Deʼ o womaha madorou gënanga ihupu, deʼ o ngohaka gënanga o öraha gënanga dika wotogumu.
19Ipaha o Yesus iwinöninïki yaino o Yesusino, womatëngoka deʼ iwileha, ”Bapa, okia mahababu hongomi miakunua miaduhu o womaha madorou gënanga?”
20 #
Mat. 21:21; Mark. 11:23; 1Kor. 13:2 O Yesus wohaluhu, ”Hababu ngini niangongaku ikuranga. Nio hohininga! Nako ngini de niangongaku mapako hokä o sasawi mamui, ngini yakunu nitemo o l̄okuika nënanga, ’Nomatururu dokengika!ʼ marai o l̄oku nënanga aha imatururu. Koiwa moi okianaga la ngini niakunua nidiai! [21Mä o womaha madorou marupa hoko nënanga, yakunu iduhu, kokiani o hubayanga de o puaha dika.]”
O Yesus wohi ade-adeoli mangale Ai honenge
(Mark. 9:30-32; Luk. 9:43b-45)
22Maöraha o Yesus iwinöninïki imatoomu o Galileaoka, o Yesus wätemo onangika, ”Itedekanokaua, o Nyawa manga Ngohaka aha iwi hilapahi o nyawa manga kuahaika. 23Unanga aha iwi toma, mä o wange hangeoka Unanga aha iwihimomiki.”
De iwinöninïki duru manga hininga i huha.
Ma Jou Madutu ai Tau masoungu mabobangu
24 #
Kel. 30:13, 38:26 Maöraha o Yesus deʼ iwinöninïki imahi ädono o Kapernaum makotaika, ma Jou Madutu ai Tau masoungu yogaho-gahoko yaino o Petrusino deʼ yoleha, ”Ani Guru wofangu ma Jou Madutu ai Tau ma soungu ekola kowali?”
25O Petrus wohaluhu, ”Wofangu!”
O Petrus wolioino, de o Yesus ihira wïleha, ”Simon, sarakia tongona ani damäke? O nagona kokiani yofangu o bea ekola o soungu o dunia mako koanoika? O kawaha ekola o nyawa maporetino?”
26”O nyawa maporetino,” o Petrus wohaluhu.
”Nako hokogënanga,” o Yesus wato, ö kawaha ngarouha yofangu. 27Mä uha ngone o nyawa manga hininga hakuranga. Hoʼ, noiki o taagaika la nomemekana. Nal̄ë o nawoko madodihiraka natago-tagoko. Ma uru magoronaka gënanga aha namäke o tiwi, la yakunu nohifangu nanga soungu inähinoto. Nal̄ë o tiwi gënanga deʼ nofangu onangika nanga soungu, ma Jou Madutu ai Tau masoungu.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in