O HAGAI 1
1
Ma Jou Ai pareta mangale i hi gokookali Ma Jou Ai Tau
1 #
Ezr. 4:24–5:2, 6:14 O taongo mahinotoka ma Koano Darius wa pareta mangale o Persia, o wange ma hira o mede mabutanga, ma Jou wotemo deʼ madodohanga ma Nabi Hagai. Ma Jou Ai behehongo gënanga wohidumutu o Zerubabelika o Sealtiel aingohaka, o Yehuda manga gubernur, deʼ ma imamika wo Momulia o Yosua o Yozadak aingohaka.
2Ma Jou Duru woko Kuaha wotemo o Hagaiika, o ”Hoana nënanga yotemo maörahauahi mangale ihi gokooli Ahi Tau.” 3Ipaha deʼ ma dodohanga ma Nabi Hagai, ma Jou wätemo Ai umatika, 4”Hei Ahi umati, boteka maöraha iböto nginiika mangale nio gogere o tau ikua-kuata deʼ ipoputurungu magoronaka, ena hioko Ahi Tau ma rupa kama gogiliangohi? 5Abeika, nia tailako nihidodiai nia wowango! 6Ngini nihi barihoka o gihihi kohä amoko, mä nia utuku kama huhutulu. Ngini naga nia inomo, mä yawedonua nia ma mata mangale yapunuhu. Ngini deʼ nia angguru, mä yawedonua nia hininga yogihounua. Ngini deʼ nia pakeanga, mä yawedonua mangale nihi hauku nia diri. De o hewa yatotarima yobö buru-buru yawedonua mangale ihi dohanga toönanga manga wowango. 7Nimamaoua ngini, yadodoa o hali gënanga idadi? 8O öraha nënanga, nidoa hagala o doporonil̄e mangale nil̄e o gota, daha nihi goko Ahi Tau; done Ngohi aha tamao tosanangi deʼ Ngohi aha ihi hubaoli deʼ ma dodagi itotiai. Abeika, nia tailako nihi dodiai nia wowango! 9Ngini nio nganono nia gugutuku mahasili de ma boboloi, mabaha ngini nia make duga-duga duru ma huhutulu; ngini niao nihigilio, mä nia gugutuku ma hasili gënanga Ta wuwu, hiädono o hidal̄oko ihi haili yamata. Yadodoa Ta diai gënanga? Mabobaluhu enagënanga: Karana Ahi Tau ma rupa kama gogiliangohi, ena hioko ngini mata-mata nia magawe nihi goko nia tau moi-moi. 10Genanga hababu o awana deʼ ma japatiua iuti hiädono koiwa idato-datomo yakunu iwango. 11Ngohi todotagaooka o tonaka mal̄okuino deʼ hagala o doporono kama tore-tore, o gandum ma dodumule mal̄okuino deʼ o angguru ma dodumule ikali o zaitun ma dodumule, deʼ mangale hagala iwö wango-wango o tonakoka nënanga, ikali ö mangale o nyawa deʼ o aiwani ikali hagala moi-moi ngini nihi dodailako.”
O Israeloka ma umati ihi ngounu ma Jou Ai pareta
12Ipaha o Zerubabel deʼ o Yosuaikali o Israeloka ma umati yongodumu yolö lio-liooka o tabuangino o Babeloka, ihi ngounu o Hagai ai demo-demo ma Jou Ai huhuloko gënanga. Onanga yadiai okia ma Jou wohi popareta onangika, karana iwi modongo ma Jouika.
13Daha o Hagai wohiädono o kawahaika ma Jou Ai behehongo ma Jou wojajioka aha wä hohongino önanga.
14Hoko gënanga ma Jou wagaraki ma Gubernur Zerubabel ai hininga, ma Imam wo Momulia Yosua, ikali mata-mata o nyawa yolö lio-liooka o tabuangino, hupaya önanga mata-mata yokarajanga ihi goko ma Jou Duru woko Kuaha ai Tau, toönanga manga Jou Madutu. 15Onanga mulaenge yokarajanga mawange monaoko deʼ iata, o medeʼ mabutanga o taongo hinoto magoronaka maöraha ma Koano Darius wo pareta.
Currently Selected:
O HAGAI 1: TLB
Highlight
Copy
Compare
Share
Want to have your highlights saved across all your devices? Sign up or sign in
O HAGAI 1
1
Ma Jou Ai pareta mangale i hi gokookali Ma Jou Ai Tau
1 #
Ezr. 4:24–5:2, 6:14 O taongo mahinotoka ma Koano Darius wa pareta mangale o Persia, o wange ma hira o mede mabutanga, ma Jou wotemo deʼ madodohanga ma Nabi Hagai. Ma Jou Ai behehongo gënanga wohidumutu o Zerubabelika o Sealtiel aingohaka, o Yehuda manga gubernur, deʼ ma imamika wo Momulia o Yosua o Yozadak aingohaka.
2Ma Jou Duru woko Kuaha wotemo o Hagaiika, o ”Hoana nënanga yotemo maörahauahi mangale ihi gokooli Ahi Tau.” 3Ipaha deʼ ma dodohanga ma Nabi Hagai, ma Jou wätemo Ai umatika, 4”Hei Ahi umati, boteka maöraha iböto nginiika mangale nio gogere o tau ikua-kuata deʼ ipoputurungu magoronaka, ena hioko Ahi Tau ma rupa kama gogiliangohi? 5Abeika, nia tailako nihidodiai nia wowango! 6Ngini nihi barihoka o gihihi kohä amoko, mä nia utuku kama huhutulu. Ngini naga nia inomo, mä yawedonua nia ma mata mangale yapunuhu. Ngini deʼ nia angguru, mä yawedonua nia hininga yogihounua. Ngini deʼ nia pakeanga, mä yawedonua mangale nihi hauku nia diri. De o hewa yatotarima yobö buru-buru yawedonua mangale ihi dohanga toönanga manga wowango. 7Nimamaoua ngini, yadodoa o hali gënanga idadi? 8O öraha nënanga, nidoa hagala o doporonil̄e mangale nil̄e o gota, daha nihi goko Ahi Tau; done Ngohi aha tamao tosanangi deʼ Ngohi aha ihi hubaoli deʼ ma dodagi itotiai. Abeika, nia tailako nihi dodiai nia wowango! 9Ngini nio nganono nia gugutuku mahasili de ma boboloi, mabaha ngini nia make duga-duga duru ma huhutulu; ngini niao nihigilio, mä nia gugutuku ma hasili gënanga Ta wuwu, hiädono o hidal̄oko ihi haili yamata. Yadodoa Ta diai gënanga? Mabobaluhu enagënanga: Karana Ahi Tau ma rupa kama gogiliangohi, ena hioko ngini mata-mata nia magawe nihi goko nia tau moi-moi. 10Genanga hababu o awana deʼ ma japatiua iuti hiädono koiwa idato-datomo yakunu iwango. 11Ngohi todotagaooka o tonaka mal̄okuino deʼ hagala o doporono kama tore-tore, o gandum ma dodumule mal̄okuino deʼ o angguru ma dodumule ikali o zaitun ma dodumule, deʼ mangale hagala iwö wango-wango o tonakoka nënanga, ikali ö mangale o nyawa deʼ o aiwani ikali hagala moi-moi ngini nihi dodailako.”
O Israeloka ma umati ihi ngounu ma Jou Ai pareta
12Ipaha o Zerubabel deʼ o Yosuaikali o Israeloka ma umati yongodumu yolö lio-liooka o tabuangino o Babeloka, ihi ngounu o Hagai ai demo-demo ma Jou Ai huhuloko gënanga. Onanga yadiai okia ma Jou wohi popareta onangika, karana iwi modongo ma Jouika.
13Daha o Hagai wohiädono o kawahaika ma Jou Ai behehongo ma Jou wojajioka aha wä hohongino önanga.
14Hoko gënanga ma Jou wagaraki ma Gubernur Zerubabel ai hininga, ma Imam wo Momulia Yosua, ikali mata-mata o nyawa yolö lio-liooka o tabuangino, hupaya önanga mata-mata yokarajanga ihi goko ma Jou Duru woko Kuaha ai Tau, toönanga manga Jou Madutu. 15Onanga mulaenge yokarajanga mawange monaoko deʼ iata, o medeʼ mabutanga o taongo hinoto magoronaka maöraha ma Koano Darius wo pareta.
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in