O HAGAI 2
2
M Jou Ai Ma Hungi
1O wange monaoko deʼ moioka o mede matumidi o taongo genangoli magoronaka, ma Jou wo temoli itilakuru ma Nabi Hagai. 2Ma Jou wï huloko o Hagai wätemo ma Gubernurika o Zerubabel, ma Imam wo Momulia o Yosua, ikali o kawahaika mangale wohiädono o behehongo nënanga, 3#Ezr. 3:12 ”Nagaka ngini nia hidogoronaka ka nio hiningahi hoko kia mamulia ahi Tau nënanga ma hira? O öraha nënanga sarakia ma rupa, ima moteke nia damake? Koigoungua kama moiuku koiyaoaua? 4Mä, uha nia nganono itoaka, hei ngini mata-mata! Ni hi gila-gila o karajanga gënanga, hababu Ngohi aha kahirahi tinï riwo ngini. 5#Kel. 29:45-46 Maöraha ngini nihupu o Mesirino, Ngohi tojajioka aha salalu tini hohongino ngini. De o öraha nënangö Ngohi katinï hohonginohi ngini. Ho, paraluua ngini nia hininga ihuha.
6 #
Ibr. 12:26
O öraha madipoko magoronaka Ngohi aha tagiwi o dihanga deʼ o dunia, o dudungu deʼ o ngöto. 7Mata-mata o hoana deʼ o berera aha Ta rüaeuku deʼ toönanga manga arata aha yao nenangino, hiädono Ahi Tau aha iomanga deʼ toönanga manga kaya. 8Hagala o gurasi deʼ o haaka o duniaoka nënanga ganga ka To ngohi madutu. 9Ahi Tau ma hungi aha iholoi imulia ngaro deʼ ihira-hira, deʼ nenangoka Ngohi aha tohidöaka o dame deʼ mata-mata ka deʼ ma enanga Ahi hoana de ahi berera ika.” Ma Jou Madutu Wokokuaha wo temooka.
Ma Nabi Hagai imaka tatoro deʼ o imam-imam
10O wange monaoko deʼ iata o mede mahiwo o taongo hinoto magoronaka ma Koano Darius wo pareta, ma Jou Duru woko Kuaha wotemooli ma Nabi o Hagaika. 11Wato, ”Nogahoko o imam-imam manga putuhu ya korona o hali nënanga: 12Hohiade naga o nyawa yal̄e o hiode ma akeme o luiti moi o huhubaino ihihö huba-huba ma Jouika, daha wao wohigilio ai juba ma dupukoro magoronaka, deʼ ipaha deʼ ai juba gënanga ünanga watigi o roti ekola okianaga moi ihohakai, ekola o angguru, ekola o zaitun ma minya, ekola o inomo okia dika, boteka mata-mata gënanga aha idadi itebinoli?”
Maöraha o Hagai wohihimanga o loleha gënanga, o imam-imam yohaluhu, ”Kowali.”
13 #
Bil. 19:11-22
Ipaha o Hagai wolehaoli, ”Hohiade naga o nyawa yodadi yopeseke karana ünanga wapeke o maiyeti, deʼ ipaha ünanga wapeke okianaga moi o inomino gënanga, boteka o inomo gënanga idadi ipesekoli?”
O imam-imam yohaluhu, ”Iya, maraioka dika!”
14Ipaha Hagai wotemoli, ”Ma Jou wotemo o datoro gënanga idadi ö Israel ma umatoka o bereraka nënanga deʼ mangale hagala moi-moi önanga ihi hasi-hasili. Ho, okia önanga ihihö huba-huba o huhuba ma ngïoka nënanga ganga ipeseke.”
Ma Jou wohi jaji Ai barakati
15Ma Jou wotemo, ”Abeika, nia tailako nihidodiai okia idadadioka kowahi deʼ o wange nënanga, enagënanga ahi Tau nënanga ihidiaiuahi! Sarakia nia wowango o öraha gënanga? 16Ngini nioikoka nio lega o gandum ma doporono deʼ nia tobote aha nia make o gandum o kilo o ratuhu hinoto, mä inyata duga-duga naga o kilo o ratuhu moi. Ngini nioiki mangale nia uiti o angguru o töngino o liter o ratuhu moi, mä naga duga-duga o litere moruata. 17Ngohi tohi gutioka o hidal̄oko ihau-hauku deʼ o awana o helewo mangale ya binaha hagala nia dumule ma hasili, mä ngini nioluku dika nima idulu Ngohino. 18O wange nënanga, o wange ma monaoko deʼ iata o mede mahiwo, ahi Tau ma fandasi yogelenga iböto! Nia tailako nihidodiai okia aha idadi mulaenge o öraha nënanga. 19Ngaroka koiwakaoli o gandum igogogere, deʼ o angguru ma utu, o ara mautu, o delima mautu deʼ o zaitun mautu ihohokuahi, mä mulaenge o öraha nënanga Ngohi aha tinihi barakati ngini!”
Ma Jou Ai jaji o Zerubabelika
20O wange gënangö, enagënanga mawange monaoko deʼ iata o mede mahiwo, ma Jou wohi döaka o behehongo mahinotoka o Hagaiika, 21mangale wo hiädono ma Gubernur o Zerubabelika. Ma Jou wato, ”Itedekanokauaoli o dihanga deʼ o dunia aha Tagiwi, 22hagala o popareta Ta ruba deʼ toönanga manga kuaha Tawedere. O kereta ihipoparangi deʼ ihidö dagi-dagi aha Talulumomiki; mata-mata o kuda aha ihonenge deʼ yobö bare-barene aha imako toma. 23O wange gënanga ngona Zerubabel, Ahi gilaongo, aha Tonigoraka mangale nopareta deʼ Ahi romanga. Karana ngona Toni irikoka.” Ma Jou Duru woko Kuaha wotemooka.
Currently Selected:
O HAGAI 2: TLB
Highlight
Copy
Compare
Share
Want to have your highlights saved across all your devices? Sign up or sign in
O HAGAI 2
2
M Jou Ai Ma Hungi
1O wange monaoko deʼ moioka o mede matumidi o taongo genangoli magoronaka, ma Jou wo temoli itilakuru ma Nabi Hagai. 2Ma Jou wï huloko o Hagai wätemo ma Gubernurika o Zerubabel, ma Imam wo Momulia o Yosua, ikali o kawahaika mangale wohiädono o behehongo nënanga, 3#Ezr. 3:12 ”Nagaka ngini nia hidogoronaka ka nio hiningahi hoko kia mamulia ahi Tau nënanga ma hira? O öraha nënanga sarakia ma rupa, ima moteke nia damake? Koigoungua kama moiuku koiyaoaua? 4Mä, uha nia nganono itoaka, hei ngini mata-mata! Ni hi gila-gila o karajanga gënanga, hababu Ngohi aha kahirahi tinï riwo ngini. 5#Kel. 29:45-46 Maöraha ngini nihupu o Mesirino, Ngohi tojajioka aha salalu tini hohongino ngini. De o öraha nënangö Ngohi katinï hohonginohi ngini. Ho, paraluua ngini nia hininga ihuha.
6 #
Ibr. 12:26
O öraha madipoko magoronaka Ngohi aha tagiwi o dihanga deʼ o dunia, o dudungu deʼ o ngöto. 7Mata-mata o hoana deʼ o berera aha Ta rüaeuku deʼ toönanga manga arata aha yao nenangino, hiädono Ahi Tau aha iomanga deʼ toönanga manga kaya. 8Hagala o gurasi deʼ o haaka o duniaoka nënanga ganga ka To ngohi madutu. 9Ahi Tau ma hungi aha iholoi imulia ngaro deʼ ihira-hira, deʼ nenangoka Ngohi aha tohidöaka o dame deʼ mata-mata ka deʼ ma enanga Ahi hoana de ahi berera ika.” Ma Jou Madutu Wokokuaha wo temooka.
Ma Nabi Hagai imaka tatoro deʼ o imam-imam
10O wange monaoko deʼ iata o mede mahiwo o taongo hinoto magoronaka ma Koano Darius wo pareta, ma Jou Duru woko Kuaha wotemooli ma Nabi o Hagaika. 11Wato, ”Nogahoko o imam-imam manga putuhu ya korona o hali nënanga: 12Hohiade naga o nyawa yal̄e o hiode ma akeme o luiti moi o huhubaino ihihö huba-huba ma Jouika, daha wao wohigilio ai juba ma dupukoro magoronaka, deʼ ipaha deʼ ai juba gënanga ünanga watigi o roti ekola okianaga moi ihohakai, ekola o angguru, ekola o zaitun ma minya, ekola o inomo okia dika, boteka mata-mata gënanga aha idadi itebinoli?”
Maöraha o Hagai wohihimanga o loleha gënanga, o imam-imam yohaluhu, ”Kowali.”
13 #
Bil. 19:11-22
Ipaha o Hagai wolehaoli, ”Hohiade naga o nyawa yodadi yopeseke karana ünanga wapeke o maiyeti, deʼ ipaha ünanga wapeke okianaga moi o inomino gënanga, boteka o inomo gënanga idadi ipesekoli?”
O imam-imam yohaluhu, ”Iya, maraioka dika!”
14Ipaha Hagai wotemoli, ”Ma Jou wotemo o datoro gënanga idadi ö Israel ma umatoka o bereraka nënanga deʼ mangale hagala moi-moi önanga ihi hasi-hasili. Ho, okia önanga ihihö huba-huba o huhuba ma ngïoka nënanga ganga ipeseke.”
Ma Jou wohi jaji Ai barakati
15Ma Jou wotemo, ”Abeika, nia tailako nihidodiai okia idadadioka kowahi deʼ o wange nënanga, enagënanga ahi Tau nënanga ihidiaiuahi! Sarakia nia wowango o öraha gënanga? 16Ngini nioikoka nio lega o gandum ma doporono deʼ nia tobote aha nia make o gandum o kilo o ratuhu hinoto, mä inyata duga-duga naga o kilo o ratuhu moi. Ngini nioiki mangale nia uiti o angguru o töngino o liter o ratuhu moi, mä naga duga-duga o litere moruata. 17Ngohi tohi gutioka o hidal̄oko ihau-hauku deʼ o awana o helewo mangale ya binaha hagala nia dumule ma hasili, mä ngini nioluku dika nima idulu Ngohino. 18O wange nënanga, o wange ma monaoko deʼ iata o mede mahiwo, ahi Tau ma fandasi yogelenga iböto! Nia tailako nihidodiai okia aha idadi mulaenge o öraha nënanga. 19Ngaroka koiwakaoli o gandum igogogere, deʼ o angguru ma utu, o ara mautu, o delima mautu deʼ o zaitun mautu ihohokuahi, mä mulaenge o öraha nënanga Ngohi aha tinihi barakati ngini!”
Ma Jou Ai jaji o Zerubabelika
20O wange gënangö, enagënanga mawange monaoko deʼ iata o mede mahiwo, ma Jou wohi döaka o behehongo mahinotoka o Hagaiika, 21mangale wo hiädono ma Gubernur o Zerubabelika. Ma Jou wato, ”Itedekanokauaoli o dihanga deʼ o dunia aha Tagiwi, 22hagala o popareta Ta ruba deʼ toönanga manga kuaha Tawedere. O kereta ihipoparangi deʼ ihidö dagi-dagi aha Talulumomiki; mata-mata o kuda aha ihonenge deʼ yobö bare-barene aha imako toma. 23O wange gënanga ngona Zerubabel, Ahi gilaongo, aha Tonigoraka mangale nopareta deʼ Ahi romanga. Karana ngona Toni irikoka.” Ma Jou Duru woko Kuaha wotemooka.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in