O YEHEZKIEL 30
30
Ma Jou aha wahukumu o Mesir
1Ma Jou wotemooli wato, 2-3”Hei o nyawa nokokakaliua, nohidodemo deʼ nohiädono o Mesir manyawaika okia Ngohi o Jou Duru toko Kurutil̄e totemo onangika. Nopöaka deʼ nododora hoko nënanga:
Adede! Ma Jou Ai wange itigioka!
Unanga aha de majapati wodiai.
O wange gënanga ihuhutu de malobi,
maöraha o hoana deʼ o berera ma ago-agomo yatarima o hukumanga.
4O bodito ma ago-agomo aha yatapal̄u o Sudan.
O Mesiroka aha naga o parangi.
Yohö hone-honenge aha yokokitifa;
o berera yamode-modekika yäora de ihidadi magilianga.
5O parangi gënanga magoronaka aha yätoma o hagala o tentara yähewa-hewa o Sudanino, o Libiaino, o Arabino, o Kub deʼ Ahi hoanino mahirete.”
6Ma Jou Duru woko Kurutil̄e wotemo, ”O Migdolino o koremieuku hiädono Aswan o koreharail̄e, o Mesir manga dodiawo mata-mata aha yohonenge o parangi magoronaka. De o Mesir manga tentara imaö ede-edenge gënanga aha yowedere hahi kokabarihi. Ngohi o Jou Duru toko Kurutil̄e totemoka. 7O berera gënanga aha idadi o berera duru kairïdika hagala o berera irörirïdi mahomoa mahidogoronaka, deʼ makota-kota aha idadi kamagogilaongö. 8Nako Ngohi tatuhuku o Mesir deʼ tä Toma mata-mata manga dodiawo, önanga ihi öriki Ngohila o Jou.
9Nako mawange gënanga iboa, deʼ o Mesir iwederoka, Ngohi aha tahidingoto huhuloko-o huhuloko deʼ hagala o kapa mangale yatodokana hagala o Sudan manyawa yangaku okaua gënanga, done önanga aha yohawana, Igoungu o wange gënanga aha iboa!”
10Ma Jou Duru woko Kurutil̄e wotemo, ”Ngohi aha tipäke ma Koano Nebukadnezar o Babelino mangale wawedere o Mesir makaya mata-mata. 11O Nebukadnezar imakinïki aitentara yanö nako-nakoua o apongo aha yoboa deʼ yawedere o tonaka nënanga. Onanga aha yaparangi o Mesir deʼ o oworo, deʼ hagala o maiyeti aha ima hikabarihika o bereraka nënanga. 12Ngohi aha taowaha o Nil ma Ngairi deʼ tohilapahi o Mesir ingodumu hagala o nyawa madorouika. Hagala o nyawa maporetino aha Tähuloko yabinaha o berera gënanga ingodumu. Ngohi, o Jou, totemoka.”
13Ma Jou Duru woko Kurutil̄e wotemo, ”Ngohi aha tä wedere hagala o gomanga deʼ hagala o gikiri o Memfisoka. Aha koiwakaoli o koano o Mesiroka. manyawa yongodumu aha Tadiai yohawana. 14O Mesir o koreharail̄e yomode-modekika aha Tohidadi duru kairïdika deʼ o Soan makota o koremieuku aha Tatuhuku. O Tebe o kota matiti gënanga aha Tahukumu, 15deʼ makaya aha Tabinaha. Ngohi aha tadogopoa Ahi gangamo o Pelusiumuku, o kota idadi o Mesir mabebeno o mehele, 16deʼ o kota gënanga aha kohagiria yatagongo o hangihara. Igoungu, Ngohi aha tatuhuku o Mesir. Hagala mabebeno o mehele o Tebe makota aha ikilianga deʼ o kota gënanga aha yaolu o nguihi. 17O Heliopolis deʼ o Bubastis makota magogoduru aha yohonenge o parangi magoronaka, deʼ o ngongoheka aha Tatagoko. 18O öraha Ngohi tohibobaha o Mesir makuaha ikökurutil̄e deʼ Tal̄ë makuaha hoko gënanga ihi amo-amoko, o Tahpanhes aha yakilolitino o huhutu deʼ mangongoheka aha yätagoko. 19Hoko genangala Ngohi aha tahukumu o Mesir, done ihi öriki önanga Ngohi o Jou.”
O Mesir makuaha mabobaha
20O wange matumidoka o mede mahira o taongo mangimoi de moioka maöraha ngomi mitabuanga, ma Jou wohitemo ngohiino, 21”Hei o nyawa nokokakaliua, Ngohi tatobikoka o Mesir manga koano ai giama, deʼ moiua yadehioro ai giama gënanga ekola yatino hupaya itogumu deʼ idadi iyaoaka makuata mangale wohisö oli o oworo. 22Ngohi o Jou Duru toko Kurutil̄e totemo: Ngohi nënanga o Mesir manga koano ai haturu, deʼ ai giama hinoto aha Tatobiki, yaoa kai kua-kuatohi yaoa itotobi-tobikoka. Done o oworo gënanga aha ai giamoka de itifa. 23Ngohi aha tahikokabarihika o Mesir manyawa o dunia yamode-modekika. 24Daha Tohikuata o Babel manga koano aigiama, deʼ Togelenga Ahi oworo ai giama magoronaka. Ma o Mesir manga koano ai giama aha Tatobiki hiädono ünanga aha wokururihi deʼ wohonenge o Babel manga koano ai himangoka, ai haturu. 25Igoungu, o Mesir manga koano aha Tibole, ena hioko o Babel manga koano aha Tihikuata. Nako Tihidöaka Ahi oworo unangika, deʼ ünanga wohitumutika mameta o Mesirika, önanga aha ihi öriki Ngohi o Jou. 26Ngohi aha tahibarihi hagala o Mesir manyawa o dunia yamode-modekika. Done önanga ihi öriki Ngohila o Jou.”
Currently Selected:
O YEHEZKIEL 30: TLB
Highlight
Copy
Compare
Share
Want to have your highlights saved across all your devices? Sign up or sign in
O YEHEZKIEL 30
30
Ma Jou aha wahukumu o Mesir
1Ma Jou wotemooli wato, 2-3”Hei o nyawa nokokakaliua, nohidodemo deʼ nohiädono o Mesir manyawaika okia Ngohi o Jou Duru toko Kurutil̄e totemo onangika. Nopöaka deʼ nododora hoko nënanga:
Adede! Ma Jou Ai wange itigioka!
Unanga aha de majapati wodiai.
O wange gënanga ihuhutu de malobi,
maöraha o hoana deʼ o berera ma ago-agomo yatarima o hukumanga.
4O bodito ma ago-agomo aha yatapal̄u o Sudan.
O Mesiroka aha naga o parangi.
Yohö hone-honenge aha yokokitifa;
o berera yamode-modekika yäora de ihidadi magilianga.
5O parangi gënanga magoronaka aha yätoma o hagala o tentara yähewa-hewa o Sudanino, o Libiaino, o Arabino, o Kub deʼ Ahi hoanino mahirete.”
6Ma Jou Duru woko Kurutil̄e wotemo, ”O Migdolino o koremieuku hiädono Aswan o koreharail̄e, o Mesir manga dodiawo mata-mata aha yohonenge o parangi magoronaka. De o Mesir manga tentara imaö ede-edenge gënanga aha yowedere hahi kokabarihi. Ngohi o Jou Duru toko Kurutil̄e totemoka. 7O berera gënanga aha idadi o berera duru kairïdika hagala o berera irörirïdi mahomoa mahidogoronaka, deʼ makota-kota aha idadi kamagogilaongö. 8Nako Ngohi tatuhuku o Mesir deʼ tä Toma mata-mata manga dodiawo, önanga ihi öriki Ngohila o Jou.
9Nako mawange gënanga iboa, deʼ o Mesir iwederoka, Ngohi aha tahidingoto huhuloko-o huhuloko deʼ hagala o kapa mangale yatodokana hagala o Sudan manyawa yangaku okaua gënanga, done önanga aha yohawana, Igoungu o wange gënanga aha iboa!”
10Ma Jou Duru woko Kurutil̄e wotemo, ”Ngohi aha tipäke ma Koano Nebukadnezar o Babelino mangale wawedere o Mesir makaya mata-mata. 11O Nebukadnezar imakinïki aitentara yanö nako-nakoua o apongo aha yoboa deʼ yawedere o tonaka nënanga. Onanga aha yaparangi o Mesir deʼ o oworo, deʼ hagala o maiyeti aha ima hikabarihika o bereraka nënanga. 12Ngohi aha taowaha o Nil ma Ngairi deʼ tohilapahi o Mesir ingodumu hagala o nyawa madorouika. Hagala o nyawa maporetino aha Tähuloko yabinaha o berera gënanga ingodumu. Ngohi, o Jou, totemoka.”
13Ma Jou Duru woko Kurutil̄e wotemo, ”Ngohi aha tä wedere hagala o gomanga deʼ hagala o gikiri o Memfisoka. Aha koiwakaoli o koano o Mesiroka. manyawa yongodumu aha Tadiai yohawana. 14O Mesir o koreharail̄e yomode-modekika aha Tohidadi duru kairïdika deʼ o Soan makota o koremieuku aha Tatuhuku. O Tebe o kota matiti gënanga aha Tahukumu, 15deʼ makaya aha Tabinaha. Ngohi aha tadogopoa Ahi gangamo o Pelusiumuku, o kota idadi o Mesir mabebeno o mehele, 16deʼ o kota gënanga aha kohagiria yatagongo o hangihara. Igoungu, Ngohi aha tatuhuku o Mesir. Hagala mabebeno o mehele o Tebe makota aha ikilianga deʼ o kota gënanga aha yaolu o nguihi. 17O Heliopolis deʼ o Bubastis makota magogoduru aha yohonenge o parangi magoronaka, deʼ o ngongoheka aha Tatagoko. 18O öraha Ngohi tohibobaha o Mesir makuaha ikökurutil̄e deʼ Tal̄ë makuaha hoko gënanga ihi amo-amoko, o Tahpanhes aha yakilolitino o huhutu deʼ mangongoheka aha yätagoko. 19Hoko genangala Ngohi aha tahukumu o Mesir, done ihi öriki önanga Ngohi o Jou.”
O Mesir makuaha mabobaha
20O wange matumidoka o mede mahira o taongo mangimoi de moioka maöraha ngomi mitabuanga, ma Jou wohitemo ngohiino, 21”Hei o nyawa nokokakaliua, Ngohi tatobikoka o Mesir manga koano ai giama, deʼ moiua yadehioro ai giama gënanga ekola yatino hupaya itogumu deʼ idadi iyaoaka makuata mangale wohisö oli o oworo. 22Ngohi o Jou Duru toko Kurutil̄e totemo: Ngohi nënanga o Mesir manga koano ai haturu, deʼ ai giama hinoto aha Tatobiki, yaoa kai kua-kuatohi yaoa itotobi-tobikoka. Done o oworo gënanga aha ai giamoka de itifa. 23Ngohi aha tahikokabarihika o Mesir manyawa o dunia yamode-modekika. 24Daha Tohikuata o Babel manga koano aigiama, deʼ Togelenga Ahi oworo ai giama magoronaka. Ma o Mesir manga koano ai giama aha Tatobiki hiädono ünanga aha wokururihi deʼ wohonenge o Babel manga koano ai himangoka, ai haturu. 25Igoungu, o Mesir manga koano aha Tibole, ena hioko o Babel manga koano aha Tihikuata. Nako Tihidöaka Ahi oworo unangika, deʼ ünanga wohitumutika mameta o Mesirika, önanga aha ihi öriki Ngohi o Jou. 26Ngohi aha tahibarihi hagala o Mesir manyawa o dunia yamode-modekika. Done önanga ihi öriki Ngohila o Jou.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in