O YEHEZKIEL 29
29
O hukumanga mangale o Mesir
1 #
Yes. 19:1-25; Yer. 46:2-26 Mawange ngimoi deʼ hinotoka o mede mangimoi, o taongo mangimoi magoronaka maöraha ngomi imi tabuanga, ma Jou wohitemo ngohino, 2”Hei o nyawa nokokakaliua, nihidaaere o Mesir manga koano. Nahetongo unangika ünanga deʼ o Mesir makawaha mata-mata aha yahukumu.”
3Ma Jou Duru woko Kurutil̄e wohihuloko ngohi tohiädono o Mesir manga koanoika o behehongo nënanga, ”Ngohi nënanga ani haturu, hei gohomanga mapako-pako imarubaiha o ngairi mahidö dogoronaka. Ngona nomahi ngaroko o Nil ma Ngairi ganga tongona madutu deʼ ngona madiai. 4Ngohi aha tohipake o lalakete ani okokika deʼ ima hitataulu hagala o nawoko ani unahika. Daha ngona Tonitauru tonihihupu o Nil ma Ngairi l̄e deʼ hagala o nawoko imahito tataulika ani unahika gënanga. 5Ipaha ngona deʼ hagala o nawoko gënanga Tini hikaweli o tonaka makokakahaika. Ani röehe aha imahi paka-paka o tonakika deʼ iluluika genangoka. Moiua o aha ini jere ngona. Ani röehe aha Tohidöaka hagala o totaleoika deʼ hagala o aiwani mahomoa mangale yaol̄omo. 6#Yes. 36:6 Done o Mesir makawaha yongodumu ihi öriki Ngohila o Jou.”
Ma Jou wotemo, ”Hei o Mesir manyawa! O Israel manyawa yonganono roriwo, mai nyata ngona duga-duga hokä o diki-diki mabole-bole dika. 7Maöraha önanga imahiake ngonaika, ngona notobiki deʼ yatohoko toönanga manga gugutil̄e, hiädono toönanga manga porete makobongo ihirikitoka. 8Hababu gënanga Ngohi, o Jou Duru toko Kurutil̄e, totemo aha ini parangi ngona deʼ o oworo, deʼ yätoma ani nyawa ikali ani gigini. 9O Mesir aha idadi matonaka kairïdika. Done nihi öriki ngini Ngohila o Jou.”
Ma Jou wotemo, ”Hei o Mesir manga koano! Karana ngona notemo o Nil ma Ngairi ganga tongona madutu deʼ ngona nadiai, 10done Ngohi todadi ani haturu deʼ ani Nil mangairi ma haturu. O Mesir yamode-modekika aha Tohidadi matonaka kai rïdika mulaenge o Migdol makota okeremieuku de yail̄e hiädono o Aswan makotaika o koreharail̄e, hiädono o Sudan maribatingi. 11Koiwa naga o nyawa ekola o aiwani aha yanonu. O taongo moruatino madekana aha koiwa naga o nyawa yögogere. 12Ngohi aha tadiai o Mesir kairïdika hiädono hagala o berera mahidogoronaka mahomoa irirïdi, o Mesir la duru kohamï rïdi. O taongo moruatino madekana hagala o kota o Mesiroka aha marupa kamagogilianga duru iholoi i tubuho ngaro deʼ o kota kiaka o dika magogilianga. O Mesir manyawa aha Tahidadi imahi dito-ditoko. Onanga aha yodogerewoto hagala o bereraika deʼ yogogere o hoana deʼ o berera mahomoa manga hidödogoronaka.”
13Ma Jou Duru woko Kurutil̄e wotemo, ”Hei o Mesir manyawa, o taongo moruata ipaha gënanga, ngini aha Tini aookali hagala o berera mangï ngini nimahi kokabarihoka deʼ niaino. 14Ngini aha Tini ïriki deʼ Tinihuloko nigogere o Mesiroka o koreharail̄e idaduoka, nia ahali matonaka. Dokengoka ngini aha nimahigoko o pareta mabole-bole, 15duru kohamobol̄e o dunia yamode-modekika. Ngohi aha tinidiai ngini duru kaniamobole hiädono ngini aha niakunua nia pareta o hoana deʼ o berera ma ago-agomo mahomoa ekola nima edenge nia diri onangika. 16O Israeloka aha yogahokokauaoli o roriwo nginika. Nia wowango hei o Mesir manyawa aha yohininga o Israeloka hokokia yahowono yangaku o Mesir, hokä mamoi iböto yadiai. Done nihi öriki Israel Ngohila o Jou Duru toko Kurutil̄e.”
Ma koano Nebukadnezar aha wahohihanga o Mesir
17O wange madodihiraka o mede mahira o taongo monaoko deʼ tumidi magoronaka maöraha ngomi o tabuangoka, ma Jou wohitemo ngohino, 18”Hei o nyawa nokokakaliua, ma Koano Nebukadnezar o Babelino wakiria ai parangi o Tirusika. Unanga wähuloko hagala o tentara yamoku hagala manga momoku hoko gënanga madubuho, hiädono toönanga manga häeke idadi ipalala deʼ toönanga manga beleka ma ipurutu, mä yaoa makoano yaoa aitentara deʼ manga kangela gënanga o kia-kiaua yamake mahasili. 19Hababu gënanga, Ngohi o Jou Duru toko Kurutil̄e totemo: o Mesir matonaka aha Tihidöaka ma Koano Nebukadnezarika. Unanga aha wal̄ë waora ikali watoraka mata-mata o Mesir makaya hokä aitentara manga hewa. 20O Mesir matonaka Tihidöaka unangika hokä ai oa-oa mabalahi, hababu aitentara yokarajangoka mangale Ngohi. Ngohi, o Jou Duru toko Kurutil̄e totemoka.
21Maöraha okia mahali gënanga idadi, Ngohi aha tahidadi o Israeloka manyawa yokuata deʼ yakunu ngona Yehezkiel, notemo-temo deʼ madadatoko koiwa hiädono mata-mata o nyawa yakunu inigihene ngona. Done ihi öriki önanga Ngohi o Jou.”
Currently Selected:
O YEHEZKIEL 29: TLB
Highlight
Copy
Compare
Share
Want to have your highlights saved across all your devices? Sign up or sign in
O YEHEZKIEL 29
29
O hukumanga mangale o Mesir
1 #
Yes. 19:1-25; Yer. 46:2-26 Mawange ngimoi deʼ hinotoka o mede mangimoi, o taongo mangimoi magoronaka maöraha ngomi imi tabuanga, ma Jou wohitemo ngohino, 2”Hei o nyawa nokokakaliua, nihidaaere o Mesir manga koano. Nahetongo unangika ünanga deʼ o Mesir makawaha mata-mata aha yahukumu.”
3Ma Jou Duru woko Kurutil̄e wohihuloko ngohi tohiädono o Mesir manga koanoika o behehongo nënanga, ”Ngohi nënanga ani haturu, hei gohomanga mapako-pako imarubaiha o ngairi mahidö dogoronaka. Ngona nomahi ngaroko o Nil ma Ngairi ganga tongona madutu deʼ ngona madiai. 4Ngohi aha tohipake o lalakete ani okokika deʼ ima hitataulu hagala o nawoko ani unahika. Daha ngona Tonitauru tonihihupu o Nil ma Ngairi l̄e deʼ hagala o nawoko imahito tataulika ani unahika gënanga. 5Ipaha ngona deʼ hagala o nawoko gënanga Tini hikaweli o tonaka makokakahaika. Ani röehe aha imahi paka-paka o tonakika deʼ iluluika genangoka. Moiua o aha ini jere ngona. Ani röehe aha Tohidöaka hagala o totaleoika deʼ hagala o aiwani mahomoa mangale yaol̄omo. 6#Yes. 36:6 Done o Mesir makawaha yongodumu ihi öriki Ngohila o Jou.”
Ma Jou wotemo, ”Hei o Mesir manyawa! O Israel manyawa yonganono roriwo, mai nyata ngona duga-duga hokä o diki-diki mabole-bole dika. 7Maöraha önanga imahiake ngonaika, ngona notobiki deʼ yatohoko toönanga manga gugutil̄e, hiädono toönanga manga porete makobongo ihirikitoka. 8Hababu gënanga Ngohi, o Jou Duru toko Kurutil̄e, totemo aha ini parangi ngona deʼ o oworo, deʼ yätoma ani nyawa ikali ani gigini. 9O Mesir aha idadi matonaka kairïdika. Done nihi öriki ngini Ngohila o Jou.”
Ma Jou wotemo, ”Hei o Mesir manga koano! Karana ngona notemo o Nil ma Ngairi ganga tongona madutu deʼ ngona nadiai, 10done Ngohi todadi ani haturu deʼ ani Nil mangairi ma haturu. O Mesir yamode-modekika aha Tohidadi matonaka kai rïdika mulaenge o Migdol makota okeremieuku de yail̄e hiädono o Aswan makotaika o koreharail̄e, hiädono o Sudan maribatingi. 11Koiwa naga o nyawa ekola o aiwani aha yanonu. O taongo moruatino madekana aha koiwa naga o nyawa yögogere. 12Ngohi aha tadiai o Mesir kairïdika hiädono hagala o berera mahidogoronaka mahomoa irirïdi, o Mesir la duru kohamï rïdi. O taongo moruatino madekana hagala o kota o Mesiroka aha marupa kamagogilianga duru iholoi i tubuho ngaro deʼ o kota kiaka o dika magogilianga. O Mesir manyawa aha Tahidadi imahi dito-ditoko. Onanga aha yodogerewoto hagala o bereraika deʼ yogogere o hoana deʼ o berera mahomoa manga hidödogoronaka.”
13Ma Jou Duru woko Kurutil̄e wotemo, ”Hei o Mesir manyawa, o taongo moruata ipaha gënanga, ngini aha Tini aookali hagala o berera mangï ngini nimahi kokabarihoka deʼ niaino. 14Ngini aha Tini ïriki deʼ Tinihuloko nigogere o Mesiroka o koreharail̄e idaduoka, nia ahali matonaka. Dokengoka ngini aha nimahigoko o pareta mabole-bole, 15duru kohamobol̄e o dunia yamode-modekika. Ngohi aha tinidiai ngini duru kaniamobole hiädono ngini aha niakunua nia pareta o hoana deʼ o berera ma ago-agomo mahomoa ekola nima edenge nia diri onangika. 16O Israeloka aha yogahokokauaoli o roriwo nginika. Nia wowango hei o Mesir manyawa aha yohininga o Israeloka hokokia yahowono yangaku o Mesir, hokä mamoi iböto yadiai. Done nihi öriki Israel Ngohila o Jou Duru toko Kurutil̄e.”
Ma koano Nebukadnezar aha wahohihanga o Mesir
17O wange madodihiraka o mede mahira o taongo monaoko deʼ tumidi magoronaka maöraha ngomi o tabuangoka, ma Jou wohitemo ngohino, 18”Hei o nyawa nokokakaliua, ma Koano Nebukadnezar o Babelino wakiria ai parangi o Tirusika. Unanga wähuloko hagala o tentara yamoku hagala manga momoku hoko gënanga madubuho, hiädono toönanga manga häeke idadi ipalala deʼ toönanga manga beleka ma ipurutu, mä yaoa makoano yaoa aitentara deʼ manga kangela gënanga o kia-kiaua yamake mahasili. 19Hababu gënanga, Ngohi o Jou Duru toko Kurutil̄e totemo: o Mesir matonaka aha Tihidöaka ma Koano Nebukadnezarika. Unanga aha wal̄ë waora ikali watoraka mata-mata o Mesir makaya hokä aitentara manga hewa. 20O Mesir matonaka Tihidöaka unangika hokä ai oa-oa mabalahi, hababu aitentara yokarajangoka mangale Ngohi. Ngohi, o Jou Duru toko Kurutil̄e totemoka.
21Maöraha okia mahali gënanga idadi, Ngohi aha tahidadi o Israeloka manyawa yokuata deʼ yakunu ngona Yehezkiel, notemo-temo deʼ madadatoko koiwa hiädono mata-mata o nyawa yakunu inigihene ngona. Done ihi öriki önanga Ngohi o Jou.”
Currently Selected:
:
Highlight
Copy
Compare
Share
Want to have your highlights saved across all your devices? Sign up or sign in