O MALEAKHI 2
2
1Ma Jou woko Kuaha wätemo o imam-imamika, ”Nenanga Ahi pareta nginiika: 2Nihi horomati Ngohi deʼ nia manarama. Nako ngini nioluku nihigihene Ahi demo, ngini aha Tinï lolai. Hagala ngini nia totarima hokä o rijiki aha ingali idadi o lolai. Igou-goungu, mata-mata maoa-oa gënanga Talolaioka, karana ngini nio legaikaua Ahi pareta. 3Nia ngoha-ngohaka aha Tä hukumu, deʼ nia biono Tohi nauhu deʼ o aiwani ma ioko ngini nihi huba-huba, deʼ ngini aha ini liliara o ioko ma doomuika. 4#Bil. 3:11-13 Done nihi öriki ngini o pareta nënanga Tohi doakoka, hupaya Ahi jaji o imam-imam, o Lewi aidifauku, kahirahi idadi.
5 #
Bil. 25:12
O jaji gënanga magoronaka Ngohi tohi jaji onangika o ngango isosanangi deʼ i dame-dame, de önanga Tä huloko ihi horomati Ngohi. O öraha gënanga önanga igoungu ihi horomati Ngohi deʼ ihi modongo Ngohino. 6Onanga yodotoko madiai, deʼ koihowonua. Onanga yotigi de de Ngohi, de manga hininga iriko-rikoto yanïki Ahi mau. Onangö yä riwo manga ngöe o nyawa mangale yodiaiokauaoli itotorou. 7Igoungu o imam-imam manga manarama mangale yodotoko madiai mangale Ngohi, o Jou Duru Tokö Kurutil̄e. Onangika o kawaha kokiani yoleha okia Ahi mau, 8o öraha nënanga, ngini, o imam-imam, ni rehenoka deʼ o ngekomo madiai. Hagala nia dodotoko ya tauroka manga ngöe o nyawa mangale yodiai o howono. Ngini nia kiliangoka o jaji Ta dodiai de de ngini. 9Done Ngohi ö Tinï diai ngini ini legaikaua mangale o umati o Israeloka karana ngini nihi ngounua Ahi mauika, deʼ karana ngini ni iri-iriki o nyawa maöraha nia dotoko Ahi umati.”
O kawaha yosetiaua ma Jou Madutuika
10Koigoungua ngone mata-mata tongone nanga Ama kamoi? Koigoungua ngone mata-mata wonahidadi o Jou Madutu kamoi? Nako hoko gënanga, yadodoa ngone homahi kopongono o jaji dede hoka gënanga hohi pongono o jaji wadodiai ma Jou Madutu de tongone manga ete deʼ nanga tohora. 11O Yehuda manyawa yatilakuroka ma Jou Madutu Ai jaji de de önanga deʼ yadiai hagala o hali hoboborohono o Yerusalem ma bereraoka deʼ o berera yamode-modekika. Onanga yapesekoka ma Jou Ai Tau wohö hohininga deʼ yokawingi deʼ o ngongoheka yahuba-huba hagala manga gikiri o hoana deʼ o berera mahomoaino. 12Tanu hagala o nyawa yododiai hoko gënanga ma Jou wahi titokoka o Israel ma umatino. Tanu önanga ibötohi yanïki deʼ tongone nanga hoana ihi huba hagala o huhuba ma Jou Duru woko Kuahaika.
13De nënanga nia manarama mahomoa. Ma Jou Ai huba mangï ngini nia lepa de o köngo; ngini ni ari deʼ nidodora karana ma Jou Ai hininga yadaenua watarima hagala nia huhuba. 14Ngini nileha yadodoa Unanga woluku watarima. Karana ma Jou wohi öriki ngini nisetiaua ongo hekaika ngini nimi kawi-kawingï maöraha nimä göika. O ngoheka gënanga ani wowango madodiawo, mä ngini nisetiaokaua munangika, ngaroka ma Jou Madutu ai himangoka ngini nijajioka mangale kahirahi nisetia munangika. 15Koigoungua ma Jou Madutu woma tengo-tengooka wi nihi dadi o röehe moi deʼ o jiwa moi deʼ o ngoheka gënanga? Okia ai dungutu ma Jou deʼ gënanga? Mahomoa koiwa hupaya ngini nia make o ngoha-ngohaka yodadi ma Jou Madutu Ai umati ma dutu. Hö nio goana nia diri, uha hiadono naga tingini nia hidogoronaka yosetiaua manga hekatika. 16”Ngohi tödohata o ngongoluku,” wato ma Jou o Israeloka manga Jou Madutu. ”Ngohi todohata nako moi ani ngini wodiai mahayanga koiwa gënanga ngoi hekatika. Done nio goana nia diri deʼ uha hakali-kali ni setiaua nia hekatika.”
O Juru hakimi mawange i tigioka
17Ngini nidiai ma Jou Madutu wogihounu deʼ nia demo-demo. Mä ngini nileha, ”Sarakia ngomi miwi gihounu ma Jou?” De yo temo, ”Mata-mata o nyawa yodo diai o dorou wa pulono yaoa ma Jou, deʼ Unanga ai hininga ya daene onangika.” Ekola deʼ yoleha, ”Kiaka ma Jou Madutu hi pulono woadili gënanga?”
Currently Selected:
O MALEAKHI 2: TLB
Highlight
Copy
Compare
Share
Want to have your highlights saved across all your devices? Sign up or sign in
