O YEHEZKIEL 24
24
O bohoko mapopariama
1O wange mangimoioka, o mede mangimoi, o taongo mahiwo magoronaka maöraha ngomi imi tabuanga, ma Jou wohitemo ngohino, 2#2Kok. 25:1; Yer. 52:4 ”Hei o nyawa nokokakaliua, natulihi matagali o wange nënanga, karana o wange nënanga o Babel manga koano womulaenge wohigiloliti o Yerusalem. 3Ngohi, o Jou, to Ngohi moi ahi hitotero mangale nahiädono Ahi umatika yoigo-igo imalawani:
Noguhe o akere o panci magoronauku
daha nakelenga o uku mal̄okuoka.
4Nonoa ohiode ma akeme magoronauku
ohiode ma akeme duru maoa-oa
mabelaka ma akeme deʼ mauguru ma akeme
ikali hagala makobongo maniara ilo amo-amoko.
5Napake o duba ma akeme maboburere deʼ magö
nodogo isosadia o gota ihi dofo-dofo.
Mal̄aika ma akere ituhara iwaka-waka
nabohoko o hiode ma akeme gënanga
kamamoi makobo-kobongo.”
6Ma Jou Duru wokoKurutil̄e wotemo, ”Ibodito o kota iömanga deʼ o doma gënanga! Kota gënanga hokä o bohoko mapopariama komaiwahi yafika. Ohiode ma akeme naga magoronaka ihi hupu o luiti moi-moi hiädono o luiti moiö mä koiwa igogogerohi. 7O kotaoka gënanga idadi o doma, mä o huhuba ma awunu ikopoaua o tonakuku, ma o helewo itotogowini mal̄okuuku, hiädono yakunua yöpohuku. 8O awunu gënanga Tamal̄aika genangoka hiädono yakunu yamake deʼ yodotagahoko mabalahi.”
9Ma Jou Duru woko Kurutil̄e wotemo, ”Ibodito o kota iomanga deʼ o doma gënanga! Ngohi mahirete aha todatoro o gota mangale yatuhuku. 10Nodogo magota! Nodal̄oko mauku! Nabohoko ohiode ma akeme! Naumo ma teongo! Naharongo makobo-kobongo! 11O öraha nënanga nödirï o bohoko o tabaga mahomoa gënanga o uku mal̄okuoka deʼ namal̄aika hiädono itokara ingabo-ngaboho. Mapariama youku iböto, o bohoko gënanga aha itebinokali imamoteke o agama madatoro. 12Mä mata-mataua mapariama aha ihihanga o uku yalahiri.
13Hei Yerusalem, ani jojobo-jojobo itotorou yapësekoka ani diri. Ngohi tohitailoka tonitebini, makoiwa maguna, hababu ngona kahirahi nopëseke. Ngona aha notebinokauaoli hiädono Tonidipidili Ahi gangamo ngonauku. 14Ngohi, o Jou Duru toko Kurutil̄e totemooka. Maöraha yadonoka Ngohino mangale todiai. Ngohi aha tawohangua ani baradoha deʼ Tonihi apongua ekola Tonidora ngona. Ngona aha Tonihukumu imamoteke deʼ hagala ani manarama. Ngohi o Jou Duru toko Kurutil̄e totemooka.”
Ma nabi ngoi hekata ami honenge
15Ma Jou wohitemo ngohino, 16”Hei o nyawa nokokakaliua, deʼ itodokanino aha Tal̄ë o nyawa duru naö igo-igo. Mangona yakunua nododora deʼ noari, ekola namal̄aika ani kongo iuihi. 17Uha hiädono ani gari yoihene. Uha nomadagi noma kokuduua ekola nomal̄ou mahohol̄eua, hokä o nyawa imahipake duka manonako. Uhaoli natamunoka ani biono, deʼ uha naol̄omo o duka manonako maroti.”
18O ngoru-ngoru mino ngohi tatemo o hoanika gënanga deʼ mahutuku ngohi hekata mohonenge. Iarehino ngohi tadiai okia ihipopareta ngohino. 19O kawaha yoleha, ”Yadodoa Bapa nodiai hoko nënanga? Okia mamangarati mangale ngomi?”
20Daha tätemo onangika, ”Ma Jou wohihuloko ngohi 21tohiädono o behehongo nënanga nginika: ngini nia hininga ilamoko ma Jou Ai Tau makuata. Ngini nioigo nia pulono deʼ niolega, mä ma Jou aha wapëseke Ai tau. De nia tau manyawa kayo gö gö ohi, yogögogogere o Yerusalemoka, aha yätoma o parangi magoronaka. 22Dahao ngini aha niadiai hokä Tadodiai o öraha nënanga. Ngini aha nia tamunoka nia bionoko ekola nia ol̄omo o duka manonako maroti. 23Ngini aha nimadagi nia häeke nia tamunua ekola nia l̄ou mahohol̄eua, nidodoraua ekola niariua. Ngini aha iholoi kani popanyakeika karana hagala nia baradoha; ngini aha nitaiana moi deʼ moiika. 24Done ngohi, O Yehezkiel aha todadi o dulada nginiika; ngini aha niadiai hokä tadodiai o öraha nënanga. Ma Jou wotemo nako o hali gënanga idadi, ngini aha nihi öriki Unanga ma Jou Duru woko Kurutil̄e.”
25Ma Jou wohitemo ngohino, ”Ah, o nyawa nokokakaliua, aha Tal̄ë onangino ahi Tau ikö kua-kuata gënanga idadioka toönanga manga hininga ilamoko deʼ isanangi, deʼ önanga yapulono deʼ yölega deʼ manga hininga mamorene. Dahaö Ta l̄ëoli toönanga manga ngoha-ngohaka. 26Mawange ngohi todiai o hali gënanga, womatengo o binahaoka deʼ wohasili wootana gënanga aha woboa, deʼ wohiädono o abari gënanga nginiika. 27O wange gënangö ngona aha nakunu notemo-temokali deʼ nomouokauaoli. Daha ngona aha nima ade-ade deʼ o nyawa gënanga. Hoko gënanga ngona aha nodadi o nonako mangale önanga; done ihi öriki önanga Ngohi o Jou.”
Currently Selected:
O YEHEZKIEL 24: TLB
Highlight
Copy
Compare
Share
Want to have your highlights saved across all your devices? Sign up or sign in
